-الحلو سرحان في اي ؟
_سيف !
-ممكن اقعد ؟
_اقعد ..
قعد جمبي وفضل ساكت وانا اصلا كنت سرحانة ف خيالي لغاية ماقطع شرودي ..
-طيب ياورد انا سايبك اسبوع اهو من غير ما اسألك ع اي حاجه وانتي حتي مبتتكلميش ،مش هتقوليلي برضوا ايه سبب انك تسيبي القاهرة وتيجي اسكندرية ؟ ،ومتقوليش وحشتوني وبغير جو لان الكلام ده ياكل مع خالتك الغلبانة مش معايا انا ،متنسيش انك مكونتيش بتخبي عني حاجه واحنا صغيرين !
_بهرب ..
_من مين ؟
-من نفسي ومن ذكرياته
_من ذكرياته ! الهاء عايده ع مين بقي ؟
-آدم
بص ف عيوني شوية وراح لافف وقاعد قدامي بالظبط وقاال بتركيز
_احكي
- مفيش حاجه تتحكي الحكاية كلها هو ،هو بس ..
_طيب احكيهولي ..،عاوز من الاول خالص ياست البنات
اتنهدت بتعب وبصيت للسما وسرحت فيه افتكرت كل لحظة كنت فيها معاه افتكرت ضحكتة ،لمعه عنيه وهو بيضحك ،شكله وهو بيظبط شعره ،نظرته ليا لما بعمل حاجه متعجبهوش ،ابتسامته ،ووقفته ..سرحت ف كل حاجه فيه ..الحكاية كلها هو فعلاً ..
- مش عارفه ابدأ من فين ياسيف ،انا مش فاكره الاول خالص ده كان امتي ! بس هحكيلك ..
.......
نزلت من البيت كالعاده بالروتين الممل بتاع كل يوم وانا بدعي ان الاقي مواصله علشان متأخرش
مع دعوة ماما "روحي يابنتي ربنا يوقفلك ولاد الحلال ويحبب فيكي خلقه ويوفقك يارب"
ربع ساعه واقفه ومفيش اي حد راضي يقف ربع ساعه والشمس والحر وانا بردد جوايا "امتي الشتا ييجي ببياضه لقلبي بقي،ومالها سقعه الشتا وبرده !"
بعد زهق مابعده زهق وقف تاكس بمعجزه
-ع فين يا انسة ؟
_اكتوبر ياسطا ..
وكسواق مصري اصيل شغل الكاسيت ..علي صوت الست بتقول..
"غلبني الشوق ..وغلبني ..وليل البعد دوبني "
ده ناقص كمان!
المهم وصلت دفعت الاجرة ونزلت اشتريت قهوة عالسريع وانا طبعاً متأخرة وبعدل ف الورق اللي ف ايدي والملف اللي المفروض هسلمه النهارده وماشيه بكلم ف نفسي "انا اللي بجيبه لنفسي ،وقال اي عاوزه اشتغل ،لا راجل يابت اووي ،وكسه توكسني ،الواحد ناقص اصلا كلمتين م حضرت المدير النهارده كمان يلا كله رايح !"
ولبست ..!!
.....
-لبستي؟! اللي هو ازاي ؟
_ لبست وقلبي لبس ..،هكملك
.....
_يالهووي انا اسفه والله ،مكونتش باصه قدامي ،معلش حضرتك والله اسفه جداً ،اتفضل معايا وهنضفلك القميص .
برفع عيني وياريتني مارفعت ..عيني اترفعت وقلبي وقع ..
-آدم ؟ !
حسيت بنفس الاحساس وكأنه كان معايا امبارح ومفيش اي حاجه اتغيرت
_ اي ده ورد ؟،قصدي ندي!،انتي بتعملي اي هنا يابنتي ؟
_ انا ..انا بشتغل هنا ،انت اللي بتعمل اي ؟
_ انا عندي اجتماع هنا و...
-يالهووي ،اتأخرت ..معلش يا ادم لازم امشي دلوقت واسفه مره تانيه عالقميص ،اشوفك بعدين
وجريت م قدامه
-اهلاً ياست هانم ،اتكرمتي اخيراً ووصلتي ،الاجتماع بعد ربع ساعه والمدير قالب عليكي الدنيا ،وعاوز الملف بتاع المشروع
_ياخبر ابيض ،انا داخله حالاً اهو...
...
-ادخل
_انا اسفه يافندم والله مكانش ف مواصلات و..و..الدنيا كانت زحمة ،و..كنت جايه بجري حتي خبط ف واحد وبوظتله هدومه بالقهوة ..و..
-بس بس بس اي هتحكيلي قصة حياتك ..انا نبهت كام مره عالتأخير ده ،مينفعش كده يا آنسة لازم تيجي بدري ..وهاتي الملف بسرعة واتفضلي روحي مكتبك
....
-قالك اي
_هيكون اي يابومة ،الاسطوانة بتاعة كل يوم
-تستاهلي علشان تبقي تيجي بدري
_سيبك انتي ،عارفه شوفت مين وانا طالعه ؟
- ربنا يستر ،مين ؟
_ادم
_ادم بتاعنا ،ادم اللي هو ادم
_ايون ادم اللي هو ادم
-واي رجعه ده ،مكانش مسافر ؟
_معرفش ،اللي عرفته ان هو عنده اجتماع هنا
-امممم ،ربنا يستر
....
عدي اليوم والتاني والتالت وفات اسبوع ونسيت اصلا اني شوفته واتدفنت ف الشغل زي مانا
لحد يوم الجمعة نزلت اتمشي ،واهو اجيب كتب بالمرة
جبت اللي عايزاه وقولت اتمشي شوية ..
-الست ورد سرحانه؟
_ادم!
-ممكن اقف معاكي ونسرح مع بعض عادي ولا متحبيش!
_براحتك
سكتنا شوية الاكيد اني مكونتش هبدأ كلام وهو عارف ده كويس ..فبدأ هو
-عامله اي ؟
_الحمدلله
-موحشتكيش ؟
قلبي اتقبض جامد ..هو يعرف اني كنت بحبه؟ بعدين رجع لي انا ماصدقت اتأقلم علي غيابه
_ايه؟!
-اقصد موحشتكوش يعني؟
_اه كان ليك غربة
-اممم كويس
_لازم امشي دلوقت
-لي ؟ لسه بدري
_معلش اتاخرت
مشيت وسبته وانا قلبي بيدق جامد مكونتش عارفه انا ماشيه ازاي ..مكانش لازم يرجع
******
-هو راجع لي ي صباح؟
_لاحول ولا قوة الا بالله ،في اي ي بنتي ما يرجع مالك ؟ بعدين هو اصلا مكانش يعرف انك معجبة بيه ولا نيله ..واحد راجع بلده عادي
-بس ي صباح ده بيظهرلي ف كل مكان !
_مبسش ،ايه بيظهرلك دي انتي بس حاسه بكده لانك كنتي بتحبيه
-امممم
_خلاص انسي بقي وفكك كده واتعاملي عادي ده كان ماضي ولا اي؟
-ها..ماضي! ايوة ايوة
قفلت مع صباح وانا بحاول اقنع نفسي بكلامها هي معاها حق دي حاجه خلصت خلاص عادي يعني
فتحت الفيس لقيت ادد ومسدج منه !
فكرت شوية اقبله ولا اي وقبلته صباح قالتلي اتعامل عادي
-ازيك ي ست ورد ؟
_الحمدلله تمام
واتكلمنا كتيير ..
خلال شهرين ادم قالي انه كان بيحبني من زمان وخايف ارفضه ..
فرحت جداً الشخص اللي حبيته طلع كمان بيحبني قلبي كان بيرقص لما قالي
********
-لما انتوا الاتنين بتحبوا بعض كده بتقولي انك بتهربي لي؟
_لان الحلو مبيكملش ي سيف مبيكملش ابداً
-اي اللي حصل بعدين ؟
_اكتشفت ان ادم كان خاطب وكانوا بيحبوا بعض جداً بس حصل مشاكل وسابوا بعض ..قام رجعلي انا ..كان عارف ان لو رجع هيلاقيني
-اكتشفتي ازاي؟
_هي رجعت تاني
-وبعدين؟
_سابني تاني وراحلها ..سابني بكل قسوة ورجع لها ،مهتمش باي حاجه بعد ما اتخطبنا قالي انا اسف انا بحبها ومشي ،اول ما رجعت مشي وسابني بكل سهولة ي سيف وكأني مكونتش موجودة ف حياته ولا ليا اي قيمة
