اسكريبت
...............................................
زين:يا انسه انتي مش تبصي قدامك اي الل عملتيه دا
"واقفه سرحانه ف عنيه"
مُهره:ها بتقول اي
-اي الل بقول اي بصي عملتي اي ف القميص
-مش مشكله اقلعه واغسلهولك
-انتي مجنونه يا بتي تغسليه فين
-عندنا ف البيت وابقي تعالي خده بكرا وبالمره تسلم علي بابا
-لا حول ولا قوه الا بالله انتي فعلا مجنونه
"وسابها ومشي وهي لسه واقفه سرحانه فيه وجات صاحبتها من بعيد"
يارا:يابنتي انتي مش هتتهدي بقا الدفعه كلها عرفت انك بتحبيه
-بس هو معرفش اي الجبله دا،،دا لو كان حمار كان فهم
-بقا بتقوليله هات القميص اغسلهولك وتعالي سلم علي بابا انتي فعلا اتجننتي علي الاخر ههههههه
-شكلي كدا هو الل جنني اعمل اي يعني
-متعمليش حاجه يلا بينا نمشي
-يلا
"وتاني يوم"
مُهره:بصي جاي هناك اهو
يارا:يابنتي اهمدي بقا شكلك بقا وحش اووي قدامه
-ملكيش انتي دعوه
-طب والله ما انا سيباكي تروحي اترزعي هنا
-اووف اترزعت اهو عايزا اي
-عايزاكي تبطلي الهبل الل انتي بتعمليه دا
-عايزاني اعمل اي يعني ماهو مش راضي يكلمني حتي
-ماهو طول مانتي بتعملي كدا مش هيبصلك اصلا
-اعمل اي يعني
-امممم طب اسمعي الل هقولهولك
-لا يا ستي انتي كلامك كل فاضي مبيعملش حاجه
-اسمعي بس المره دي وشوفي
"وبعد عدة ايام"
زين:مش عارف هي فين بقالي كام يوم مش بشوفها
احمد"صديقه":هي مين
-مُهره
-اوبااااا شكلك وقعت يامعلم،،قولي اي الحكايه
-اقولك اي بس دي بنت مجنونه اصلا مفكره نفسها بالل بتعمله دا هتخليني احبها وهي متعرفش اني بحبها من اول ماشوفتها
-طب ماتروح تقولها بدل ماهي مبهدله نفسها كدا عشان بس تكلمها
-لا مش هقولها طبعا انت مجنون
-امال هتعمل اي يافالح انت هتسيبها لما تضيع منك
-لا طبعا هروح اتقدم لها
-وامتا بقا اما تتجوز وتخلف مثلا
-انت ياعمي عمال ترمي كلام زي الحجاره كدا لي
-خلاص سكت اهوو،،هتتقدم لها امتي بقا
-لما الامتحانات تخلص
-ربنا يتمملك علي خير
"واخر يوم ف الامتحانات"
مُهره:ايدا ايدا ايداا
يارا:اي يا بنتي ف اي مالك
-جاي جاي
-هو مين
-زين جاي ناحيتنا
-طب اتهدي بقا واتقلي واعملي الل بقولك عليه
زين:السلام عليكم
مُهره&يارا:وعليكم السلام
-عاملين اي
مُهره:الحمد لله
زين:ممكن اتكلم معاكي شويه
مُهره:اتفضل
-ممكن ف مكان تاني"وبص ليارا"
-عادي ممكن تتكلم قدامها هي مش غريبه عني
-خلاص عن اذنكم
"وبعد مامشي"
مُهره:مشي مشي خلاص عاااا
يارا:اي يابنتي
-خلاص مشي قعدتي تقولي اسمعي كلامي اديه خلاص مش وياعالم هشوفه امتي تاني منك لله
"وبعد عدة ايام"
والد مُهره:مُهره تعالي هنا عايزك
مُهره:نعم يابابا
-تعرفي واحد اسمه زين قاسم
مُهره"بتوتر":ايوا كان معايا ف الجامعه،،لي ماله
-مفيش اتصل بيا وقالي انه عايز ييجي يقعد معايا شويه
-وقولت له اي
-قولتله اتفضل،،هيجي بكرا
مُهره"بفرحه":بجد يا بابا
-ايوا بجد مالك فرحتي كدا فجأه
-لا عادي مفيش
"وسابته وجرت علي اوضتها واتصلت بيارا"
مُهره:يارا ياراا انا فرحانه اووووي
يارا:لي اي الل حصل فجاه كدا
-زين جاي عندنا بكرا
-بجد ولا بتهزري
-لا والله بجد اتصل ببابا وقال انه عايز يشوفه وقاله ييجي بكرا
-طب خير ان شاء الله يارب
-ان شاء الله
"وجه تاني يوم وجه زين عند والد مُهره وقاله انه جاي يتقدم لمُهره وطلب منه انه يقعد معاها وجات قعدت معاه وهو سابهم يتكلمو"
زين:ازيك
مُهره:بخير الحمد لله،،انت جاي لي
"اتصدم من سؤالها دا وهي قررت انها تراوغه شويه
زين:اي الل جاي لي جاي اتقدملك وبالمره تغسليلي القميص بتاعي
مُهره:اشمعني انا
زين:هو اي الل اشمعنا
مُهره:طب بص هسالك شويه اسأله لو جاوبت عليهم هوافق عليك ماشي
زين:ماشي
مُهره:من يسكن البحر ويحبه الناس
زين:سبونج بوب سكوير بانس
مُهره:هاكونا ماتاتا
زين:حكمه نغمها لذيذ
مُهره:اقولك علي سر
زين:انا الل قتلت موفاسا
مُهره:بوو
زين:قطتي
مُهره:السمك صحاب
زين مش غدا
مُهره:السمكه صاحبت والد نيمو كان اسمها اي
زين:.....
مُهره:مش موافقه
زين:لي
مُهره:معرفتش تجاوب يبقي انت كدا مش هتعرف تشاركني تفاهتي فعشان كدا مش موافقه
زين:مش موافقه اي يا بنتي انتي اترزعي هنا،، دا انتي كنتي هتموتي عليا ف الجامعه وهتجوزك يعني هتجوزك
مُهره:تتجوزني اي هو غصب
زين:ايوا غصب،،ياعميي هات المأذون بسرعه قبل بنتك المجنونه دي ماتهرب
*************************
#بقلمي💛🌻
لـ شــيــمــاء ســعــيــد🖤🥀
- عاالم مختلف )" 💛✨
