🌺حب تحت حكم الفلاڨة 🌺
🌿💚🌿
عاونتها تقعد مليح من غير ماتعطب الجرح ايلي في كرشها ...بجنبها حلاب ماء مدتهولها فماش ماتبل ريقها وتتنحى هاك القشرة البيضاء على شفايفها ...استناتها تروى مليح وبعد فاتحتها في الموضوع " لازمك تقلنا على جرالك...ومنين انت باش انجمو نعاونوك ..."
هبطت راسها وضغطت صوابعها ع الحلاب الفخار " مزيتكم في رقبتي ليوم الدين ...اما يعيشك ماتزيدش تسألني علي جابني لهوني ..."
اصرت حذامي " وعلاااش...اذا عندك مشكلة نعاونوك باش تحلها "
زمت شفايفها بوجيعة ظاهرة " ماكنتش ناوية نجي لدواركم ...جيت صدفة...وليوم نخرج منو ..."
تنهدت حذامي وهي تزيد تصبلها الماء وقت شافت ايلي ماخلت حتى قطرة " ماتخرج من هوني الا وانت صح سالم ...وزيد كبارات الدوار موش باش يخلو صبية كيفك تخرج وحدها ..."
ترددت لحظات قبل ماتسألها " من لهجتك تبان بلدية ؟! ..اش مجيبك لها الدوار "
ضحكت حذامي " اما انا تو بنت اادوار بحق وحقيقي "
دخلت بية تلهث وشدت في زهاز الباب ترجع في النفس "حذاااامي حذااااامي "
فجعتها وربثت معاها المريضة ، حمارو خدودها وقت حست انها بالغت في فرحتها لكن الله غالب موش منجمة تزيد تخلي الكلام تحت لسانها "عندي ليك خبر ..خبر باش يطيرك للسماء ويرجعك "
وقفت خذامي متلهفة ...شي ماينجم يفرحها غير ايلي ساكن قلبها "يوسف!؟ "
شاورتلها براسها ايه ...خزرت حذامي للطفلة وراها وقبل ماتخليها قالت كليمتين خفاف شجعتها " كان تحب تحكي وتفضفض اسأل عليا ...انا حذامي "
تبسمت الطفلة الغريبة تبسيمة صفراء وفهمت منها انها باش تخرج وتخليها وحدها ...زربو الزوز ...حذامي و بية... واتركنو في بيت من بيوت الحوش العربي ..رجت بية بقلة صبر "هيا احكي تحكي اماان "
تنهدت بية " اه يا حذامي وخيتي ...كان تراه...راهو يهبل...راهو ياخو العقل ...معادش تعرفو ...والبدن متاعو "
عضت طرفة شفايفها خلت حذامي تذوب "ياخا ريتو ؟! "
" ايه ...ريتو ...ماني بعد ماروحو النساء...قعدت نستنى حد من الرحال يطل...قلت نشوف هاك المغبون عمر...ياخا طلعلي سي ولد الشادلي ...يا وخيتي اش نحكيلك ...الراجل كي شافني فرح وخصتو باش يزغرط...وقال عليك كلاااام...يا اميمتي ...يذوب...اه ه ه.."
معاظش تنجم تتحمل " يابنتي حل فمك ...وتكلم ...ماعادش فيا راو "
لكن بية زادت على قدام ببلادتها " اش باش نحكي واش باش نقول "
هوني كل عصب فيها نطق ،لقفت بية من رقبتها وخنقتها "ياااهم حل فمك وتكلم "
ضحكت بية "شنوة عرق الاكاديمية حيا فييك .." ضربتلها كفوفها " هيا بعد يدك ...تو نحكيلك"
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Adventure⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
