Seduced By A Lesbian: Allison

Chapter 21

***
Samantha's POV

5:00 a.m.

Ririririringggg. . .

Cheska calling. . .

"H-Hello?" Pupungas pungas pa ako nang sagutin ang tawag ni Cheska. Matagal siya bago nakasagot mula sa kabilang linya.

"Huy! Ang aga aga mo namang tumawag." Muli kong reklamo.

"Sam. ." Bakas sa boses niya ang pag aalala.

"What?"

"I think na-hack ang social media page natin." Histerikal niyang sambit. Muli akong napapikit. Akala ko naman kung ano na ang problema niya.

"Maaayos din natin ya--"

"It's not that easy." Mariin niyang tugon. Binalot tuloy ng kaba ang dibdib ko. At hindi ito matigil sa mabilis na pagtibok. "Just check it."

"Cheska naman, antok na antok pa ako." Bumangon na ako kahit labag pa sa loob ko. Nasa kabilang linya pa rin si Cheska. At hindi niya pa ibinababa ang tawag hanggat hindi ko pa nakikita ang binabanggit niya.. Dinig ko ang mabibigat niyang paghinga.

"Have you check it already?" Napasinghap ako nang maupo ako sa harapan ng laptop ko. Hindi ko kasi iyon pinapatay at naka direkta na iyon sa page ng Mugs Coffee. Para mas madali ko iyong mamonitor lalo na kapag may inquiries.

Pakiramdam ko ay binuhusan ako ng malamig na tubig nang tumambad mula roon ang iba't ibang videos na nakapost sa social media page ng Mugs Coffee.

"What the fuck!!" Galit na sigaw ko. Hindi ako makapaniwala sa nakikita ko sa harap ko.

Iba't ibang cctv clip iyon na kuha mula sa condo unit ko. May ibang videos na nagbibihis ako, naliligo, natutulog. At ang pinaka worst pa ay video kung saan nag sesex kami ni Janus.

"I . . I actually delete it so many times, pero bumabalik lang e." Hindi ko alam kung anong mararamdaman ko. Naiiyak ako sa sobrang galit. I even checked the dates of those cctv clips. Some of them are taken two years ago. At ang pinaka matagal ay five years ago pa!

"Any idea who did it?" Muling tanong ni Cheska. Hindi ako kaagad nakasagot dahil inilibot ko ang paningin ko sa kabuuan ng kwarto ko. Bakit hindi ko alam na napapalibutan pala ako ng cctv cameras? Saan iyon nakatago?

And for freaking five years, someone is watching me?

"Sam, are you there?" Nailapag ko ang cellphone ko sa laptop table ko. At marahas na tumayo mula sa kinauupuan ko.

"Arrrghhh!!!" Sigaw ko nang ilihis ko ang mga gamit ko. Kailangan kong hanapin kung saan nakatago ang mga cctv na iyon. Nagdulot iyon ng ingay nang magkalat ang mga gamit ko sa sahig ng kwarto.

I don't care kung may magreklamong kapitbahay. All I need is to find those cameras! Ganoon na ba ako katanga para hindi ko man lang mamalayan na may nagkabit na pala ng mga bagay na iyon sa pamamahay ko? At sa lahat pa talaga ng sulok ng condo ko!