#سحر_الدعاء !!
عن كمية اللغبطه اللي كنت فيها وانا بقرأ القِصة بجانب اني كنت هتشل من احداثها 🤦♀️
هاشتاج القصص 👇
#قصص_واقعيه_لهدير_ابراهيم 💌
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
بصي ياستى انا من أسرة فيها والدي ملتحي و والدتي منتقبة واتربينا ع اصول وقواعد بفضل الله تأسسنا كويس دينياَ .. انا قصتي بدأت من وانا ف اعدادي
كان في حد ساكن ف عمارة قدام اللي ساكنه فيها ودايما مصمم يكلمنى ويضايقني ويمشي ورايا لحد م والدي في مره اخد باله و قالى لو عرفت انك ضعفتي وكلمتيه أو عملتى أي شيء غلط هتلبسي فوراً النقاب !!
م اعرفش ليه وقتها كنت رافضه فكرة النقاب وكنت حاسه انه هيقفل الدنيا عليا بحكم اني اصلا ماليش اصحاب كتير وحتى اصحابي مكنتش بشوفهم ولا بروح لحد خالص ولا حد بيجيلي
كنت مقطوعة عن الناس بحكم ان ماما بتخاف جدا جدا علينا ..
المهم ان الولد ده فضل يعمل حاجات كتيييييير جدا علشان يثبت لى بيها قد ايه هو بيحبني
فى الوقت ده والدي قرر فجأة اني ألبس النقاب وقالى قدامك مهله شهرين وكان جايب النقاب
انا لبسته ف وقتها وماانتظرتش المهله دى،
وسبحان م بدل احساسي اتجاه النقاب وقلبي بقى فرحان جدا جدا بيه وقتها وقلت هخلص بقا من كل حاجه ومحدش هيعرفني ولا هيتعرضلي تاني وفرحت جدا بكده وهنا كنت ف 2 اعدادى !!
أولى ثانوى اتقدملى أخو جارتي والخطوبة ماكملتش اسبوع واتفركشت بسبب اختلاف فى الفكر كبير جدا بيننا ..
رجع تاني الشخص اللي ساكن قدامى يتقدم ويعمل محاولات كتير واترفض بدل المره مليون
ف اجازة 3 ثانوي
اتخطبت لشخص بيني وبينه 11 سنه !! مكنتش وقتها شايفه الفرق قد م شايفه انه بيحافظ ع صلاته وحد متعلم وملتزم ع حد ماسمعت عنه
مش هكذب عليكي انا ضوابط الخطبه وقتها كانت عبارة عن ان م اسمحش لاى شخص هتخطب له انه يقول لى أى كلمة بقا تدل ع حب .. بحبك او وحشتيني او الكلام ده
لما كان بيحاول يقول كده ف اى مكالمه كنت بقفل ف وشه فورا وبفضل وقت كبير م نتكلمش
الخطوبة استمرت سنة ونص ف السنه ونص دول حصلت مشكله بينه وبين ماما وفضلوا م يكلموش بعض 5 شهور
بييجي عندنا البيت لكن مش بيكلم أمي
طبعا عملت محاولااااااات كتير وهو كان شخص متكبر جدا وعمرى ماكنت بقول لماما كده
لدرجة ان أمي فكرت ان انا مش فارق معايا انهم يتكلموا واكتر من مره فكرت اسيبه وفعلا اخدت قرارات كتير وبلغته بيها وف الاخر حاول يكلم والدتي بس بعد عذاب
وفي النهاية
اتفسخت بسبب اختلافات ع القايمة !!
وهنا بدأت انضج ان مش كل شخص ينفع يبقى زوج ولا ينفع اثق ف حد لاني كنت متخيله ان لا بجد هو استحاله يفرط فيا بعد كل ده وخاصة اني كنت اتعلقت بيه جدااا وكنت رسمت حياتي معاه والشقه وقتها كانت جهزت ع الزواج وفاضل بس القايمة مش معقولة يسيبني بعد كل دا؟!
ومستحيل يحط موضوع القايمه ده سبب ان الخطوبه تنتهى!!
بس بالفعل عمل كده تخيلي انه اتكلم ف 50 جنيه!!! وصمم رأيه ع توضيب الشقه م اختارتش اى حاجه لا ف اثاث ولا ف أى حاجه نهائي وف الاخر طلب هديه ذهب كان جايبها ليا
