Seduced By A Lesbian: Allison

Chapter 5

Dedicated to CristalAtilano9 my new follower. Hi po sa'yo. And hi din sa mga silent readers diyan 😍

***
Samantha's POV

"Ganyan ba kayo bumati ng customer?" Naabutan kami ni Allison na parehas na nakasalumbaba ni Cheska sa counter ng aking coffee shop, malungkot at nakatingin lang sa pinto.

"Paano ba naman kasi pangalawa ka palang sa customer namin ngayong araw." Malungkot na pahayag ni Cheska. Ang malas yata ng presensya ko, dahil ngayon na nga lang ako dumalaw sa MC ay ito pa ang madadatnan ko, wala man lang customer.

Ginaya naman kami ni Allison na nakasalumbaba na rin sa counter. This is the first time that Ali, visited Mugs Coffee. Matagal niya na ring pinaplano na magpunta rito kaya lang masyado raw hectic ang schedules niya. Heto nga siya at mukhang kakagaling lang sa isang photoshoot. She looks tired pero bakas pa rin sa mukha niya ang pagiging cute niya, wearing a simple white tshirt and fitted jeans.

Mabilis akong umiwas ng tingin nang titigan rin niya ako. Hindi ko alam kung bakit gustong gusto kong titigan ang halos perpekto niya na ng mukha.

"Okay!" Nagulat pa kami ni Cheska nang bigla nalang niyang hampasin ang ibabaw ng counter. Napaka pilya talaga. Tuwang tuwa pa siya sa reaksyon namin, samantalang parang nalaglag na yung puso ko dahil sa gulat. Kasalanan ng kape 'to e, nagiging nerbyosa na ako.

"I'll order everything on your menu." Pare-parehas kaming hindi makapaniwala sa sinabi niya. Nagawa pa nga namin magtinginan ni Cheka. At ano namang balak niyang gawin sa kape? Lalaklakin niya?

"Baka naman mag palpitate ka buong buhay mo!" Pagbibiro ni Cheska. Pero mas lalo kaming nagulat nang ilabas ni Allison ang kanyang credit card at iniabot iyon sa aming cashier. Seryoso ba talaga siya?

She was so busy looking on our menu board, para bang inaaral niya ang lahat. Our desserts, our signature coffees, frappes, shakes as in everything! Salaula yata ang lesbian na ito, mauubos niya ba ang lahat ng inorder niya?

"Saka. ." Inilagay niya ang kamay niya sa baba at parang genius na nag iisip. "Yung owner nitong shop baka pwedeng orderin?" Seryoso niyang sambit habang hindi inaalis ang mga mata niya sa akin.

Nagkumpulan si Cheska at ang mga staffs ko sa sinabing iyon ni Allison, at sabay sabay na naghiyawan. My face turned into red nang mag sink in sa utak ko ang sinabing iyon ni Ali. Para bang nag iinit na rin ang aking pisngi. Ano ba namang tingin niya sakin? Isang kape?

Humawak siya sa kanyang dibdib na parang nasaktan nang inirapan ko siya at diretsyong pumasok sa office ko. Buwisit na Allison yun, kung anu ano nalang ang pinagsasabi sa harapan ng mga staffs ko. Nakakahiya kaya!

Hindi ko naman namalayan na napapangiti na rin pala akong mag isa nang paulit ulit kong narinig sa utak ko ang sinabi niya. Allison never missed a chance na pangitiin ako in her own simple ways.

"Pst! Sam!" Tawag sa akin ni Cheska na nakasilip sa pinto ng office. Aligaga siyang iwinawagayway ang kamay niya para lumapit ako sa kanya.

We saw Allison who were busy taking pictures of her orders na ginawa niyang models. Ano ba naman yang ginagawa niya? Nagsasayang lang siya ng pera kung hindi rin naman niya gagalawin yung mga inorder niya.

"Smile!" Awtomatikong nagpose si Cheska habang sa amin na itinapat ni Allison ang camera niya. Marahil ay napansin niyang tinitignan namin ang ginagawa niya kaya kami naman ang napag diskitahan niyang kuhanan ng litrato. Nahihiya man, ay pilit akong ngumiti sa harap ng camera niya.