طيب ايه؟
- ايه؟
ايه طيب؟
- ع اساس تغير وكدة يعني؟
ضحك وقلبي دق كاني شيفاه - مش عاوزة تقولي حاجة؟
- حاجة ايه؟
حاجة كدة يعني بيقولوها المخطوبين لبعض
- لا معرفش ال بيقولوه المخطوبين ، اعرف ال بيقولوه المتخزوقين ، اقولهولك؟
يساتر.
سكت شوية ، وكمل - يعني مش عاوزة تقولي حاجة؟
- لا والله مش عاوزة اقول حاجة ، انت عاوز تقول حاجة؟
اتنهد - عاوز اقول حاجات
- وايه ال مانعك ؟
انت
- طيب
طيب!! دنتي شبح بقا وقلبك مات ومش هامك
- زي متقول كدة ، اه
طيب مفتكرتيش حاجة عاوزة تقوليها
- لا ، وضوابط الخطوبة نلتزم بيها ها
يعني منتكلمش؟
- لا
ولا اشوفك؟
- لا
ولا اقولك بحبك؟
- ها! لا ، دي بالذات لا
خلاص مش هقول بحبك ، ومش هكتبلك بحبك بصي مش هقولك بحبك تاني ، انسي بحبك دي ، عشان بحبك بتضايقك ، مع اني بحبك .
يخربيتك ، اثبتي ي ليل مش هياكل عقلك بكلمتين ، غضي سمعك عنه - خلاص متقولهاش
طيب ، بحبك
- ايه؟
ايه!
- قولت ايه؟
ما علينا
....
وفيها ايه لما يقولك بحبك مش فاهمة
- مانا كدة هضعف انا كمان واقوله بحبك
وفيها ايه؟
- انت حمارة يمريم ، صح؟
خلاص غوري انا غلطانة اني بقوي قلبك
- انت مش بتقوي قلبي ، انت بتقوي عضلات الانحراف عندي
روحي اقتليه ي ليل ، يلا روحي
- طب اقفلي عشان بيرن
قفلت بسرعة مع مريم وفتحت وقلبي بيدق مكنتش عارفة اقوله ايه ، انا مبعرفش افتح مواضيع خصوصا مع الناس ال بحبها بحس اني هبلة اوي ومكشوفة فكلامي ، كلام بيبقى مش مرتب ولا ملون ويمكن كمان ميكنش مناسب للموقف ، كلام تلقائي بيخرج مني بدون تفكير ولا ترتيب ليه
احم.
" اهي احم دي بالذات بتفرتك قلبي لحتت اصغر م فتافيت السكر "
هو يوم متتكرمي وتفتحي عليا تسمعيني صمتك ؟ متنطقي دنتي لسانك اطول مني
- ايه لسانك اطول مني دي ، متحترم نفسك
ضحك واتكلم - حمدلله ع السلامة يصحبي
- صحبك!!
حبيبي طيب!
- لا يعم لا ، متقولش حبيبي
عم!! ببيع بطاطا انا!
- لا بتبيع سبح
ايه يبت الخفة والظرافة ال اتحدفوا عليكي دول ، مالبراحة عليا لتموتيني مرة م الضحك
حاولت اكتم ضحكتي هو عارف ازاي يضحكني حتى لو ف اشد لحظات حزني ، بيعرف يدخل من ثغراتي هو كان نقطة ضعفي الوحيدة فالحياة ، ده لو مكنش هو الحياة..
ليل
- ها!
هو حد فهمك اننا مخطوبين وكدة والا الموضوع جيه صدفة ، اوعي تكوني متعرفيش وانا فجأتك وكدة!
المرادي ضحكت بصوت غصب عني - بصراحة ، هو يعني الموضوع جيه صدفة فا مش مهم
ايه ده ال مش مهم؟؟ ما تتعدلي فالكلام بدل
- بدل ايه!!
بدل مقولك بحبك وانت حرة بقا
- لا خلاص ، هتعدل
نخرج؟
نخرج
- ايه ده انت بتسال وبتجاوب نفسك؟
وانا ايه وانتي ايه ، مانا وانت واحد
- احم ، انا بقول تحترم نفسك بدل مالساني يتدخل
هخاف انا ها!! بتكلمي سوسن حضرتك؟
- ايوب عاوز ايه؟
نخرج
- لا
....
معرفش ازاي كان بيقدر يغير رايي بالبساطة دي ابتسامة ، بس ابتسامة بتخليني مش ع بعضي وقلبي ال بيفقد سيطرته وقوته مجرد مايبتسم ، معرفش هو بيعمل ايه بيخليني اتعلق بيه بالشكل ده معرفش حتى ليه هو بالذات .
- الحق مريم شافتنا
ايه يبنتي ف ايه انا شاقطك ، دنتي خطيبتي
- بتعملي ايه هنا يمريم ؟
سحبت كرسي وقعدت - انتوا ال بتعملوا ايه؟
- هو ، اصل يعني
مالك يبنتي خايفة من ايه متقوليلها اننا خارجين سوا
سكتت وانا ببصلهم هما الاتنين فحيرة ، ايوب كان هاين عليه يقوم يخنق مريم او يطردها حسيت كدة م نظراته ال كانت متوجهالي كإنه بيقولي مشي صاحبتك الرخمة دي دنا مصدقت ، كنت بحاول اكتم ضحكتي ليضايق او يتعصب ، انا وافقت اخرج معاه بعد الحاح منه بس مريم قامت بالواجب
منورة يمريم
نورك ي ايوب
لو وراكي حاجة تقدري تقومي عادي مش عاوزين نعطلك
لا خالص اديني قاعدة معاكوا بدل ماقعد لوحدي
كنت بسمع كلامهم هما الاتنين ونظرات الشر ال شيفاها فعيون ايوب ال كان خلاص ع اخره وعمال يجز ع سنانه م الغيظ وبيبصلي بعصبية ، ووشه جاب الوان كنت حاسة انه هينفجر فينا
تليفوني رن وكانت رسالة منه
" اتصرفي ومشي صاحبتك دي بدل مقوم اقتلكم انتوا الاتنين واخلص منكم ، انا مصدقت انك تخرجي معايا "
بصتله وانا مكسوفة همشيها ازاي مهو مينفعش اقولها قومي امشي دي مهما كان صحبتي ، كنت محرجة اوي مالموقف السخيف ده يعني هي حبكت تيجي نفس المكان ال احنا فيه "
احم ، منورة يمريم
مخلاص عرفت اني منورة هي حكاية ، والا تكونش عاوزني امشي متحسسونيش اني عزول
ضحكت وانا ببصله وهو بصلي بطريقة رعبتني هو كان ع اخره فعلا - انت شايفة ايه!
- ايوب
مريم بصتلي وهي بتضحك - طيب يجماعة اسيبكوا انا لوحدكم
وقفت وهي بتبصلي وبتغمزلي بعينها المهزأة وانا ال افتكرتها هتزعل ، شكلها كانت مبسوطة كإنها كانت قاصدة تعمل كدة
رجع بصلي وكمل - ها كنا بنقول ايه؟
- كنا بنقول..
بحبك باين؟
ضحكت وضحكته هرستلي قلبي - لا
رفعلي حاجبه بابتسامة - بتحبيني طيب!
- أيووب!!
قربلي وهو بيسبل ، وقلبي اتفتفت فتافيت - عيونه
- هتفضل تحبني؟
هفضل احبك
- طول العمر؟
طول العمر
- طيب ، بحبك
ايه؟
- ايه!
قولتي ايه؟
- ما علينا
" يا بداية كل شئ خلق قبل أن التقيك "
#ليل_ايوب
#حكاوي_نصف_الروح
- عاالم مختلف )" 💛✨
