اسكريبت 💜🌼🌼
"ولكنّك مع الشخص المُناسب ستُضيء" 💜
-----
-هو مشبعش رفض؟
=بيحبّك يابنتي .. وافقي بقا دا محترم وجدع وهيتقي الله
فيكي وهكون مطّمن عليكي معاه
-يابابا أنا .. مش عارفة بالله متغصب عليا أنا مش بحبه ي بابا
معرفش جبت الجرأة دي منين ولأول مرة .. أتكلم مع بابا كدا
=براحتك.. بس على فكرة الحب والخيال والعالم اللي أنتي معيّشة نفسك فيه دا مش كل حاجة ي مريم ..
سابني وقام.. بابا أول مرة يتكلم كدا معايا أنا توقعت مثلاً أنه هيزعّقلي هيتعصّب .. ماله العالم اللي أنا عايشة فيه بس.. أنا عاوزة أتحبّ يارب صعب الطلب دا؟
كنت راجعة من الكلية في يوم .. والجو كان حر جداً ولقيت باص ف ركبت فيه فجأة اكتشفت إني مش معايا فلوس !!
الراجل طلب مني الأجرة خوفت أنطق لقيت صوت جاي من آخر الباص:دي معايا .. أنا دفعت 2 حضرتك
الراجل ابتسمله وهو بصّلي شوية ورجع بص في الأرض
أول م الباص وقف نزلت جري علشان متكلمش معاه جه ورايا ووقف قدامي
-عاوز ايه؟
=ازيك
-مش يهم حضرتك
=مريم أرجوكي اديني فرصة
-فرصة لإيه هو بالعافية؟ أنا عاوزة أمشي بالله
=هوصّلك
صوتي علي :في ايه يا أحمد؟ ابعد عني مش بالعافية
=مانتي بتعرفي تقولي اسمي أهو
-استغفر الله العظيم .. أرجوك سيبني أمشي
=أنا بس كنت عاوز أقوللك إني مش هبطل أطلبك من ربنا.. وأني هطلبك منه لحد م أموت
بصّيتله وبعدين فضلت أعدل في الخمار بتوتر :اللي ربنا عاوزه هيكون .. وأنا يابن الحلال قلتلك ربنا يوفقك مع واحدة أحسن مني وتحبك وتهتم بيك و ..
=مفيش حد أحسن منك في عيني .. أنا مش عاوز غيرك
طب اديني فرصة أخيرة ..
هاجي لبابا بكرة أرجوكي اقعدي معايا ونتكلم زي دلوقتي وأوعدك أنها هتكون آخر مرة
بصيتله وبعدين لبست نظارتي الشمسية ومشيت
تاني يوم لبست ونزلت قعدت معاه .. فضل ساكت مش بيتكلم .. حسيت إني عاوزة أسمع كلام بابا وأديله فرصة فعلاً وأبقى عملت اللي عليا ..
-بتصلّي؟
بصلي :نعم انتي قلتي ايه؟
ابتسمت :بتصلّي؟
=أيوة الحمد لله
-طب حافظ قرآن وأحاديث
=مش أوي .. علشان مبقاش كذّاب
