أول أسكريبت ♥️🌸
رأئيكم 🙏
_يعني أي مش موافقة!!
يعني مش موافقة ي ماما هو بالغصب! ، حد لا شوفته ولا أعرفه وجاي يقول جارنا وعايز أتجوزك والمفروض أوافق صح !!
أنا تعبت منك ي ياره لما يجي أبوكي يشوفلك حل.
أنا وماما دايماً بنتخاتق ع حوار العرسان كتير ، بس هي مش قادرة تفهم إني محتاجة وقت ، وف أولويات أهم .
_ياره!!
اوف خلاص ، قصدي محتاجة حد يخطف قلبي ، محتاجة حد يشدني ، حد يعرف يتعامل معايا بكل مشاكل ونفسيتي وكل حاجة، يحترم الطفلة الي جوايا .
بابا!
نعم ي ياره !
ممكن نتكلم سوا !، وتحاول تفهمني !
أحكي ي بنتي .
أنا وماما شدينا شويه الصبح ، ع حوار العريس .
كل يوم ي ياره ! ، ليه مش عايزة تفهمي اننا عايزين نطمن عليكي وأنتِ ليك سند ف الحياة ، ومعاكي راجل زين الرجال .
زين الرجال ! ، بابا أوعي تكون!
أنا موافق ي ياره ندي فرصه ل نفسنا وللراجل .
تمام ي بابا الي تشوفه.
قمت صليت القيام ونمت ، صحيت ع الفجر وقعد شويه ف البلكونة .
فجأة لأقيت واحد ف وشي ، أول ما بصتله خوفت ، مش عشان وحش لا !
عشان بصته نارية حسيت انه ممكن يحرقني .
لسه هدخل لاقيته بيقولي ياره لحظة!
عفواً حضرتك تعرفني ! ، إحنا قليل لما بنقف ف بلكونة او نعرف حد من جيرانا خصوصاً لو عندهم شباب كبار .
قالي عز المعرفة ، قولتله تمام ، خير؟!
لاقيته بيقولي " هيجي وقت والقلب هيدق ولما يدق هيدق ل زين الرجال "
ادخلي ومتخرجيش تاني البلكونة عشان ف شباب حواليكي يلا متنحيش.
أول مرة اسمع كلام حد ف حياتي بدون مجادلة ولا عند وخصوصاً من راجل وغريب .
روحت أعمل الفطار ، وأفتكرت جملته وفضلت أضحك
يومين ع التوالي يتذكر فيها اسم " زين الرجال " .
ياره أنتِ الي ف المطبخ !
أيوة ي ماما .
تعالي ي بنتي ف عروسة تقف ف المطبخ أستريحي عشان تبقي فايقة بليل .
بليل !!!
ف أي بليل !
ف رؤية ي ياره ي أخرة صبري .
لا إحنا متفقناش ع كده .
أنا بتكروت .
يلا ي ياره بره ، بره عشان مش عايزة شلل النهاردة .
طلعت من المطبخ روحت أوضي أتختقت جيت أخرج للبلكونة أتراجعت، أفتكرته، أفتكرت كل كلمة ، لون عيونه وهي بتتغير، لسه معرفتش أحددها أول مرة معرفش أحدد لون عين حد وأنا عندي مواهبة معرفة لون العيون عن بعد .
نفض دماغي وقولت أستهدي بالله ي ياره .
الوقت جري بسرعه جه معاد الرؤية .
وقلبي كان بيتنفض معرفش ليه !
مع إن ف النية أرفض المفروض مخافش.
شويه وهو وأهله جم .
لاقيت ماما يلا ي ياره أخرجي قدمي حاجة ليهم .
ماما ، أنا مش هعرف أمسك حاجة أنا بترعش، معرفش أول مرة تحصل ، ممكن أنتِ تقدمي.
أهدي طيب وتوكلي ع الله .
دخلت ووشي ف الأرض لحد دلوقت مشفتوش ولا عندي فضول أعرفه حتي ، قعد جنب بابا .
والده أتكلم ، بعد نص ساعه ، طيب أي نسيب الحبايب شويه مع بعض ! .
بابا مسك أيدي وقالي أطمني وأهدي أنا قصادك أهوه .
فضلت وشي ف الأرض ، وهو ساكت بعد عشر دقايق .
أول مرة تشوفي السجادة ولا أي !
لحظة ! الصوت ده مش غريب عليا سمعته فين قبل كده !
مش هترفعي وشك ! طيب ردي عليا طيب ي ياره
هو ! هو نفس نطقه لأسمي . أكيد بحلم!
رفعت وشي بهدوء ، لأقيته أجمل حد ع الكوكب ، خطف قلبي ، ب قميصه الابيض البنطلون الاسود مشحم، مع البلرو الصوف ، تسريحه شعره ، لحظة عينه خضرا ! لا ثانية زتوني!
عيونه بتقلب ، لاقيت نفسي بدون شعور بسأله
هو عيونك لونها أي ، أنا مش عارفه أحدد.
ضحك وياريته ما ضحك ، ينفع حد يخطف قلب حد بضحكة حلوة كده !
هعرفك كل حاجة ، أنا أسمي زين! أيوة زين الرجال، عيوني بتقلب حسب الحالة لو متعصب بتغمق جداً ، لو مبسوط وسعيد زي دلوقت فهي أخضر غامق او زتوني، ساكتة ليه !
لا عادي بسمع !
ياره أنا عايز أكتب الكتاب بدل الخطوبة، أنا عشان اعرف أتعامل معاكي ، وبدون تكليف .
أنا مش حد وحش ، مع الوقت هتعرفيني كويس وهتعرف ان الشخص الي تتمنيه، ي صغيرتي
عدي يومين ، وبابا قالي محترم وهيقدر يحافظ عليكي ويصونك، وافقت وأنا مسلوبة الإرادة مش فاهمه ده النصيب ولا الحب !
جه يوم كتب الكتاب ، لاقيت حد بيحدف حاجة ف البلكونة قمت وفتحت لاقيته واقف قصادي وبيضحك، هو ف حد بيبقي حلو كده أول ما يصحي!
نعم ي زين !
لا متقوليش أسمي !
ليه هو أنا بشتمك!
بعد كتب الكتاب هتعرفي ليه !
المهم هبعتلك حاجة عايز أشوفك بيها بليل هكون مبسوط جداً لو سعادي تهمك .
تمام ي كابتن .
الساعه 9 سمعت " بارك الله لكما وبارك عليكما وجمع بينكما فى خير "
وبالتالي، مبروك ي زين الرجال ، مبروك ي مرات زين الرجال .
حبيت الاسم 💙 .
لاقيته بيشدني من وسط صحابي ، ياره بلاش تبعدي عني خلاص مكانك جانبي وف قلبي ♥️ .
حاضر ي زين بس أنا مع صحابي عشان شويه وهيمشوا
طيب بقولك أي طلما قولتي زين تتحملي النتيجة بقي .
بصيت ومفهمتش ولاقيته مشي ، مكملش دقايق ولاقيته بيسحبني ل بره الشقة .
أي دا ف اي ي زين!
هفهمك دلوقت ي قلب زين 💞
طلع بيا ع السطوح.
جينا ليه هنا الناس تحت ي أبني !
زين !
نعم !
قولي زين ♥️
ي زي..... ملحقتش أكمل .
دقايق ولاقيته بيخدني ف حضنه ورأسي عند قلبه سمعت قنبلة دقات مش مجرد قلب ♥️ .
عرفتي ليه بقولك متقوليش زين !
وشي أحمر، خلاص مش هقول زين تاني .
تاني !
مصره أنتِ
لا أهدي كده ف ناس تحت وبعدين عيب يلا .
عيب !
أنت مراتي!
مرات زين الرجال ي أحلا الرجال ♥️ .
" القلب ده حب ودق وفعلا دق ل زين الرجال "
وَتَشاءُ أنتَ مِن الأمَاني نجمَةً
وَيَشاءُ ربكَ أن يُناوِلك القَمر ♥️
- عاالم مختلف )" 💛✨
