- صباح الخير يا بابا
= صباح النور يا حبيبه بابا .. هتنزلي ؟
- اه مش هتأخر عندي محاضرة واحده وراجعه
= سوقي براحه
- عيب والله ده أنا مولوده ف عربيه
= ربنا يستر
- هيستر يا حاج متقلقش
نزلت كالعادة مستجعله قابلت قطه كانت مستعجله زيي اخدتني بالحضن وهوبا اتزحلقنا ع السلم انا وهي سوا
- اااه يا ضهري ياما
= سلامتك هاتي ايدك
- انتي حيوانه اصلا وكل مره يحصل كده
= يا آنسه
- وربنا ما هحطلك لانشون تاني وهاكله انا
= آنسه ؟!
- انا غلطـ.....
يالهوي ايه القمر ده وكمان بدله ظابط يانهار احوس
= انتي تمام ؟
- اه
= تحبي اطلعك البيت
- شالله تنستر يابني
= ابنك * بيضحك *
- سوري بعد اذنك
= الكتب يا آنسه
- يوه سوري نسيتهم
آنسه !! اول مرة حد يحترمني ويقولي يا آنسه
ياختشي الواد قمرز كده قمرز يتاكل بدون اي خبز
- انتي فين يا هانم
= والله ف الطريق اهو
- انتي بقالك ساعه بتقولي جايه
= اصل يابنتي وانا نازله القطه اخدتني بالحضن وكمان كان ف ظابط زي القمر هو اللي قومني و ..... يالهواااااي
- ف ايه ؟؟؟
= اقفلي خبطت عربيه قدامي يا بومه
- ما انتي بتتكلمي ف التليفون هتركزي ازاي
= انا اسفه هصلحلك العربيه
- لا احنا لازم نروح القسم
= قسم ايه حضرتك انا من بيت محترم
- بيت محترم وماشيه تحبي وتخبطي الناس
= لو سمحت اتكلم بأدب قولتلك هدفعلك تصليحها
- وانا هعمل فيكي محضر
ف القسم :
= الو يا بابا انا ف القسم
- حصل ايه
= خبطت عربيه
- انتي ف انهي قسم ؟
= قسم الـ (....)
- انا جايلك
يعني أنا كان لازم انزل متأخر وكان لازم اقابل القطه
لو مكنتش قابلت الظابط مكانش ده حصل ولو متكلمتش مع الزفته دي كان زماني باكل شاورما سوري ف الكليه دلوقتي ايه اليوم ده بس ياربي
= احم احم
- والله بريئه ياباشا والله * حاطه ايديها ع وشها *
= انتي عامله كده ليه ؟؟
- هو انت !!
= هو انتي !!
- استر عليا الهي يستر عليك
= ف ايه طيب
- وانا ماشيه خبطت عمو ده اللي كان ماشي قدامي
وهو شتمني قولتله هدفعلك التصليح قالي لا وجابني هنا عاااااااا
= طيب اهدي احنا هنعمل محضر
- محضر !! اه يا حوستي السوده يانا ياما بنتك هتبقي مسجله خطر ياما مش هيتقدملي عرسان يالهوااااي
= * ضحك هيستيري * خلاص خلصتي
- لا لسه انا هبات ف القسم صح احيييييه
= يابنتي اهدي ده إجراء روتيني وهيخلص ودي متقلقيش
شكله حلو وربنا طب هو ليه جه بيتنا يمكن ساكن عندنا ؟
ده وقت معاكسه انتي كمان يا حوله !!
طب اعيطله اكتر يمكن اصعب عليه ويروحني ولا ايه
- عمو
= ...
- عمو
= ...
- عمو الظابط
= انا عمو !!
- اومال اقول ايه يا باشا
= باشا ايه وعمو ايه مالك يا بنتي انتي كويسه
- لا
= تحبي تروحي المستشفي
- لا انا جعانه
= جعانه !! حاضر هنجبلك اكل
- شالله يكرمك يابني
= مش كنت عمو من شويه
- ده انت عمي وعمو وعم الناس ياباشا والله بس روحني الهي تنستر
= * بيضحك * حااضر
- السلام عليكم
= بااابااا عااااااااااااااااااا
- عملوا فيكي ايه
= بهدلوني يا بابا
- هما مين دول
= والله حضرتك محدش جه جنبها دي حاجه تافهه اصلا
- انا عايزة اروح عاااااااا
= طيب ممكن تقعدي واحنا هنخلص الموضوع
- حاضر
= يا عسكري
- نعم يا فندم
= دخل الراجل بتاع الحادثه
- تمام يا فندم
= خدي مناديل اهي
- افندم يا باشا
= دلوقتي المشكله تافهه والانسه قالتلك هتدفع تمن التصليح
نحلها ودي ولا نكشف ع العربيات ونشوف انهي واحده اتصابت اكتر ونغرم اللي خبط وتبقي حكايه كبيرة ؟
- خلاص يا باشا ربنا ما يجيب مشاكل
= اومال ليه حضرتك عوجتلي بوقك زي المجرمين
وكنت هتبلعني وصوتك كان عالي كأنك بالع ميكروفون
- اقعدي
= ياعم انت مشوفتش المنظر
- عم ايه انا ظابط بقولك اقعدي
= يووووه حاضر
بعد ربع ساعه :
- خلاص يا آنسه تقدري تروحي
= شكرا
- انا روحتك علشان انتي جدعه ودمك خفيف
= ماهو دايما بيقولولي يا جدعه
- ليه مالكيش اسم
= لا ليا بس جنايه عن الجدعنه
- جنايه ؟
= اه
- اسمها كنايه
= مفرقتش متقباش قفوش
- قفوش !! طيب اتفضلي روحي
بليل :
- افتحي الباب ياورد
= حاضر .. هو انت وربنا يا باشا ماعملتش حاجه
الحقوناااااي هيمسكناااااي يا بااابااا يا مااامااا
- ف ايه حصل ايه ؟؟
= مساء الخير ياعمي
- مساء النور يا ابني خير
= عايز اتكلم مع حضرتك
- حصل حاجه تاني ؟
= لا والله مفيش
- اتفضل
= انت جاي تقبض عليا وجايبلي ورد وشوكلاته علشان تخفف عني الصدمه اااه ياني ليه يا باشا كده الهي يزود ف نجومك ما تعملي حاجه يارب بباك يبقي ظابط سيبني ف حالي اااااع
- عمي انا طالب ايد الانسه
= والله يا بني ...
- ايدي ليييه عايز تلبسني الكلبشات لااااا
= لا عايز اتجوزك
- .......
= قولت ايه يا عمي
- والله يابني
= استني يا بابا تتجوز مين ؟
- انتي
= ليه
- علشان معجب بيكي
= لا انت عايز تلبسني قضيه الصبح وتدفعني فلوس
- الصبر يارب .. قولت ايه ياعمي
= يا ابني احنا نتشرف
= شكرا يا عمي الشرف ليا
- طيب انا هسيبكم مع بعض شويه تتكلموا
= تسلم يا عمي
- .....
= مالك
- ماليش اباشا
= اسمي سليم
ده انت اسمك قمر وانت قمر وكمان ظابط وحاجه منتهي جاتك الارف ف حلاوتك يعني
- تشرفنا
= انتي ورد
- لا زُهريه نيهاهاهاها
= ؟!!!!
- اسفه اباشا
= المهم قولتي ايه
- ف ايه ؟
= جاي اخدك ونروح عمليه
- لا اله الا الله ودي هتعملها فين ؟
= هي ايه !
- العمليه
= انتي متعمده تبقي بالغباء ده علشان تطفشيني صح ؟
- والله ابدا انا اصلا غبيه
= طيب موافقه
- ع ايه
= عايز اتجوزك
- سوري مش موافقه
طلع المسدس حطه ع الترابيزه
- بتقولي ايه بقا ؟!
= لولولولولولولولولولي المأذون يا بابا
- يعني موافقه
= ده انت باشا قلبي وباشا مصر وباشا البشوات كلهم
- سبحان الله
= منك لله
- بتقولي حاجه
= بكح يا باشا
" حلمت بك حتي أصبحت حقيقة "
#Esraa_Samy
- عاالم مختلف ) " 💛✨
