-عايزه أقدم في كورس الأنجلش
=أسمك
-غاده
=ثلاثي يا أستاذه
-غاده أحمد محروس
=عنوانك
-في الشارع الي جنبكم
=عندك كام سنه !
=١٩ سنه إلا شهر
-لون عنيكي
=ودا إيه دخله في البيانات
-لينسيز دي ولا لون عنيكي
=لا أنا عيوني عسلي في خطوط زيتي
-بياضك دا ولا مستحضرات تجميل
=لا أنا بيضه كدا..هو دا من ضمن الإجراءات
-لابسه كعب ولا دا طولك
=لا طولي..١٦٨
-مخطوبه
=هو انا لو مخطوبه ماينفعش أقدم
-إوعي تكوني مخطوبه
=أبدا والله لا
-في أمل انك تتخطبي لمده سنه
=أشمعنا سنه
-جاوبي لو سمحتي
=لا...
-حد من العيله عينه عليكي
=يا أستاذ ايه الاسئله دي
-جاوبي لو سمحتي..دا شغلي
=شباب العيله كلهم أتقدمو واترفضو
-رقم تليفونك
=٠١١١٢٠٧
-في كليه إيه
=معهد تمريض
-يعني هيبقا معاكي وظيفه
=ان شاء الله
-يعني ممكن توافقي عليا
=أيه !
-أقصد توافقي ع شخص شغله ذي شغلي كدا
=دا باردو من ضمن البيانات
-أه اكيد...أصل إحنا بنهتم بحياه الطلاب الي عندنا
=أسيستنت غريب
دخلت بنت عندها ٢٠ سنه تسجل في الكورس...أنتي إيه إلي جابك دلوقتي ، هضيعي شقي ربع ساعه بحاول اعرف تفاصيلها...يشيخه منك لله يشيخه ، أديكي بوكس في عينك يرجعك مطرح ما جيتي !..
-عايزه أقدم في الكورس
=أسمك حضرتك ثلاثي
-شيماء اسماعيل مجدي
=عنوانك وسنك
-مركز ناصر شارع الورد...٢٠ سنه
=تمام تقدري تدفعي المقدم وتيجي تحضري بعد يومين الساعه ٤ العصر
مشيت شيماء وغاده واقفه من كتر الصدمه شفايقها خدت وضع الشراسه لوحدها...أستخبي جوه الكمبيوتر طيب !
-يا سلام ...تصدق انك قليل الادب
=أسمعي بس...والله ما اقصد ..خدي
-أمشي من وشي
=أنا هنا في مكان شغلي
-اه سوري...انا الي همشي من وشك
=أستني يا أستاذه غاده...
أديها مشيت...دا انا عاطي لبنت عمي ٥٠٠ جنيه عشان تعرفها ع الكورس...أديلي سنتين بحاول أقرب منها ، إيه البنت الي عامله ذي شبكه we دي ..كل ما افرح أنها لقطت معايا ألاقيها سقطت !...
-مش موافقه عليك...وأتفضل أمشي
=دا انا جايب ورد أحمر بمرتب الشهر
-مش عايزه أتجوزك ..عشان تعرف تاخد عني بيانات بالكدب
=واحده بتمشي أسرع من عربيه محمد رمضان ومش بتبص لحد وهيا ماشيه ولا بتكلم حد..عيزاني أعرف ازاي يعني !...بالاسليكي
-أنا رضيت أقعد معاك في الرؤيه الشرعيه دي عشان أهزئك صراحه
=أتعدلي معايا أنتي ماتعرفيش انا ممكن أعمل إيه
-هتعمل إيه يعني
=هتقدم تاني وتالت...فاكره اليوم الي أنتي لقيتي فيه رساله وتحتها كلمه مجهول
-الخط كان وحش ومعجبنيش
=طب فاكره واحد أسمه محمد عبد الشكور اتفق مع بباكي أنه عايز ييجي ومجاش...أنا الي مخلتهوش ييجي
-يا قطاع الارزاق انت
=عشان انتي رزقي ومش هتبقي لحد غيري
-........
=وشك بقا عصير طماطم دلوقتي...وعامله فيها شبح
-متتريقش عليا وأتفضل أمشي
=طب أشبكي ايدك في أيدي كدا
-لا مش هشبك
قومت شابك إيدي في ايدي التانيه : طب والعشره الشريفه دي بحبك
=.....
-أنا اول مره اشوف واحده بتتكسف فمناخيرها تحمر
=أحم...
-ها موافقه !
=أنت قولت أن انت الي كتبت الجواب
-اه انا وربي وانا الي كاتب الكلمات من جوه قلبي
=هرد عليك بكرا بإذن الله..
"بعدها بيوم "
أستلمت رساله بخط الإيد
"لم أجد فيك فتي أحلامي ولكنني حتمآ سأجد أحلامي معك..ليست رساله من مجهول ، فأنا المعلوم الذي لم يكن يومآ مجهولآ "
#أميمه_عبدالله
- عاالم مختلف ) " 💛✨
