Seduced By A Lesbian: Allison

Chapter 6

***
Samantha's POV

"Enjoy your coffee." Nakangiti akong iniabot sa customer ang isang tray kasama ang orders niya.

Hindi ko akalain na magiging ganito karami ang customers namin sa nagdaang isang linggo, mula nung maipost ni Ali ang Mugs Coffee at ang mga produkto namin sa page niya.

Kaya naman aligaga kami sa pag aasikaso sa mga customers namin na para bang nagkaroon kami ng isang grand opening.

I should thank Allison later. Na ngayon ay abala sa pagkuha ng mga litrato sa buong coffee shop. By just looking at her, hindi ko mapigilang pamulahan ng pisngi kapag naiisip ko na magkatabi kaming natulog noong nagkasakit siya. Halos buong gabi siyang nakayakap sa akin at ayaw niyang makawala ako sa mga bisig niya. Hiyang hiya nga ako dahil iyon ang unang pagkakataon na may nakatabi akong lesbian sa pagtulog.

"Ang guwapo ngayon ni Allison no?" Hindi ko namalayan ang pagtabi sa akin ni Cheska na nakangiti ng nakakaloko.

"Oo nga e." Natutop ko ang bibig nang masabi iyon sa kanya kaya mas lalo tuloy lumaki ang ngiti ni Cheska. Hindi ko naman maitatanggi iyon kasi talaga namang eye catcher si Allison na ngayon ay pinagkakaguluhan na ng mga kababaihan. Hindi ko tuloy alam kung itong coffee shop ba ang dahilan kung bakit madami kaming customers. O baka naman dahil sa alindog na taglay niya.

"Hindi ito ang order ko!" Mula sa dining area ay narinig ko na lang isang malakas na sigaw ng isang babaeng customer na umalingawngaw sa kabuuan ng coffee shop. Nakatayo ito habang galit na nakatingin sa isa sa mga staff ko.

"P-pasensya na ma'am papalitan ko nalang po." Kukuhanin na sana ng aking staff ang order nito ngunit naunahan siya ng babaeng customer at hindi nag dalawang isip na itapon iyon sa mukha ni Arlene.

Naglakihan ang mga mata namin at tila nagkaroon ng maliit na kumosyon nang maglapitan sa puwesto nila ang iba pa naming customer. Mabilis akong tumakbo papalapit sa kanila.

"Hindi na kailangan!" Bakas sa boses nito ang galit "Hindi naman masarap!" Dugtong pa niya.

Nahihiyang napayuko na lang si Arlene habang kagat kagat nito ang kanyang labi na tila pinipigilan na tumulo ang kanyang luha.

"Excuse me?" Mahina ang boses kong inagaw ang atensyon niya mula sa nang gagalaiti niyang mukha. Tinaasan niya ako ng kilay na nagtataka kung sino ba ang kaharap niya.

"Who are you then?"

"By the way I'm Samantha. The owner of this coffee shop." Inilahad ko ang kamay ko bilang pagpapakilala sa kanya, pero tinitigan niya lang ang kamay ko at ako sinuri pa ako mula ulo hanggang paa.

"Since you're here, I want to tell you something." Awtorisadong wika niya. Padabog niyang hinila ang upuan at muling umupo. Nanlilisik ang mga mata niyang nakatitig sa akin ngunit hindi ako nagpatinag sa kanya. Nakangiti lang ako sa kanya habang hinihintay ang susunod niyang sasabihin.

"You know what? Sa picture lang mukhang masarap yung mga products niyo, my taste buds doesn't seem to like your coffee." Kalmanteng pahayag niya. Kusang kumunot ang noo ko sa feedback na nang galing mula sa kanya. "Kung hindi lang 'to ni-recommend ng mga friends ko ay hindi naman ako pupunta rito!"

Hindi ko alam kung bakit bigla na lamang kumulo ang dugo ko sa kumento niya. Pero pinilit kong pakalmahin ang sarili ko dahil I know na customer pa rin naman siya. I need to be professional.