"وفيها اي يعني لما نحقق الروايات في واقعنا؟ " 💙
_عندي فكره هايله كدا والذكاء فيها السهم لفوق
_اتحفيني
_قرأت روايه البطله والبطل اتجوزو غصب عنهم ماشي ؟..وبعدين اتفقو انهم يعيشو مع بعض زي الصحاب لمده 3شهور ولو محبوش بعض يطلقو وبعدين يعني حابو بعض في الاخر
_...
_لؤي انت سامعني
_ايوا مش فاهم برضو عاوزا اي ؟
_فهمك تقيل معرفش كنت في هندسه ازاي يعني !
_تعالي علي نفسك وفهميني
_يعني هنعمل زيهم
_بس احنا مش مغصوبين
_ولا بنحب بعض
_بس انا..
_شوف الكدب من اول ليله يجدع بطل كدب هتولع وهتخش النار، دا احنا لسا فرحنا كان النهارده يعني مش من اولها كدا بكدب..وبعدين يابا احنا متجوزين صلونات يعني استحاله تكون حبتني في 3شهور الخطوبه يعني لؤي احنا كنا عاملين لبعض بلوكات وكنا بنتكلم كل فين وفين اصلا
_حصل
_يبقي نعمل زيهم 3 شهور هه اي رأيك
فضل يكمل اكل ومردش عليا
_انا قولت برضو انهم مده قليله 4 طيب !
_يما دي روايه
_وفيها اي يعني لما نحقق الروايات في الواقع ؟
_..
_شهرين ومش هنزل اكتر
_..
_فاكر سحر؟
_سحر مين؟
_يعيني يكوكو مشكلتك انك فاكرني متخلفه يبابا دنا عارفه سحر ومروه
_بس والله لما خطبتك مبقاش ليا علاقه بحد
_ف دي بقي انت صادق
_الحمدلله
_تمام يوم التلات فضلت بره لحد الساعة 3 بالليل وكنت بتقول ان عمك تعبان !
_اه
_امال ازاي اخو اسماء كان قاعد عالقهوه معاك
_ياستي كدبه بيضه
_تمام تمام فاكر بعد يوم كتب الكتاب ب اسبوع عملت اي ؟ انا ممكن أتصل يماما واقولها وانت عارف حماتك مش بطيقك اصلا
_حلو شهرين اكتر من كدا مش موافق
_ يعجبني فيك عقلك..عارفه انك طفس ف خد انت اوضه النوم وانا الاطفال
_انت الحنين علي عبادك يارب
_تصبح علي خير بقي
_شهرين ومالو دنتي هتشوفي ايام عنبب عنبب
_عنب !
اليوم كان متعب اصلا مبحبش جو الافراح بس ماما اللي اصرت اننا نعمل فرح الناس هياكو وشنا يابنتي واي الهبل اللي بتقوليه دا لا لازم فرح مش كفايه مده الخطوبه كانت قصيره والله لو مشيتي اللي في دماغك لمنا قاعدلكو فيها وهمشي ومش هتعرفولي طريق ..منكرش اني في ال3شهور اتشديت جامد ل لؤي اه كان كلامنا قليل بس كنت محافظه علي قلبي لحد مايجي قره عيني اسلمله قلبي نضيف وسمعت كلام ماما بأن الحب هيجي بعد الجواز وبعدين أكيد هو اتشدلي يعني ولو شهرين مده مش كافيه ناخد شهرين كمان واحنا ورانا اي يعني !
احلي حاجه فيا اني لما بحط راسي ع المخده بنام واسوأ حاجه ان لو نموسه حتي جت جمب وداني بصحي..صحيت عليه وهو بيفتح الباب جامد وقومت مفزوعه
_يأاخي حرام عليك هي مش في بهيمه نايمه هنا ! في حاجه اسمها تخبط قبل ماتخش
_مالبهيمه دي مراتي عادي
نط عالسرير اللي قصادي وربع رجله
_انتي شعرك منكوش ليه
_عشان كنت نايمه مثلا !
حط إيدو علي راسه_ ياميله بختك يالؤي يابني هو مش المفروض العرايس بيبقو مسىرحين شعرهم وحلوين؟
_كنت جاي ليه؟
_جعان
حطيت ايدي علي راسي وانا بقلده _ياميله بختك ياأروي يابنتي هو مش المفروض العريس اللي يجبلي الاكل ويبوس ايدي ويقولي بالهنا والشفا ياحببتي ؟
_ابوس ايدك لي هو انتي امي
_ انت رومانسي اوي لي كدا يابني؟
_اروي والله بجد جعان
لميت شعري _حاضر والله
صفر_ ايدا ايدا مااحنا حلوين وبنقول حاضر اهو
_في حاجه كدا مدكناها للحبايب..بس ظبط بس انت الاوضه بتاعتك الله يخليك
_حاضر
_ال ال ال ال ايدا ايدا
_مااكيد مش هتسمعي كلامي يعني وهكسفك انا
ضحكتله وخرجت حضرت الفطار وفطرنا وبعدها بشويه ماما اتصلت وقالت انهم علي وصول الصباحيه بقي جهزنا نفسنا اننا نستقبلهم قعدو شويه ومشيو ونا دخلت غسلت شعري وهو كان قاعد بيتفرج عالتلفيزيون كان قاعد ع الركنه ونا قعدت عالارض وقربت منه
_سرحلي
_متسرحي لنفسك
_يبني انت اش فهمك انت.. انك تسرحلي دي حاجه رومانسيه وهنحب بعض اسرع
_اي الرومانسي في اني اسرح شعرك ؟
_بقولك اي سرحلي وانت ساكت دا اي ياربي دا !!
ضحك وخد مني المشط_يالا ومالو
بدأ يسرحلي وكان بيشد شعري جامد وكأنه بينتقم مني
_اي يابني دا انت بتسرح لبقره امال لو مكنتش بتسرح برومانسيه بقي !
_الله ماانتي اللي شعرك ماسك في بعضو
_يابني انت كنت لازم تاخد شهاده في التعامل مع الجنس اللطيف اللي هو انا يعني اي شعرك ماسك في بعضو دي وسع كدا
