🌺حب تحت حكم الفلاڨة🌺
🌿💚💚🌿
ضرب الكرسي بساقو على اول ما دخل بيروه ونفض الطاولة فرت ايلي عليها ع القاعة ، عدى صوابعو علي شعرو القصير وهو ينفخ بعصب وغزول ،ايفان كان واقف وراه يتفرج فيه لكن كان هادي ع الاخير عكسو،استناه لين ركح في بلاصة وحدة وتكلم " الحل يا كابيتان ستيفو ؟!... حرس الباي ايلي في المعتقل تمردو ... قصة الاكاديمية تعاودت ...من الاول القائد محمود...وتوا القايد طه ياسين .." تنهد وهويلعق شفايفو بطرفة لسانو " غير هذا ...المخبرين متاعنا معظمهم تقتلو ...ومازالو لحد ها اللحظة يموتو ..."
صاح ستيفو وهو يرضخ كمشة الاوراق ع القاعة " هذا لانكم ماخدمتوش خدمتكم...محمود...الخاين محمود...ماحبش يموت ...حصرتو في جبل وهرب ...لحقت عليه وكمشتو وكان قدام عيني وهرب...لازم يموت...لازم نسلو سلان من وسطهم ...وقتها معادش فلاڨة. ."
تنهد ايفان وحك خشمو موش موافقو " من رايي ...لازمنا حل ...اقوى من هكا ..."
عقد حواجبو واستناه يزيد يفسر فكرتو " محمود ورجالو مطلوبين للاعدام عندنا ً..لكن هو عبارة رمز لشعبهم ...اذا فاوضناهم ...و..."
طيش عليه ستيفو ماتبقى من الأوراق وصاح لين بح صوتو " نتفاوض معاهم ؟!...خيارك ساكت ...ماتعطينيش رايك ...ماحاجتيش ...وتوا اخرج وجودك اصلا يعملي العصب "
عملو ايفان التحية ودار خارج واول ما دور بوانياي الباب عاود نادالو ستيفو ...وها المرة نبرتو كانت هادية " ايفاااان ...رد بالك تنسى انك جندي تابع القوات الفر.*نسية ...ماتخليش قلبك يهزك للهاوية "
غلبو لسانو " ما انا اصلا في هاوية ...ها الحرب هاوية ...امسخة وريحتها دم "
ضحك ستيفو " اصلا ...مافماش حرب نظيفة ..."
عارف انو كلمتو باش تسببلو مصيبة لكن تجرأ وقالها " حربهم...هوما ...كانت نظيفة ...ع الاقل لسبب ما ...تعتبر نظيفة "
لمعت عيون ستيفو وشاورلو بكفو باش يخرج، لو جاء اي حد كان تعاقب ...لكن ...ايفان ولد مسؤول كبير في الجيش ...موش بالساهل ياخذ فيه اجراءات ...وحتى يوصل لها النقطة...لازمو اثبات وتأكيدات وحجج قوية تسكت لفام الكل .
🌿💚🌺💚🌿
قاعدة ع القاعة و لامة ساقيها لبعضهم غارسة راسها فوقهم و متركنة في تركينة من هاك البيت الصغيرة ...بكات ...لين عيات ...ناحت لين نشفو عيونها ...نادتلو يرجع لين بح صوتها ...ازهار ...ذبلت و خسرت بريقها ولونها ...كانت مليانة نشاط وحيوية...مليانة ايجابية وتحب تعيش و ترا الدنيا..في لحظة تقصف كل شي ...تهدم ومشى رماد ...و معادش تلحق تبنيه من جديد...جات جنبها زينة وقعدت ...مسحت على ظهرها وبلمستها هزت راسها ..تبسمتلها واستوتلها شعرها بكفوفها " يزي ...لوقتاش ؟!...نصر الله يرحمو ..."
تعبت عينيها من جديد بالدموع ، مااقرب الرحمة للعبد...كان معاها وفي لحظة تخطف " انا وفيت بعدو...ياريتني متت معاه "
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Phiêu lưu⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
