اسكريبت جديد + رأيكوا يهمني 💙
- يا بنتي هو احنا مش هنرتبط بقي ونحب ونتحب زي باقي الناس ويقولوا المرتبطه راحت المرتبطه جات انا عايزه حد يقولي انتي لاف السنين ولا اقولك إحنا نتجوز علطول هو انا لسه هرتبط بواحد وافرض في مشاعري المكنونه دي ويقعد يقولي ورايا جيش وعندي اخت في ابتدائي ولا اختي الي لسه متولدتش لازم اجوزها لا يا ستي إحنا ندخل علي جواز علطول وممكن اديله طحالي عادي انا مستغنيه عنه قولتي ايه
= ودول هنجيبهم منين يا ذكيه هنشتريهم مثلا ولا نمشي في الشوارع نقول عريس لله ..!
_ والله فكره
= فكره ايه يا مجنونه انا بتريق
-تعالي بس
= متهزريش عارفه انك هبله وهتودينا في داهيه
-يا ستي تعالي متبقيش عايزه الحاجه وتقولي يفتح الله بنت غريبه صحيح
*خدت صحبتها ودخلوا سوبر ماركت *
-لو سمحت يا كابتن
صاحب السوبر ماركت = اؤمري يا انسه طلباتك ايه
-هو حضرتك بتبيع عرسان
=ببيع ايه ؟!
- عرسان عايزين عريسين يتجوزونا انا وصحبتي
*صحبتها = يا مجنونه هتودينا في داهيه لا حضرتك مفيش حاجه هي كانت بتهزر بس ودي كانت لعبه إحنا أسفين عن أذنك *
*هو واقف مستغرب ايه البنت المجنونه دي *
*صحبتها خدتها ومشت *
- ايه يا بنتي بتطلعيني ليه
= انتي مجنونه يا ياسمين ايه الي عملتيه ده مجنونه والله
ضحكت وقالتها عارفه يلا بقي عشان نأكل مش هيبقي ولا ارتباط ولا أكل كمان
= يلا يا مفجوعه
.........
- فارس يا فارس أنت يا بني
= ايوه أيه في ايه
_ سرحان في ايه وقاعد تضحك أنت ملبوس صح
كمل ضحك وقاله تعالا احكيلك علي حاجه حصلت من شويه
_ ها ارغي
ضحك وقاله في بنت جات من شويه هي وصحبتها لما انت كنت برا وبعدين فكرتني ببيبع وكده وطلبت مني طلب غريب
_ بتضحك علي ايه يا ابني فهمني طلبت ايه
= مش قادر انسي الموقف الي حصل كان نفسي اضحك قدامها بس مسكت نفسي
* صاحبه رفع حاجبه وبصله بإستغراب *
= جات قالتي حضرتك بتبيع عرسان بنت المجنونه
- بتبيع ايه؟
-اه والله زي ما سمعت كده
= يا عم يمكن كانت لعبه وحكموا عليها وكده
- مش عارف بس حبيت تلقائيتها وجنونها وضحكتها جدا
= اممم ايه يا عم هي كانت حلوه ولا ايه
- حلوه بس دي كانت زي القمر
كمل كلامه وهو بيضحك كنت عايز اقولها انا موجود اهووو
.......
* تاني يوم*
يلا يا الاء عشان نأكل انا جوعت اوووي
= لا ثانيه بس هو انتي بتشبعي أساسا ؟ يا بنتي ارحميني انتي بتاكلي وأنا الي بتخن
_ طب يلا بسرعه لأن ريحه الاكل دوخيتني جدا وجوعت
= والمحاضره ؟
_ يا ستي الاكل أهم يلا
= لا روحي انتي هاتي الاكل وانا هستناكي في الكافيتريا .
.......
دخلت محل الشاورما وهي بتضحک وابتسامتها الی تخطف القلب کالعاده
يا كراشي يا حلو انت عايزه سندوتشات الشاورما بتاعتي وزود التوميه يلا بسرعه عشان هموت من الجوع
= افندم
* بصلها واستغرب انها هيا وبص في عنيها وهي بتضحك وفضل ساكت*
_ امم اسفه بس هو فين الكراش الحلو بتاعي ؟ امم قصدي الكراش السوري الحلو بتاعي ؟ اممم يا عم قصدي فين الشاب الي كان بيقف هنا علطول
* ضربت ايديها ع رأسها وهي بتضحك *
= انا قولت انك هبله فعلا مصدقوش
_ حضرتك بتقول حاجه ؟
= بقول يا صباح الصدف الحلوه
- بتقول ايه ؟
= بقول الكراش الحلو السوري بتاعك امم قصدي الي بتسألي عليه مجاش النهارده وأنا بدأت شغل هنا من النهارده
_ احم
ضحكت وقالت بجديه كده .. بس بس يا عم انت لسه هترغي أنا جعانه عايزه 2 شاورما فراخ وزود التوميه وحياه عيالك
ضحك وقالها تؤمري
_ لا قولي تكرم عيونك
.......
* الاء *
_ايه يا بنتي ساعه بتجيبي أكل
= اسكتي عشان ملقتش الكراش بتاعي وهعيط اهوو
_احسن ياختي
ضحكت وقالت
لا بس لقيت شاب وسيم وقمر اوووي هناك وعنده غمازه حلوه اوووي وشكله أعجب بيا وكده يعني مقدرش يقاوم جمالي
_الاء ضربت ايدها علي رأسها وقالت وهي بتضحك هتجنن بسببها يا عالم مصاحبه مجنونه ومتخلفه والله الاتنين مع بعض
........
_ ايه يا عم فارس مالك جايبني جري ليه كده
= شوفتها يا احمد شوفتها
_ شوفت مين
= فاكر البنت المجنونه *اوبس قصدي البت الي جات السوبر ماركت الي كانت بتسأل علي عريس ؟
ضحك وقاله ايوه المجنونه دي مالها
= ايه مجنونه دي انا بس الي اقول عليها كده
_ طيب يا عم روميو ايه الي حصل وشوفتها تاني فين
جات محل الشاورما النهارده و ....* حكي لصاحبه الي حصل *
_اوبا شكلك معجب بيها ياعم معجب ايه شكلك واقع
= مش عارف يا احمد بس حاسس فيها حاجه مختلفه كده لما بشوفها بتضحك بضحك تلقائيا علي ضحكتها وبتتكلم بطبيعتها ومجنونه و ...
_ يا عم فارس حيلك حيلك انت مشوفتهاش غير مرتين ووقعت كده
= احم
كمل كلامه بنظره فخر وسعاده
ما انا هشوفها كل يوم وكده بقي هيحح
- يلا ربنا يسهل التساهيل شكلوا مجانين زي بعض
= بس قولت متقولش مجنونه انا بس الي اقول
احمد ضحك وضرب فارس علي كتفه وقاله
ماشي يا عم العاشق الولهان من اول نظره
....
* غابوا فتره علي نفس الحال كل يوم يشوفها في المحل وهي بجننها وهزارها وطريقتها الطفوليه مع الكل بتخطف القلب بسهوله *
* بعد فتره *
كالعاده دخلت المحل مبتسمه وقالت
يا حلو يا ابو غمازه انت
ضحك وقالها عيوني
_ يلا عشان جعانه اوووي
= هو حضرتك بتشبعي امته انا من ساعه ما اشتغلت هنا وانتي علطول جعانه
_ ايه يا عم انت بلاش أكل يعني
= لا طبعا كلي لو انتي مكالتيش احنا إللي هنأكل مثلا
_ ايوه كده وكمان لما تكلمني مترفعليش حاجبك كده وتضحكلي بغمازاتك دول عشان انا بتكسف وكده يعني
قرب منها وبص في عنيها وقالها ..
مش قادره تقاومي جمالي صح
_ هو انت عشان حلو وعندك غمازه وتفاحه أدم ودقن ودمك خفيف وبتحطلي توميه كتير هعجب بيك مثلا !
-* رفع حاجبه وبصلها باستغراب *
= انت مفكر لما تبصلي كده وترفعلي حاجبك هربتك هربكك هتربك هرتبك مثلا
ضحك بغمازاته الحلوه وقالها
.. مجنونه والله وهبله كمان
= شوفتوا قاعد يهزر معايا ازاي هيموت ونبقي صحاب يعيني
كملت كلامها بضحك وقالت يا ابني لو بتكرش عليا وواقع في غرامي ومش قادر تعيش من غيري وهتنتحر بسببي قولي متتكسفش مش هعملك حاجه بصوت الفنان العظيم محمود الجندي نيهاهاها
- * سكت وقال لنفسه *عملت اي في دنيتي يارب عشان احب مجنونه وضحك بصوت عالي *
= يلا يا عم اهو ضحك ببلاش اهو
.........
* بعد شهر *
* جابت الاكل كالعاده وراحت الكافيتريا *
- صباح الفل يا باشا
= ايه يا بنتي مبسوطه كده ليه وجايه بتضحكي مع نفسك يا مجنونه انتي
_ مش عارفه يا بت بس الواد القمر التافهه الي في المحل ده شكله هياخذ قلبي ولا ايه
*الاء بصتلها بصه غريبه كده *
- ايه ابنتي متفهميش غلط بس مش عارفه حاساه تافهه شبهي كد وبنقعد نهزر وكده يعني
= هو اسمه ايه
_ ايه ده تصدقي معرفش نسيت أساله وهو كمان مسألنيش علي اسمي غريبه فعلا
= جدعه يا اختي يالا نأكل بقي عشان نلحق المحاضره
.......
* تاني يوم *
مالك يا حجه مكشره ليه غريبه يعني
= عادي
- علي الاء برضو
= مش عارفه بس الواد الحلو ابو غمازه ملقتوش في المحل هعيط اهو
* تعابير وشها زي الاطفال جدا لما تبقي زعلانه *
ضحكت وقالتها
يا هبله يمكن ساب الشغل ولا حاجه
= لا ياستي اكيد مماتش يعني او مثلا ان شااء الله يكون تعبان لا بعد الشر يمكن مش جاي النهارده بس
- اتوكسي يا اختي وخايفه عليه كده ليه محسساني انه خطيبك مثلا
=معرفش عادي وانا ازعل عليه ليه اصلا دا كان رخم وبيستفزني عشان اتعصب
- هاتي الأكل يا ياسمين عشان متشليش الجزء السليم الي فاضل مني
=ضحكت وقالت اعيش واشلك يا حلو انت يا باشا قلبي
