-هو مش المفروض ان الطبخ علي سيادتك النهاردة؟
_وقولت الف مره اني مبعرفش اطبخ
بصلي بعصبية وعلي صوته
-تتعلمي مبتعرفيش يبقي تتعلمي ي ست هانم
_ي ربي وانا ايه جابرني عالمرار ده يعني!!
-ندى متعصبينيش ماشي
_ما تتعصب ولا تولع انا مالي
قرب جامد مني ومسك دراعي وقربني منه
-ي بنت الناس انا لحد دلوقتي صابر وساكت ..لما تتكلمي معايا يبقي تتكلمي باحترام وادب ماشي!!.. متنسيش اني جوزك ها!
لا تكوني نسيتي ! اوي تكوني ناسيه
_ايه يعني هتعمل ايه ؟
قرب مني اكتر ومبقاش بينا اي فاصل
_انت بتعمل ايه!!
-هفكرك ،لو ناسيه هفكرك
زقيته بالراحة فرجع لورا خطوة
_سليم ابعد لو سمحت
-مش انتي اللي ناسيه وعايزه تفتكري ؟!
_لا مش متزفته ولا حاجه ..ابعد بقي
رجع بعيد عني وبصلي
-يبقي تقومي تطبخي بقي
_ي سليم والله مبعرفش اطبخ
-انتي حرة ..انا عامةً خارج لو هتطبخي فاطبخي علشان نفسك لتموتي من الجوع
سليم يبقي ابن صاحِب بابا وشريكة فالشغل
تقريباً جوازنا عبارة عن صفقة بينهم
مكونتش اعرف سليم غير لما بابا فاتحني فموضوع جوازنا ده
انا مبحبهوش ولا بكرهه
رفضت بحجة اني ازاي هتجوز واحد معرفش عنه غير اسمه
بس بابا قال انه كويس ومحترم والحب بييجي بعد الجواز
هحبه بعدين وقالي انه بيحبني
ازاي طيب سليم بيحبني وانا معرفهوش اصلاً
صليت استخارة ووافقت واتجوزنا فعلاً..
******
-الف مبروك
_وليك كمان
قرب مني وقعد جمبي حسيت بجسمي كله بيترعش
وغصب عني عيطت
لقيته وقف وقعد علي الارض قدامي ومسك ايدي
-انتي بتعيطي ليه ي ندى؟ ..خايفه مني
.....
-اهدي طيب متعيطيش
هزيت راسي ومسحت دموعي بالراحة
-انا عارف انك متعرفينيش كويس ولسه مخدتيش عليا
انا حابب اقولك اني عمري ماهقربلك وانتي خايفه مني كده
انا بحبك ي ندى ..
من اول مرة شوفتك فيها في الشركة وانا قلبي وقع فيكي
انا طبعاً مش هجبرك تحبيني بس وعد مني اني عمري
ما هقربلك الا لما تحبيني
دلوقتي بقي احنا صحاب صح؟
كنت متنحاله وهو بيتكلم
سمعت كل كلامه لحد اخر جمله لقيته مد ايده ليا
ابتسمتله ومديتله ايديا
قام وقف وبعدين قالي
_طيب مش هتغيري وكده علشان ناكل؟
هزيت راسي فخرج وسابني وهو بيقول
-انا هغير واحط الاكل عشر دقايق وتكوني بره ..اه والبسي اسدال الصلاة علشان نصلي مع بعض
غيرت وخرجت لقيته قاعد مستنيني والاكل علي السفرة
اكلنا وشيلنا الاكل وقالي يلا نصلي
بعد ما خلصنا لقيته بيقولي
-مش هننام بقي؟
_هاا!!
-ايه ي بنتي متخافيش انا هنام في الاوضه التانيه دي وعامةً الاوضه بتاعتك ليها مفتاح تقدري تقفلي علي نفسك كويس
******
من اول يوم لينا واحنا صحاب
اتفقنا اننا هنقسم الشغل فالبيت بينا
مره هو يطبخ ومره انا
والغسيل نفس النظام ،كل حاجه بينا هو يوم وانا يوم
