-ايه اكتر حاجه حبيتيها النهارده ؟
_الاكل
-اكتر حد طيب؟
_الراجل اللي عمل الاكل
-نعم ي روح ماما !
_ايه ي كريم في ايه يووه!!
-طيب مش في حاجه كده عايزه تقوليهالي؟
_حاجه زي ايه؟
-اي حاجه
_اااه صح ،شكراً ع الاكل
-يخربيتك ،انا خارج مع بقرة ي رب ايه ده
_ايه ي كريم ايه الله !!
-ولا حاجه ي ندى المهم فرحتي بالخروجة ؟
_جداً ،شكراً جداً ي كريم علي كل حاجه بتعملها معايا ،انا لو ليا اخ مش هيبقي زيك كده ..
-العفو ي ندى ربنا يعلم انتي غاليه عندي قد ايه
روحت البيت وانا مبسوطة وفرحانة يمكن اول مره ابقي فرحانة كده من وقت الحادثة
قبل الحادثة كنت مبسوطة جداً في حياتي وبخرج في اي وقت لوحدي عادي
اما دلوقتي دايماً بحتاج حد يبقي معايا لو حبيت اخرج
والحد ده دلوقتي هو كريم
من يوم ما فقدت بصري وهو جمبي ومسابنيش
كريم الشخص الوحيد اللي فضل جمبي الفترة اللي فاتت دي
رغم تعبي وخنقتي ومعاملتي الوحشه برضوا فضل جمبي
حتي اعز صحاب ليا سابوني اما هو فلا
كريم ابن طنط لبني صاحبه ماما
كنا دايماً مع بعض واحنا صغيرين
بس لما كبرنا كل واحد بقي ف حاله
دخلنا كليه واحدة والصراحة كنت بتجاهله
هكذب لو قولت اني كنت واخده بالي منه اصلاً قبل الحادثة
بس بعد الحادثة ورغم اني كنت وحشه اوي ف تعاملي معاه ومع الكل بس هو فضل جمبي وكان مصر يحشر نفسه ف حياتي
اهتمام كريم بيا خلاني انجذب ليه مش هنكر ده بس ده مينفعش
كريم مش هيسيب حياته اكيد ويربط نفسه بواحدة زيي مبتشوفش
اكيد مش هيحبني
بحاول ع قد ما اقدر احفظ ملامحه وشكله علشان منسهوش
خايفه ان ييجي يوم كريم يخطب فيه ويبعد عني علشان هي بتغير عليه
انا حالياً مليش حد غيره لو سابني هبقي لوحدي خالص
هو ممكن فعلاً كريم يخطب ويسبني !
-ايه ي ست الكُل هنروح فين النهارده؟
_اي حته عادي ..
-مالك ي ندى؟
_خايفه ي كريم
-من ايه؟..العملية؟
_ايوة
-مش عايزه ترجعي تشوفي تاني؟
_عايزه اكيد بس انا مش هستحمل عمليات ودكاترة ،انا كرهت ده كله ي كريم وتعبت والله
-متخافيش ي ندى ان شاء الله دي هتبقي اخر عملية تعمليها وبعدها مفيش عمليات وهترجعي تشوفي تاني ، قوليلي بقي ان شاء الله ايه اول حاجه تحبي تشوفيها بعد العمليه ؟
_المطعم اللي بنجيب منه الاكل
-ي صبر ايووب ،ايه ي بنتي انتي ايه؟
_ايه ي اخي بحبه الله!
-حبيه ي ستي براحتك
_صح ي كريم ،انت بتحب؟ ..قصدي ناوي تخطب يعني؟.
-اه ي ستي بحب وناوي اخطب
_بجد؟ ..طيب انا اعرفها ؟ مين هي؟!
-بنت صاحب المطعم اللي بنجيب منه الاكل
_ها ها ها مضحكتش
-هو انتي بتعملي حاجه غير انك تاكلي اصلاً
_بصولنا فالحاجه الوحيدة اللي بنعرف نعملها بقي
-احنا نقدر ي عم
_كريم
-نعم؟
_هو انت ممكن تخطب وتبعد عني لو خطيبتك كانت بتغير عليك مني ؟
-هو انا اخطب ليه واحدة بتغير منك يعني !
_لو عملت العملية ورجعت اشوف هنبعد زي الاول ؟
-انتي عايزه نبعد زي الاول ؟
_لا
-وانا اصلا الاول مكونتش بعيد ي ندى انتي بس اللي مكونتيش شيفاني
_انا موافقة اعمل العملية
المفروض ان العمليه بعد شهر وانا عارفه ان ماما هي اللي قايله لكريم يقنعني
انا اكيد عايزه ارجع اشوف
بس غير اني فعلاً تعبت من الدكاترة وده كله كنت خايفه لما اشوف ارجع لحياتي القديمة اللي كريم مكانش جزء فيها
ممكن يكون هو موجود معايا كتعاطف منه ،وانا مش مضايقه
يكفيني بس انه موجود جمبي مش اكتر
اكيد مش هطمع انه يحبني مثلاً
انا مش انانيه للدرجة دي يعني
في جزء جوايا كان عايزني اعمل العمليه علشان ابقي كامله في نظر كريم وينفع انه يحبني ..
لما وافقت
ماما فرحت جداً وكمان كريم فرح اووي يمكن اكتر مني انا شخصياً
فرحت جداً لما لقيتهم فرحانين
الفترة دي كنا بنجهز للعمليه وكل ما معادها يقرب الخوف جوايا كان بيزيد
بس كريم كان معايا ومسابنيش خالص الصراحة
-متخافيش ي ندى انا هنا اهو ،كلنا معاكي
_كريم
-نعم
_سألتني ايه اول حاجه حابه اشوفها بعد العملية صح؟
-ايوة
_انت
*******
المفروض النهارده نعرف العملية نجحت او لا
كنت مرعوبه وهما بيفكوا الرباط من ع عيني
واول ما فتحت بالراحه شوفت ماما بتبصلي ومبتسمة وجمبها طنط لبني وكريم
اول ما بصيتله ضحكت قرب مني وهو مصدوم
-ندى انتي شايفاني صح ؟
هزيت راسي باه
لقيته عيونه لمعت بالدموع وضحكلي
-طب طب قوليلي نفسك تشوفي ايه عايزه تروحي فين وانا هوديكي اي مكان تطلبيه ..
_هنروح المطعم امتي؟
-ياربي ايه ي ندى !!
_بهزر ي رمضان
روحت البيت وماما كانت فرحانة اول وكل قرايبنا جم يشوفوني
اليومين دول كنت مشغوله ومكلمتش كريم خالص ولا شوفته
قررت اني اكلمه ونخرج ،كان واحشني جداً ونفسي بجد اشوفه
-ي مساء الفول ،الحلو فاضي ولا مشغول
_حتي المسا خليتيه باكل ،عامله ايه ي ستي
-الحمدلله تمام ،عازماك بقي النهارده ع حسابي ي عم
_هتأكليني ؟
-ايه ده هو انا معديه!
خرجنا انا وكريم وكنت ببصله طول الوقت وحاسه اني اول مره اشوفه فحياتي
كان واحشني جداً فعلاً
دخلنا كافيه وقعدنا وكنت حاسه فضلت اتكلم كتير اوي وكأني اول مره اتكلم من زمان
وهو مركز معايا ومبتسم وف نص الكلام لقيته بيقولي
-علي فكرة انا بحبك كملي بقي كنتي بتقولي ايه؟
_نعم!
-بقولك مطلبناش حاجه ع فكرة بتقولي عزماني؟
_هاا! انت ..انت بتتكلم جد؟
-هو شكلي بهزر ؟!
_لا اصل ..هو يعني ..
-في حاجة ولا اي ؟
هو بجد قال بحبك ولا انا بيتهيألي!!
انا بيتهيألي ي رب
بصيتله لقيته ملامحه وتعابير وشه جادين وشكله ميديش ابدا انه بيهزر
يبقي انا اكيد سمعت غلط
_لا ولا حاجه ،تشرب ايه؟
-قـهوة ،اشرب قهوة
_طيب بتحبها مظبوط ولا زيادة ؟
_هو انا بحبك انتي بس عادي اشربها مظبوط
-نعم!!
_بقولك تتجوزيني؟
انا سمعت غلط كمان !!
اكيد لا يعني
-انت قولت تتجوزيني؟
_اه قولت
-انت ..انت بتتكلمي بجد؟
_هو انا شكلي بهزر؟!
#ندى_سلامة
#حكاوي_ندى_سلامة.
- عاالم مختلف )" ! 💛✨
