حب تحت حكم الفلاڨة
(1)
✴🌿✴
"صنديد لجبال غدروووو بيييه أصحابه
.ڨالوووله باباك في ضيڨ الحڨ دز بابه
هف هفة و ببرنوسه اكتافه دفا...
سمل باسم الله ركب جواده ....
علڨ باروده ولبس جرابه ..
بابايا غاااالي يستاهل فدااايااا...
بابايا كبيري بلاصته حذايا
ماكان عارف موته يستنى ...
على مفرڨ الثنايا فيه يتمنى...
ع الغفلة صابوه ...
ملك الموت واجله ناااادوه
دمه ساح وتفرت رصاصه
وماعاد فاهم كيف ايلي شربو ماه يغدروه
كيف الخو يقتل خوه
وكيف كانت نيته صافية مع ايلي كرهوه
نادى باااباااه يا جبل ڨول وليدي وييينه
ياجبل ظنايا فينه
وشكون ڨعدلي بعد منام عينه
يا جبل وليدي العهد ماخانه
كيف تغدر بيه ويهون عليك شبابه
غر صغييير بعثته يصطاد ڨدايا ...
مات غريييب مالحڨت نكفنه بردااايا
سلم الروح على سرج حصاااانه ...
مالحڨت نسمع وصيته ولا ناخذله غماضه
اش يصبر المريض اذا غاب دواه ...
اش يداوي كنيييني ويصبر داداه... ...
واش يصفي البير اذا تكدر ماه..."
🌿✴🌿
✴🌿✴
صوتو المبحوح الحزين وهو يغني في الغناية بكل جوارحو على صوت الڨصبة ايلي تنوح بجنبو ، حل محاين كبيرة و فيض دموع ايلي ملمومين يسمعو فيه ، كل حد فيهم هايم تايه مع خيالو ، كل صدر ضاق وفد بأسرارو...كل حد فيهم بكى جاشو وبقات عينو شايحة و مااخيب الدمع اذا فضح وكشف مكنوننا ،تنفض نصر بقلة صبر ، هارب من دموعو ايلي على شوية كانت بلت جفونو ، ضربو بساقو فيقو على حالو ورجعو لواقعو " اييييه يا حامد...قلنالك غنيلنا زهينا ...موش اندبلنا سعدنا ...موت ودم وغدرة ...طيرتلي كيفي "
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Adventure⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
