ဇာမဏီလိုကောင်စုတ်/ဇာမဏီလိုေကာင္စုတ္ (Realm 14)

33

Unicode Ver

၃၃။ ဒါကမင်းလိုချင်တာပဲ

ဒီဇိုင်းခိုးခံရပြီးသည့်အခါ ဒီဇိုင်းအသစ်များကို ရွေးချယ်စရာမရှိဘဲ အသစ်ပြန်ဆွဲရတော့သည်။ နွေရာသီ collections ထွက်ရတော့မှာ ဖြစ်သဖြင့် သူတို့မှာ အမြန်ဆွဲရတော့သည်။ မဟုတ်လျှင် စက်ရုံသည် ထုတ်စရာမရှိဘဲ ပိတ်သွားလိမ့်မည်။ ဒီကိစ္စသည် ပုံမှန်အဆင့်သာရှိသည့် ပြသနာတစ်ခုတော့ မဟုတ်ပေ။

နဥ်ရှုက နဖူးကိုပွတ်နေမိသည်။
'အရင်ဒီဇိုင်းတွေကတော့ ပြန်ဆွဲရမှာ မဟုတ်တော့ဘူး။ တခြားစက်ရုံတစ်ခုဆီကို ရောက်သွားလောက်ပြီ'

ဒီဇိုင်းနာများသည် အချိန်ပိုဆင်းကာ အသစ်များဆွဲရတော့သည်။ နဥ်ရှုမှာလည်း ကောင်းကောင်းမအိပ်ရတော့ဘဲ ဒီဇိုင်းနာများကို ကွပ်ကွဲနေရသည်။ သူမသည် အကြံသစ်များကို ပေးနိုင်သဖြင့် ဒီဇိုင်းနာများဖြင့် တိုင်ပင်ဆွေးနွေးရသည်။ သူမ၏အကြံများက ဒီဇိုင်းနာများ၏ ဒီဇိုင်းများကို ပိုမိုတိုးတက်စေသည်။

နဥ်ရှုက ကော်ဖီတစ်ငုံသောက်ပြီး ခွက်ကိုချလိုက်ကာ သူမ၏ညိုမည်းကျနေသည့် မျက်တွင်းများကို ထိကြည့်နေသည်။ ထိုအချိန်မှာပဲ စုံထောက်အေဂျင်စီက ဖုန်းခေါ်လာသည်။

နဥ်ရှုက ကော်ဖီဆိုင်သို့ သွားလိုက်သည်။ ဆိုင်သို့ရောက်သော် ရေငတ်နေသည့် နဥ်ရှုသည် စုံထောက်မှာထားသည့် ကော်ဖီကို တွေ့တွေ့ချင်း ချက်ချင်းဆွဲယူကာ သောက်လိုက်သည်။

စုံထောက် : . . .

"ဒီအချိန်ကြီး ဘာဖြစ်လို့လဲ?"
နဥ်ရှုက မေးလိုက်သည်။

စုံထောက်က နဥ်ရှုဆီသို့ laptopကို လှည့်လိုက်ကာ ဗီဒီယိုတစ်ခုကို ဖွင့်ပြသည်။ နဥ်ရှုက screenတွင် အဝတ်မဲ့နေသည့် ကိုယ်နှစ်ခုက လုံးထွေးနေကြသည်ကို မြင်လိုက်ရသည်။ ကျန်းကျားဆန်း၏ အမှုအယာသည် နှစ်သက်မှုအပြည့်ဖြင့် အလွန်အမင်း ဆွဲဆောင်မှုရှိနေသည်။ ရွှယ်မန်မန်၏ အမှုအယာကတော့ သာယာမှုအပြည့်ဖြင့် ဖြစ်သည်။

သူတို့က မြွေတွေလို ရစ်ပတ်ကာ လုံးထွေးနေကြသည်။ နဥ်ရှုမှာတော့ ကြည့်နေရင်းဖြင့် ရွံ့လာသည်။ ဗီဒီယို၏အချိန်ကို ကြည့်လိုက်သည့်အခါ သူမထင်သလို နေ့ခင်းတွင် ဖြစ်ခဲ့သည်။
'ရွှယ်မန်မန်နဲ့ နေခင်းဘက်ကြီး ဒီလိုပလူးလာတာတောင် ငါနဲ့ကလေးယူချင်သေးတယ် ပြောတယ်!'