_ لو سمحت
= أفندم
_ ممكن تجيبلي الكتاب الي فوق دا
= دا ؟
_ ايوه
= اتفضلي
_ لا مش دا التاني
= بس انتِ شاورتي على دا
_ لا لا التاني التاني
= تمام، اتفضلي
_ استني لا مش دا
= بس انتِ أ...
_ الي جمبه
= لا اله الا الله ، اتفضلي
_ لا مش ...
= لا شغل برج الجوزاء دا بيتعبني
_ انت برج الايه ؟
= الاسد
_ الله
= ايه
_ تعرف ان في توافق بين الاسد و الدلو !
= هو انتِ الدلو
_ لا انا عقرب عادي
= يا ستار يا رب
_ بتقرا كتير
= انا صاحب المكتبة
_ ايوه ايش دخل دا بدا
= انا صاحب المكتبة، يعني قبل ما ماقرر احط فلوسي في مشروع لازم اكون حابه
_ انا بحبك
= افندم
_ قصدي عاوزه كتاب " لاني أحبك "
= ايوه في الرف الي هناك
_ تعالى جبهولي
= متجبيه لنفسك
_ احم.. 159 سم
= و صابرة على نفسك ليه يا بنتي
_ متقلبش عليا المواجع شالله يسترك
= ايه بياعة الفجل دي
_ نعم
= اتفضلي اهو
_ ايه دا الغلاف مش عاجبني هاتلي كتاب تاني يا عمرو
= حا... انتِ عرفتي اسمي منين
_ هاه .. وانا هعرف اسمك منين لا طبعا معرفش انك عمرو لا
= طيب في حاجة معينه أ...
_ هات " الاسود يليق بك "
= اه رواية جميلة و ..
_ حلو السويت شيرت الاسود الي انت لابسه دا
= اه شكرا
_ ابقى فكرني اما نجوز أخده
= اه طبعاً .. ايه !!!
_ في هناك " أحببتك اكثر مما ينبغي " بس انت طلعت حلوف مبيحسش بردو
= انا مش ...
_ و في بردو " لن ينتهي البؤس " يا طور يا أعمي ياالي مبتشفش قدامك
= ......
_ وفي ...
= بس بس في ايه
_ ابداً مفيش " سأرحل " و " سوف احكي عنك " وأخلي ال book store بتاعك يفلس وتبقا عالحديدة حاضر
= ......
_ انت هتسيبني امشي !!
= ما انتِ مُصرة
_ في بردو رواية اسمها " أمنيتي ان اقتل رجلا "ً بيشتغل في book store
= يا آنسة ...
_ لا لا مش هسامحك أبداً " إلى ما لا نهاية "
= لا والله خلاص " فلتغفري "
_ مش هصدقك " ولو بعد حين "
= أنا آسف مخدتش بالي
_ وبعدين
= تقبلي تكوني " بطلة كل حكاياتي " ؟
_ ولو قبلت
= هاحفظ عليكِ ل " آخر نفس "
_ حكايتنا هتبقى " زي الأفلام "
= متمشيش دا قبلك كان " مطلوب حبيب "
*********************
#نانسي_اشرف
_ رأيكوا فضلاً ..💛
- عاالم مختلف ) " 💛✨
