Seduced By A Lesbian: Allison

Chapter 15

***

Samantha's POV

"By the way, I'm Lucia Martinelli." Pakilala niya habang hindi pa rin tinatanggal ang ngiti sa mga labi niya. Napakaganda rin ng pangalan niya pang imported din. Iginiya ko siya upang maupo.

"È vero che la tua caffetteria è molto carina." Natigilan ako at napatitig sa kanya. Sinipat ko rin ang ilong ko, chinecheck kung may dugo na bang tumutulo. Humalukipkip siya at nahawa na rin ako. Ano ba kasing sinasabi niya? Alien ba siya?

"Ow, I'm sorry. Nasanay lang kasi ako sa Italya. What I mean is, napaka ganda pala talaga ng coffee shop mo." Bakas sa kanyang mga mata ang pagka mangha sa lugar. At patuloy pa rin niyang inililibot ang mata niya sa kabuuan ng Mugs Coffee kahit nakaupo na siya.

"Ahhh. Hehehe." I scratched the back of my head. So, galing pala siya ng Italy. "Thank you."

"By the way, I'm here to ask you a favor." Umayos ako ng upo at kinabahan ng kaunti. "Gusto ko sanang kuhain ang coffee shop mo, to cater my mom's birthday. Alam mo na, kape nalang ang kinahihiligan ng mga matatanda ngayon. Actually nakita ko kasi na inirecommend ito ng kakilala ko. And nabasa ko rin yung feedbacks and reviews sa social media page niyo, masarap daw ang coffee dito." Dire-diretsyo niyang sambit. Kahit tagalog na ang ginagamit niyang salita ay slang pa rin siya.

"Ha?" Tila hindi nag sink in sa akin ang sinabi niya. Paano ba naman kasi ay nakatitig ako sa mukha niya. Hindi ko kasi mapigilang magandahan sa kanya. Pang out of this world kasi ang gandang meron siya.

"Ahh. Sure!" Yun nalang ang tanging naisagot ko. Umurong na yata ang dila ko.

"Really?" Tumango ako bilang tugon. Sa palagay ko ay hindi napapagod ang labi niya sa kakangiti. Napaka genuine.

"And also your desserts gusto rin namin ma-try. What's your best dessert here?" Kinuha niya ang menu na nasa ibabaw ng mesa at matamang tinignan iyon.

"We have blueberry cheesecake, tiramisu, and cinnamon-honey creme brulee. That's our top three best desserts here." Paliwanag ko. Nakangiti siyang tumango habang nakikinig sa akin.

"Okay." Ibinaba niya ang menu na tumakip sa mukha niya. "I think magugustuhan naman iyon ng mga kids sa party no? Hihi." Mahinhin niyang tawa.

"Here's my calling card." Iniabot niya sa akin ang kapirasong papel. Inilabas naman niya ang mamahaling cellphone niya at kinuhaan ng litrato ang menu. "Good thing, may contact number ka dito."

Hindi ko alam kung bakit ako nahihiya sa kanya. Maybe because she's too rich para kami ang mag cater sa birthday party na binabanggit niya.

"I'll call you Ms. Lucia, once nagawa na namin ang contract for the cater." Hinawakan niya ang kamay kong nakapatong sa mesa. Tila nakaramdam ako ng kuryente sa katawan nang gawin niya iyon.

"Lucia nalang, okay?" Hindi lang pala siya maganda, mukhang mabait din. "By the way, I need to go. Maghahanap pa kasi ako ng photographer e." Mahinhin siyang tumayo at muli akong kinamayan.

"Photographer? Hmm, baka makatulong din ako dyan." Proud kong sambit. Lalayo pa ba ako?

"Ow, it's alright. Wala na akong choice kung hindi yung kakilala ko nalang ang contakin ko." Si Allison sana ang isa-suggest ko para kahit papaano ay kasama ko rin siya sa birthday party na iyon. Pero mukhang marami din namang kakilala si Lucia na photographer.