ابراهيم ...يسأل عليها؟!!! ...ابراهيم ايلي قلبها حبو بسكات ...يحب يعرفها !!!!...ابراهيم ايلي كل حاجة فيه حفرتها في بالها و حفظتها ...هي زادا شاغلة بالو!! ...ماعرفتش تفرح والا تخاف ؟!...بية قعدت توكوك وموش عارفة شنوة تجاوب بالضبط ،عينين ابراهيم كلتها وهي تستنى فيها تجاوب " اه...اش باش نقلك...هي ...يعني ...."
قص عليها ابراهيم باش مايزيدش يحرجها "اذا فيها قلق من غير ماتلز لروحك "
بية"لا وه ...موش قلق ...اما الحق صدمتني بالسؤال عليها ...اه...هي قريبتي و..."
قص على حديثها عمر" قريبة حاتم زادا ؟!.." فسر اكثر وقت العينين الكل تصبت عليه " بما انو حاتم قريبك ...قلت بالكي الطفلة هاذي ايلي يسأل عليها برهوم تقرب لحاتم "
نفات حذامي " لا لا ...مانعرفهاش ...بية...ياخا على شكون يحكي "
بية بتبوهيل " هي بنية من ندي ...ساعات تجي حذايا تونسني ...ماتعرفهاش "
ابراهيم " تنجم تقلي اسمها ...والا وين تسكن بالضبط ..."
بهت عمر فيه " برهوووم !!...ياخا نحلم والا ايلي نسمع فيه بلحق ...انت تسأل على طفلة "
ابراهيم بجدية " نحب نعرفها شكون وبرا ...مايمشيش مخك بعيد " رماها بطرفة عين قبل ما يكمل يحكي " الحكاية ومافيها ...انو حشمتها جلبت انتباهي لا أكثر لا اقل "
صاااار ...وانا نقول زهتلي الايام وسكنت بالو ...خسارة ...طلعت منامة عتارس ...وباش نبقى مسكرة على ها المحبة بين ضلوعي ومانعتها انها تشوف النور .
على باب الكازينو ايلي دوب ما مسكر ،بحكم مازالو ماحلوش ،حبس كرهبتو وهبط منها يتبختر ، فلفس شعرو وهو داخل يزن في غناية موش عارفها شنية ولا متذكر وين سمعها، حبس بالوقت وقت سمع صوت رقيق وحنين يناديلو "يوووووسف "
ضيق عينو وخزر وراه ...لقاها زينة جاية تتمايل بدلال وبزين يقتل ،تبسم وحللها ذراعاتو بمعنى خليني نعنقك ،ضحكت وضربتو بالصاك ايلي في يدها "عاش من راك .."
بعد شعرو على عينو ونفخ صدرو بغرور " تحب تقول خليت بلاصتي ...عليك "
عدتها بضحكة ودخلت معاه وهي تمشي جنب لجنب هي وياه " شنوة ماكش مروح للدار؟! ...سبّقت الكازينو على لمة العايلة "
حل فمو باش يجاوبها اما عينو جات على منظر شعل فيه النار ...حذامي قاعدة في ااكازينو ...وزيد بين زوز رجال ...والاهم واحد فيهم ابراهيم ...خلى زينة تهر وحدها وزرب للكنتوار ...قبل ما بية تنبهم لوجودو ،سبق هو وجبد الكرسي ايلي فيه حذامي لتالي ...شهقت برعب وحبت تنڨز بعيد اما هو فكساها على بلاصتها وسمعها صوتو باش ماتزيدش تتفجع " شنوة حاااتم سبقتني ...على اساس انا وانت عندي برغرام اخر "
بهتت بية وتصدم ابراهيم وعمر ...اما هي فخدودها حمارو ودورت راسها ناحيتو ،اصلا ماكانش بينهم حتى مفاهمة منين طلع بيها ها الطلعة"شنوة ؟!!! "
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Adventure⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
