Seduced By A Lesbian: Allison

Chapter 2 *SPG*

Dedicated to pAw_lang24 for voting on chapter 1. Hi sayo ❣

***
Samantha's POV

Napabalikwas ako nang mapansing wala ako sa kwarto ko, puting pader at puting kisame ang nakikita ko. Ito na yata ang pinaka mahaba kong tulog mula noong iniwan ako ni Janus.

"Bakla ka!!!" Humahangos na napatakbo palapit sa akin si Cheska na galing sa labas ng kwartong ito. Inilibot ko pa ang paningin ko at napansing nasa hospital ako.

"Anong ginagawa ko rito?" May sakit ba ako? Mamamatay na ba ako?

"Langong lango ka sa alak. Ni hindi ka gumigising kaya isinugod na kita dito. Buti nalang tinulungan ako ng kapitbahay mo na buhatin ka! Ano na bang nangyayari sayo?" Ito na naman ang bibig nyang tila hindi napapagod na sermon na naman ang bumungad sakin, nakakarindi. Pero bakas sa kanyang mukha ang pag aaalala sa kalagayan ko.

"Wala akong matandaan." Prente akong sumandal sa head board ng hospital bed. Akala ko naman may nakamamatay na akong sakit kung makapag alala naman itong si Cheska. Binatukan nya ako, kahit na alam nyang may hang over pa ako. Well, ang naaalala ko lang naman ay tinungga ko yung natirang Black Label sa ref ko. Nagtataka nga ako dahil parang humina na ang alcohol tolerance ko.

"Ano bang balak mo sa sarili mo? Magising ka nga! Hindi lang si Janus ang lalaki sa mundo!" Daig pa nya si mommy kung makapag sermon. Niyakap ko nalang ang beywang nya at nagpa cute sa kanya para matigil na sya sa pagkuda. "Huwag mo akong idaan dyan sa pagpapacute mo!"

"Ow, sorry if I disturbed you two. I just drop by to bought food for you." Mula sa labas ng hospital room ay sumulpot ang isang matangkad, morena at gupit lalaking lesbian. Kung hindi lang sya nagsalita ay baka mapagkamalan ko syang totoong lalaki.

"Uy, thank you Ali!" Agad namang bumitaw si Cheska sa yakapan naming dalawa at dun sya sa tinawag nyang Ali nag pacute. Ngumiti lang ito at inilapag na ang binili nyang pagkain.

"I'm leaving, I might be late for work. I'm glad I met you, Cheska." Kinamayan sya nung Ali at kinikilig kilig pa nga ang gagang si Cheska. Sinilip ako nung Ali at kumaway sa akin "And for my neighbor, get well soon." Matamis itong ngumiti at umalis na. Mataman ko namang tinignan ang malanding si Cheska na parang hinihintay pa yatang bumalik yung lesbian.

"Anong kalandian yan Cheska?" Sa tagal naming pagiging magkaibigan ngayon ko lang sya nakitang kilig na kilig tapos sa lesbian pa.

"Hoy! Aminin mo mas gwapo yun kay Janus!" Napailing na lang ako. Mas guwapo pa rin si Janus no, at isa pa may six pack abs pa yun kahit na malakas syang kumain.

"Sino ba yun?" Medyo nacurious lang naman ako, dahil hindi naman sya pamilyar sa akin.

"Allison daw pangalan nya e. Saka sya yung kapitbahay mo na bumuhat sayo!" Pinamulahan naman ako sa sinabi ni Cheska. Wala pang ibang nakakabuhat sa akin kundi si Janus palang. Ni ayaw ko nga madidikit ang balat ko sa iba dahil pakiramdam ko ay niloloko ko na agad si Janus. "Girl, pwede ba akong lumipat sa condo mo?" Pataas taas pa sya ng kilay na parang may binabalak syang masama dun sa Allison na 'yon.

"Pwede ba Cheska, itigil mo yang kalandian mo. Straight ka di ba? Paanong papatol ka sa lesbian?" Padabog syang naupo sa paanan ko habang nilalantakan na ang pagkaing binili ni Allison.

"Bakit, hindi ba pwede? Sabi kaya ng mga friends ko masarap daw magmahal ang mga lesbians." Dahan dahan syang lumapit sakin at bumulong sa tainga ko. "At magaling pa sa, alam mo na!" Kinindatan pa ako ni Cheska. Alam ko na ang ibig nyang sabihin, pag sex talaga buhay na buhay ang pagkatao ng babaeng 'to e.