=يبنتي ركزي بقا معايه شويه خلينا نخلص من ام الليله دي
-يبني منا مركزه اهه
=طب انا كنت بشرح ايه من شويه
-كنت بتقول ان البنت مالهاش الا بيت جوزها
=ابتدينا !!..يبنتي انا قولت كدا
-بص من الاخر كدا انا مش مركزه
ببرود =يعني انا كنت بشرح لامي صح
حركت راسي بنعم
=تمام متجيش تعيطيلي وتقوليلي اشرحلك حاجه تاني
-سليم انت رايح فين ....انا كنت بهزر يارمضان ايه مبتهزرش
=لا مبهزرش في المذاكره ياختي
-طب ايه رايك نقعد مع بعض عادي من غير مذاكره وابدا مذاكره من بكره
=من بكرا ايه يا ليل .. .الامتحان بكرا!!!
-هذاكر في العربيه مش حوار يعني
=ليل فوقي انا بصحيكي بالعافيه في العربيه!!
-خلاص نعوض الترم التاني
=مهو احنا في الترم التاني
-يعني احنا في الترم التاني الي كنت بقول هعوض فيه
=بالظبط
-واحنا دلوقتي في زنقه الكلاب
=طبعا
-واحنا في اخر سنه
=اومال
=دلوقتي احنا اخر سنه ولازم تركزي عشان مستقبلك
-بيولع ....مستقبلي بيولع
زعق =ليييل ركزي خلينا نلحق
انكمشت في نفسي كدا وبصتله ببرائه -منا مركزه
ضيق عينه =متبصيش كدا
بصيتله ببرائه اكتر -ليه
لقيته بيكتم ضحكته ويصطنع الجديه =ليل انا مش بهزر... خلينا نلحق الساعه 8واحنا فوق السطوح ومش هينفع نتاخر....و انا يدوب مستاذن من ابوكي ساعتين ألملك فيهم المنهج
-حاضر
سليم دا يبقي جاري واهلنا شبه مقيمين عند بعض ..من صغرنا واحنا جيران بس مكناش قريبين من بعض كدا .....ممكن عشان اهلنا مكانوش متعرفين علي بعض اوي.....يعني ممكن نقول بقالنا 10سنين مع بعض صحاب ...وبابا بيثق فيه جد لو مكنش وثق فيه مكنش خلاني اقعد معاه لوحدينا هو متاكد ان سليم هيحميني حتي من نفسه .
قعد يشرحلي وانا بحاول بقدر الامكان مركزش مع عروق ايده والساعه السوده الي خدوا قلبي
=ليل
بصيت لقيته حاطط ايده علي خده وبيحرك ايده التانيه قدام وشي
-هاا
=مش هنخلص من السرحان دا
-لا والله مركزه حتي بص ...........قعدت اشرحله الي قاله
=تمام كدا خلصنا ..يارب بس تروحي وتحلي حاجه
وانا بعدل الخمار بكبرياء-لا يبابا انت فاكرني ايه دا انا بعمل كيان وكرير
حط ايده علي خده =ولما تطلعي من الامتحان بكرا تقوليلي متيجي نتجوز ونجيب كيان وكريم
=هو انا سمعتي وحشه اوي كدا
-فوق متتخيلي
كرامتي :طب استاذن انا عشان اتمرمط كتير اوي النهارده
=الساعه 10ابوكي هينفخنا
-ليه هو احنا بنعمل حاجه غلط
=ليل احنا مش صغيرين ....وميصحش اصلا نقعد لوحدنا كدا ...يلا ننزل
&يلا يبنتي قومي هتتاخري علي الامتحان
-خمس دقايق بس وهقوم
&سليم مستنيكي تحت بقاله ربع ساعه وحرق التلفون من كتر مبيتصل وشكله هينفخك
نطيت من علي السرير -ايه يماما مقولتيش من ساعتها ليه
&يبنتي منا بصحيكي من الصبح ومش راضيه ..لازم اهددك بسليم يعني
جريت وانا بطلع هدومي بسرعه -طبعا دا هيعمل مني بوفتيك
غسلت وشي واتوضيت وصليت ولبست دريس لبني وخمار اوف وايت وكوتش ابيض ....انا لبسته عشان سليم بيحبه عشان واسع ...مهو مكونش متاخره وكمان لابسه حاجه مش عاجباه ...يبجاحتي
نزلت. كان ساند علي العربيه وحاطت ايده في جيبه ولابس نضاره شمس وقميص اسود وبنطلون جينز غامق وكوتش اسود ولا تقولوا البطل طلع من الروايه
استغر الله العظيم...اهه اخدنا ذنوب علي الصبح.. يشيخ روح اللهي تتزحلق في قشره موز
اول ماشافني ودانه احمرت ومتكلمش وركب ..ركبت جنبه
بغضب =اتاخرتي ليه...بقالي ساعه مستنيكي
-انت اتصلت بيا
=لا بس اتصلت علي مامتك
-لو كنت اتصلت بيا كنت نزلت ....بس انت ماتصلتش ..مانت لو مهتم بالامتحان كنت اتصلت ...بس ازاي انت ماتصلتش ...ماهو الاهتمام مبيطلبش يا استاذ
زعق =ايوه اقلبي التربيزه اقلبيها
-وكمان بتزعق يعني مش كفايه انك ماخرني علي الامتحان وبتزعق
=يبنتي لو كنت خطيبك وعايزه تنكدي عليا قوليلي
-وكمان بتعايرني اني لغايه دلوقتي مش مخطوبه ..دا انت بجح بصحيح
=وايه كمان يا سوسن
-انت بتغلط في اسمي.! انا اسمي ليل مش سوسن ..اه ماتلاقيها واخده عقلك ...عشان كدا كنت سهران لغايه الفجر اكيد كنت بتكلمها وبتتموحن عليك
=والله ابدا مبكل...ثانيه بس انتي عرفتي اني سهران لغايه الفجر ازاي
-ايه!
=لا مش وقت غباء كنتي سهرانه بتعملي ايه يا ليل
-بصراحه بصراحه كنت باكل
=بتاكلي الفجر في حد عاقل بيصحي ياكل الفجر
-اه انا
=انا بقول عاقل!
-اه سوري
=وانتي عرفتي منين اني صاحي
-كنت فاتحه واتس ولقيتك فاتح
=ازاي وانا مشوفتكيش فاتحه
-ايه!
زعق=لييييل
-خلاص خلاص اقولك بس متزعلش
=قولي
-احم ..مانا خافيه اني اون لاين
ببرود =يعني انتي كنتي بتفتحي وانا معرفش
بخوف-اه
=واتفاقنا الي احنا كنا متفقينه اتلغي
-اه
=يعني كنتي بتستعبطيني وانا اهبل وصدقتك
-اه
زعق=ايييه
-لا لامش قصدي والله
=اهي دقني لو حليتي حاجه في الامتحان
-هتشوف
احنا كنا متفقين اني مفتحش واتس او فيس في الشهر الي قبل الامتحانات عشان اركز عشان انا مدمنه واتس وفيس لو قعدت عليه مش هقوم من عليه. ......وفيها ايه يعني لو فتحت الواتس والفيس مش هيجري حاجه يعني ..
=يلا انزلي
-ايه
=وصلنااااااا انزلي بقا صدعتيني
-طب انا جعانه
=فاضل علي الامتحان خمس دقايق وتقولي جعانه
-اه مش داخله الا وانا واكله
=ليل متخافيش هيعدي الامتحان زي الي قبله ..متتوتريش بس وحاولي تركزي ...وانا هستناكي لغايه اما تخلصي ....النهارده اخر امتحان خلصيه علي خير
-ماشي
نزلت ومشيت بصيت ورايا لقيته بيبصلي ويطمني ...هو عارف اني لما بتوتر او بكون خايفه باكل....كلامه طمني
=ها اخبار الامتحان ايه
بجمود-عايزه اتجوز
ضحك جامد -طب متجوزيني
-لا مش للدرجادي
لقيت ودانه احمرت =انا بتكلم جد...تتجوزيني
-انت ودانك متحمر كدا ليه
=احم ...لما بتحرج بيحمروا
ضحكت -مكسوفه يابطه
=سيبك من وداني دلوقتي وقوليلي
بصيتله ببرائه -اقول ايه !
استغفر في سره وبص الناحيه التانيه وبعدين زعق =لييييل
-امممم ...افكر
=ليل متستفزنيش
-طب هسال سوال ولو جاوبته هوافق
بتوتر=قولي
-انت ليه مش بتحب اني ابصلك كدا
=احم...عيونك ساعتها بتوسع بؤبؤ العين بيوسع و بيبقي فيه لمعه كدا حلوه بتثبتيني الصراحه
اتكثفت-طب انا مش موافقه
=ليييل
-يا عيونها
=لا مش هتثبت
بصتله ببرائه -طب وكدا
-تم التثبيت بنجاح
عيناكِ عذاب لعاشق مثلي، فبربكِ اين الخلاص💛✨
ليل_سليم
شهد_بسيوني
- عاالم مختلف ) " 💛✨
