_روفان تقبلي تتجوزيني؟
=أنتَ بتهزر يا إياس!!!
_هو فيه حد بيهزر فيه كدا ، أنا بحبك يا روفان ، وعاوز أكمل حياتي معاكي ، وعلي ما أظن أنتِ كمان بتحبيني؟
=إياس أنا فعلا بحبك ، بس بحبك زاي أخويا ، أنتَ صديقي يا إياس مش حبيبي.
_ صديقك؟
=أيوه يا إياس صديقي بس ، إياس بص لي نفسك ، أنت حتي مش مكمل تعليمك ، وأنا في كليه ، يعني فيه فرق بينا في المستوى التعليمي ، والمادي كمان ، أنا كنت معاك يا إياس صديقه بس أنتَ اللي أتعشمت ذياده دا مش ذنبي.
_أنا آسف أنتِ صح أنا اللي أتعشمت ذياده ، ربنا يوفقك في حياتك يا روفان ، سلام.
"أنا إياس رضوان ، عندي 23 سنه مخلص ثانوي عام بمجموع 88 % ، عايش مع أمي و ريمون وفداء إخواتي البنات في اولى ثانوي عام ، ولدي منفصل عن أمي لما كانت حامل في إخواتي البنات ، أنا اللي ربيتهم معاهم ، كنت راجل من صغري اتعودت أعتمد علي نفسي ، خلصت الثانوي ، وقاعدت علشان اساعد أمي لان أبويا مكنش بيبعت لينا فلوس ، وأمي ست كبيره مش حمل بهدله ، كان ممكن ادخل كليه ، بس بفلوس الكليه و المواصلات والملازم ، أمي اولى بها ، اشتغلت شغلانات كتتير ، ميكانيكي ، نجار ، نقاش ، مطاعم ، بحب الرسم اوي والكتابه من صغري ، رغم تعبي ومن شغل لي شغل ، بس برضو برسم واكتب ، محدش كان بيشوف رسمي ويقرأ كتاباتي غير روفان ، روفان دي كانت صديقتي أيام الثانوي هي كملت دراسه لان طبعا ظروفها حلوه ، مكنش ليا صحاب غيرها هي في آخر سنه ليها ليها ف الكليه ، حبيتها وحبيت وجودها جمبي ، كانت اول ما تتعب او يحصل ليها مشكله كانت بتجري عليا أنا ، كنت بحرم نفسي من حاجات كتير علشان أقدر اجبلها هديه وأشوف فرحتها ، بس النهارده هي اللي شافت كسرتي ، بس هي عندها حق أنا اللي أتعشمت ذياده ، هي واحده متعلمه ، مش محتاجه تشتغل علشان تجيب جنيه ، هي اللي يتعوزه بتلاقي من غير تعب ، هي مافيش مره نامت وهي جعانه ، روحت بيتنا وأنا مكسور"
_سلام عليكم ورحمة الله وبركاته.
=وعليكم السلام ورحمة الله وبركاته يا حبيبي.
_عامله إيه يا أمي.
=كويسه يا حبيبي.
_دائما يا حبيبتي ، بتخدي علاجك؟
=اه ي حبيبي.
_محتاجه حاجه ، إخواتي محتاجين حاجه؟
=لا يا حبيبي هو أنت بتخلي حد محتاج فينا حاجه.
_ربنا يقدرني يا حبيبتي ومش اخليكم محتاجين حاجه.
=ربنا يباركلي فيك يا حبيبي ويبعد عنك ولاد الحرام ، ويرزقك.
"سبتها ودخلت لي إخواتي البنات"
_حبايبي عاملين ايه؟
=الحمدلله يا ابيه.
