*هو حناني عليك قساك حتي عليا*
غنتها بصوت مبحوح وقالت وعيونها مليانه دموع...الدموع محبوسه فى سجن الجفون والحراس الرموش حالفين ميطلعوش من سجنهم....
_وبعدين يا ست الحزن مالك؟!
-ولا حزينة ولا شيء!
_أحمد هيتجوز؟!
بصلتها بعيون حزينه ووش بهتان وصوتي خرج مبحوح وانا بقولها: مبروك
قلتها وقومت مشيت بصيت للسماء لاقتها بكت حتي هيا زعلانة على فراقه هو آه هيتجوز وانا مبسوطه ليه بس قلبي بين ضلوعى بيتقطع من الوجع كسر الضلع بغيابه فاتغرز فى قلبي واهو هان ودى
صوت المطر على الأرض بيعلي وكأن السماء أعلنت الحداد على قلبي واخدتت العزا
_نبض قومى بقالك يومين نايمه
-دنيااا الله يكرمك اطفى النور
_لا مش هطفى ويلا ننزل انا جعانه
-طب ما تاكلى!
_مانتِ هتاكلي معايا يا كوكو
-اللهم طولك يا روح
_ايوا يا لوح قومى
-طب مش قايمه!
_قومى يكش نطفح فى يومنا ونخلص بقااااا
وبعد إلحاح طويل قمت ماهو الموضوع مغري وفي كريب وبطاطس سورى
_نبض!
-امم
_يا نبض!
-نعم
_فى واحد قاعد وراكى مركز على قفاكِ عيونه بني ولابس قميص نبيتي وأسمر ولابس ساعة وحاجه اخر زوجتك نفسي والله
-يخربيتك غضي بصرك يابنتى ايه ده
_يااااختى يعنى هو مركز معايا بت ورينى قفاك فى حاجه كده
-هتاخدى كف خماسي يوديكِ المريخ ال قفا ال
_ياااالهوى ده جاى
-هو مين؟!
الكرسي اللى جنبي اتحسب وقعد
_ممكن اقعد؟!
-لا محترم والله بتستأذن مقعدتش خالص انت ولا حاجه
_معلش اصل المطعم زحمه ومفيش مكان اقعد فيه غير هنا
مطعم ايه اللى زحمه ده مفيش حد غيرنا اصلا هنهزر ولا ايه
_اهو زحمه
-لااا شكل الحلو بيستظرف وناوى يروح المريخ النهارده
دنيا:أصلها هتديك كف خماسي
بصيت بقرف ليهم الاتنين مانا مش بحب التطفل ولا المتطفلين وهو كان لزج طفيلي مستنقعي متوازى المستطيلات حلو وعيونه قهوه مجرة بن قاعدة معانا بتاخدك كده لعالم تانى وكأنها مركبة عيون بتحضن وتدفى زى بيت قديم في عجوز قاعد بيسمع أغنيه لأم كلثوم وهى بتقول
*وقابلتك إنت لقيتك بتغير كل حياتي*
فوقت على صوته وهو بيقول:ممكن اعرف عنوان البيت حابب اشرب قهوه عندكوا
-تحبها بوش ولا من غير؟!
_بوش
-طب يلا طرقنا عشان هرتكب فيك جريمه يا ظريف
دنيا:مجنونه وتعملها
انا عايزه اعرف بس دى صاحبتى ولا صاحبته جبتوها منين دى
قمت وانا متعصبه ومشيت خرجت برا ونفسي باخده بالعافيه احساس إنى كنت فى سباق او حد بيجري ورايا مش عارفه في ايه بس لا
دنيا:يابنتى استنى بتجرى ليه؟!
=.....
دنيا:مش عارفه اجبها ازاى بس انا عملت حاجه
-عملتي ايه انطقى قومى عمل فيكى ايه اخد اعضائك الواطى كنت عارفه أنه سارق وحرامى إنتِ بتضحكِ ليه دلوقت
_حرامى وسارق واعضائى وانا حية ارزق...لا لا مش قادره
-بطلي ضحك ده اللى جه فى بالي....اومال عملتِ إيه؟!
_عطيته رقمك
-ياااانهار بمبى مسخسخ هببتى ايه؟!
_هو ضحك عليا بمصاصه وانتِ عارفه انى تافهه وبحب المصاصه
-احسبن عليكِ ولا على الكائن الهلامي ده ولا
_محمد
-ها؟!
_اسمه محمد
-وايه كمان قولي قولي
_شغال فى شركة مش فاكرة اسمها عنده 26 سنه عنده
-بس بس ايه انتِ لحقتى تعرفي؟!
_طبعا مش خطيب أختى
-خطيب لما ياخدك ويريحنى منك يا زفته
_بقولك ايه مش عايزه يلزمنى
-وكمان بتاخدى خطيب اختك يا مهزأه
رفعت حاجبها والنظره دى وراها حاجه انا عارفه
_يعنى دخل دماغك
-الصراحه الواد قمرز وحلو وحاجه اخر قله ادب اي اللى بقوله ده يلا نروح
ضحكت عليا وقالت علي خيرة الله
مفهمتش حاجه بس انا خايفه عدي اسبوع ومفيش حاجه لا بيكلمنى ولا حتى بعت مسدج الا تكون الهبله اديته الرقم غلط....اوف وانا شاغله بالي ليه هو الموضوع مثير للإهتمام بس انا مش قادره مش نافع مش هقدر احب تانى واتخذل مش هقدر اثق في شخص تانى الحياة متعبه اوى وانا بخاف منها ومش بحب ابين خوفى لحد ومحدش هيفهمنى ولا هيستحملنى انا بتعب بسرعه من اقل كلمه بتعب وبعيط محدش هيستحمل عياطي فى نص الليل محدش هيفهم إنى مزاجيه مودى بيتغير اسرع من الثانيه الموضوع هيكون مرهق ليا وليه فعشان كده لا مش عايزه مش نافع إنى ادخل حد حياتى مش بالبساطة دى اللى هياخدنى لازم يتحلنى كلي ويقعد كده على قلبي ويزين حياتي ويبهجها مش ينكد عليا ويزعلنى انا عايزه كف اتكور فى دافاه لما ابرد ولما ازعل الاقي حضن يسعنى بأوجاعى عايزه حد يحب الشاي علي لبن وينطقه زى شاي على لبن مش لبن بشاى حد يعاملنى كأنى طفله والشخص ده مش موجود
صوت رسالة وصلت:
إلبسي الدريس النبيتي على خمارك الاوف وايت وساعتك وإجهزى خلال نص ساعه
انا خوفت طب والله خوفت طلعت أجرى على ماما لاقيتها بتصب بتاع كده أحمر اللون زى دم اللي هيشربه وإنه فخ وهذا شيء غير مستحب
-ماما!
_أظن الرسالة وصلت إسمعى الكلام
-إيه ضاااااه يعنى ايه؟!
_عريسك ودنيا ووالدته جاين فى الطريق إنجزى
-عريسي ودنيا خيانه وانا لن أرضي بهذا
_الشبشب هيسلم عليكِ
-شكرا يا أمومه...دنيا بتحط على جرحي كولونيا آآآآه من الصحاب وآهين
صوت ماما من المطبخ
_إلبسي يابت
-طب والله هلبس أهو
الجرس رن وانا قلبي دق معاه كده قلبي هيقف والله دنيا مراجيح دخلت وهى بتضحك وعدت من جنبى
_جود لق يا بيبي!
بجز على سنانى:هعملك بلوق من حياتى يا كولونيا
بتتدايق من الكلمه دى وانا عارفه نيهاهاهخوخهو
_ادخلى بالشربات يلا عروسه
دخلت يكش يجيله إسهال
-إتفضل.....إتفضلي.... إطفحى يا دنيا
وقعدت
_نبسكوا لوحدكوا شويه
ليه كده متقعدوا معانا
نص دقيقه قعدت سكوت
_عامله ايه؟!
-فراخ بانيه
_اممم تحبي الفرح امتى؟!
-فرح ايه انا مش موافقه هااا إيه تانى؟!
_تمام كتب الكتاب بعد شهرين مناسب؟
-لزج
نعم؟!
إنت كائن لزج
هو قام وشمر وسحب السكينه
الا هى الحلوة رافضه
لاااا بقولك ايه ليه نستنى شهرين ما فى إمكانية إننا نكتبه دلوقتي تحب اجيب المأذون
ضحك وضحكته رقصت قلبي والله لاااا نزل حاجبك ودارى ضحكتك الله يكرمك
_طب على بركه الله
ايه؟
_كتب الكتاب الخميس يا حلوه
قالها واخد والدته ومشي
معلش انا موافقه وهو احتل قلبي بجيشه قصدى بضحكته *وسلاماً على من اتبع درب الهوى فوصل لنهايته مشرقاً*
دعنى أخبرك أن لا شيء يفعل بى ما أنت فاعله 💛🎶
#رأيكوا
نبض💛
Aya_Atta
- عاالم مختلف )" 💛✨
