اسكريبت 💜🌼
"هو مُضغة، لكنه مملوء بك حد صِغره وحد اتساعه" 💜
-أنا آسفة خلاص والله ..
=لأ ..
-طب أعمل ايه يعني يامحمّد؟
=امشي من وشي
-كدا يعني ؟
=أيوة
-الله أنت بتزعقلي ليه ماهو اللي كان ..
قام وقف ومسكني من إيدي جامد : هو اللي ايه؟ أنتي على اسمي ومراتي يعني بتاعتي
-بتغير ي روحي ؟
=مش فاهم ايه اللي خلاكي تخرجي من غير إذني .. وكمان من غير النقاب مش قلت النقاب يتلبس ي نورهان ؟
-أنا لسة مش جاهزة للنقاب وبعدين أنا..
=انتي ايه؟ عاجبك يعني أما الواد عاكسك؟ عاجبك لبسك دا أنتي بتعملي كدا ليه
-محمّد !!
=ششششش اسكتي.. يلا ادخلي أوضتك ومش عاوز أشوف وشك لحد الصبح ومفيش خروج غير وأنتي لابسة النقاب ايه رأيك بقا؟
-في ايه أنا مش فاهمة مالك هو أنا اللي قلتله يعاكسني وبعدين ماله لبسي مش فاهمة اسدال واسع وخمار وكنت بجيب حاجات للبيت مش لازم آخد اذنك احنا مش في سجن هنا
=انتي بتعلي صوتك عليا ؟ أقسم بالله لأوريكي
-ايه هتضربني .. اضربني .. محمّد أنا رايحة عند بابا أما تعرف قيمتي أبقى تعالى خدني ولا أقوللك ابعتلي ورقة طلاقي أحسن وكفاية أوي لحد كدا
سابني حتى مفكرش يكلمني لميت هدومي وخرجت..
-أنا ماشية ..
=الباب أهو هناك
-مش هتوصلني طيب؟
=لأ..
-أوك
فتحت الباب وبصيتله شوية وبعدين نزلت وخدت الشنط نزلتها وكنت برن على بابا لقيته نزل ورايا وخد الشنط حطها في العربية ..
=اركبي ..
-لأ أنا هكلم بابا
على صوته :قلت اركبي
-حاضر
ركبت العربية ووصلني لحد بيت بابا ونزل الشنط
-هتبعتلي ورقة طلاقي امتا؟
=في المشمش طلاق ايه؟
دمّعت :أومال جبتني هنا ليه !
=متعيطيش !!
بكيت :تهمّك دموعي يعني؟
طبطب عليا :تعالي بس ندخل نتكلم جوا
دخلنا وبابا وماما استغربوا جداً خصوصاً من منظر الشنط أنا كنت جايبة كل لبسي تقريباً بس هو قاللهم أنها خناقة بسيطة وانه جايبني أريح أعصابي شوية .. وأنه عنده شغل الفترة الجاية علشان مقعدش لوحدي ..
