-عايزة ايه عالصباح ياصداع؟
" اغسل معايا السجاد"
- ياسمين انا واخد اسبوع اجازة راحة من الشغل مش عشان اطبخ واغسل السجاد
" يامازن لازم تساعدني خالتي طلبت ننضف"
- انتي ومريم مش انا
" مريم بتكلم خطيبها، انت صاحب مع جدع ساعدني الهي تنستر وتتجوز اللي بتحبها"
ضحك' تنفعي شحاتة وربي'
" ماانت مش راضي تساعدني اعمل ايه؟ ، بس غريبة وافقت يعني هو انت بتحب من ورايا"
- هو انتي اللي يعرفك يعرف يعيش حياته طبيعي اساسا
" معلش بقي يافريند"
- راجل في نفسك خليكي بنت كده المفروض، اتعلمي الرقة والحلاوة زي مريم
" ياعم اختك مدلعة وانا مليش في الشغل ده ، انا حلوة كده "
- مين الاعمي اللي قالك كده
خالد: انا يامازن بيه
مازن ' بتوتر': مقصدش يا بابا. ..طيب انا هطلع السجاد عالسطح واغسله
ضحكت " تمام. ...عمي حبيبي أخبارك ايه،؟"
ضحك' بخير ياعمري. ..الواد ده بيضايقك '
" مازن طول عمره بيغلس عليا"
ضحك' وانتي بتسكتيله يعني؟'
" لا طبعا بعضه واضربه "
- اصيلة
ضحكت " طيب اطلع انا فوق عشان نغسل السجاد "
- سيبيه يغسلهم لوحده
" لا يا عمي غسيلهم صعب وهو ضهره هيوجع"
- ياحنينة...ياخوفي لتكونوا من نصيب بعض في الاخر
" لا طبعا أتجوز ابنك الاهبل ده ، دا عارف مصايبي كلها وانا عارفة مغامراته كلها، لا ان شاء الله هتجوز غيره"
- ضحك' هنشوف'
" انا اتجوز مازن ، ليه؟ الرجالة ماتت ومفيش غيره مستحيل، احنا صحاب وأخوات ، انا ياسمين عندي 21 سنة عايش في بيت عمي من 15 سنة أهلي اتوفوا في حريقة ووقتها كنت انا برا البيت، وقتها عمي خالد وطنط عفاف خدوني اعيش معاهم وربوني مع ولادهم ' حنان ودي متجوزة وسافرت بره، ومازن اكبر مني ب4 سنين ومريم دي قدي، عمرهم مافرقوا بينا في التعامل وعشان كده بحبهم جدا ، هما اهلي وكل حاجة، عمي خالد صحبي اكتر من ابويا، ومازن كل أسراري معاها، مرتبطين ببعض جدا جدا ومفيش حاجة بنخبيها علي بعض، بس مع كده بيغلس عليا دايما
- انا مش عارفة هتتجوزي ازاي انتي؟
"علي سنة الله ورسوله، انت بتسال اسئلة مش منطقية، "
ضربني علي راسي 'خفي دمك الشربات ده، انا أقصد موضوع النار معاكي ده ومش هتعرفي تتعاملي معاه'
" انا بخاف من النار العالية بحلم اني هموت في حريقة زي اهلي، انا مكنتش بخاف منها بس اول ماعرفت انها سبب موتي أهلي بقيت اترعب منها، وبعدين كفاية انك بتتعامل مع الموضوع ابقي فهم جوزي كده "
- ياسمين انتي بتكوني مرعوبة وانتي واقفة قدام النار، دا الواحد بيخاف تولعي في الشقة عشان كده بقف معاكي،
" وانا اللي فاكرة انك خايف عليا "
ضحك' لآ خايف علي الشقة'
" طيب أقوم اعمل فشار بقي وانت اعمل نسكافيه ونلعب شوية "
- انتي مش عندك مذاكرة
" مش عايزة اذاكر حاسة بملل "
- وانتي علطول حاسة بملل الصراحة ...طيب أقوم اعمل النسكافيه ..
" اشطا"
مريم: طبعا هتقعدوا مع بعض 3 ساعات كده زي كل يوم
" انتي واحدة مخطوبة ومتعرفيش معني الوحدة والملل، وكمان مخطوبة للدكتور بتاعها عشان تجيب امتياز خطة في منتهي الذكاء "
ضحكت ' كفاية نق بقي ، انا امشي واروح اكلم سليم '
" ماشي يامريم غدا ساتجوز ولن ارحم احد، "
- اتفضلي النسكافيه .
" تسلم يافريند. .."
- طول ماقولتي فريند يبقي عاملة مصيبة اتعرفي
" هو الصراحة كده يعني. ..
- ااه كملي. ..
" اخو واحدة صحبتي كان عايز يتقدملي وانا قولته اني مخطوبالك"
- نهارك ابيض...هتجبيلي مصيبة. ..اعمل فيكي ايه
" ايه هو انا غلطت يعني؟ "
- ياما انتي كده مش هتتجوزي
" امال لو عرفت اني مفهمة اي حد اني خطيبتك عشان متجوزش دلوقتي"
اتعصب ' انتي غبية. ..انتي كده مش هتتجوزي وتقعدي جاري '
" الله انا مش عايزة أتجوز "
- طيب اتجوزك انا؟
" انت اهبل يامازن احنا أخوات "
-انا اللي اهبل برضوا، طيب اعمل ايه في غبائك كده
" انت اللي غبي"
- اقسم بالله ايدكي بالقلم علي وشك
