Seduced By A Lesbian: Allison

Chapter 19

***
Samantha's POV

"Lucia?" I saw her angelic face, standing in front of Allison's door. Tinaasan niya ako ng kilay habang tinitignan ako mula ulo hanggang paa. Sinasabi ko na nga ba at may pagka demonyita talaga ang babaeng ito! Itinatago lang ng maganda niyang mukha ang pangit niyang ugali.

Baka hidi ako makapag pigil at ibuhos ko sa kanya ang mainit na sabaw ng nilagang baboy na ako mismo ang nagluto. Samantalang siya naman, ay may dalang paper bag mula sa isang fast food chain.

I rolled my eyes. Kung ipagmalaki niya naman ang pagkain na dala dala niya, akala niya yata ay may makukuhang sustansya mula doon si Ali. For sure, hindi siya marunong magluto kaya bumili nalang siya ng pagkain.

Pero teka? Ano kayang ginagawa niya dito? Hindi ba't ex nalang siya? Huwag niyang sabihing eeksena pa siya sa amin ni Allison?

Sunod sunod na kumatok siya sa pintong katapat niya. She still manage to stand with poise. Alam ko na tinitignan niya ako mula sa peripheral vision niya.

"Lucia?" Kunot ang noo ni Allison nang buksan niya ang pinto. Gumuhit naman ang ngiti sa mga labi ni Lucia.

"Lunch?" Itinapat niya ang paper bag sa mukha ni Allison. Ngunit agad akong nakisingit sa pagitan nila at itinulak ng bahagya ang pinto gamit ang braso ko.

"Nagsaing ka na ba Ali? Ito na yung ulam natin!" Proud kong sambit nang iangat ko ang takip ng kaserola. Nakangising dumaan ako sa harap ni Lucia. She just glared at me.

"Wow! Ang sarap naman niyan. Mukhang mapaparami ako ng kanin ah!" Hinimas ni Ali ang tiyan niya at agad na kinuha ang kalderong hawak ko. Akmang isasara ko na ang pinto nang pigilan iyon ni Lucia.

Mukhang makikikain pa siya ha!

"Nothing's change here." Inilibot niya ang paningin sa paligid ng condo unit ni Allison. Para bang manghang mangha siya sa nakikita. Ngunit hindi siya pinansin ni Ali na abalang tinitikman na ang niluto ko.

"This is perfect!" Kumento ni Allison. Habang nakangiting tinitignan ako. Lumapit naman sa mesa si Lucia at inilapag ang paper bag na dala niya.

"Favorite mo 'to diba?" Isa isa niya ng inilabas ang laman ng paper bag. What is she trying to do?

"Noon yun!" Mariing kumento ni Ali. Agad na siyang kumuha ng dalawang plato para sa aming dalawa. Nakita ko ang pag irap ni Lucia nang hindi siya makasagot sa itinugon ni Allison. Buti nga sa kanya!

Marahas na hinila ni Lucia ang upuan at naupo doon. Magkatabi kami ni Ali, at nasa tapat namin siya. Nakita niya kung paano ako asikasuhin ni Allison. Mula sa pag sasandok niya ng kanin sa plato ko. Paglalagay ng tubig sa baso ko. At pag ihip sa mainit na sabaw bago ako subuan.

"Gusto mo rin bang kumain?" Natigilan sa pagsubo si Allison nang makitang nakatitig sa kanya si Lucia. Napatingin rin tuloy ako sa kanya na kasalukuyang naka crossed arms. At malaya kaming pinapanuod. Animo'y nanunuod ng t.v commercial ng isang seasoning mix.