🌺حب تحت حكم الفلاڨة 🌺
🌿💚💚🌿
"شاااااادية ....يااااا شاااادية "
نادى بوها وهو ينحي في نعالو بزربة "يابنت الحرام وينك ...وينننننك "
عرضتو مرتو لعل تخفف غشو " استهدى بالله ، مازالت طايشة ماتدري راهي "
شاورلها بيدو تبعد من قدامو "حيدي على جنب ...خليني نرباها من جديد..."
خرجت شادية من البيت ورغم الخوف البادي عليها وقفت قدامو وتحدتو " ناوي تضرب ...اضرب...زرڨلي لحمي ...قطعلي شعري ...احرڨني كان تحب ... لكن ما ناخذش رزاااڨ ...مانااااخذاش"
تهدد عليها بوها والعصى في يدو " انت ايلي ڨلتي ناخذه...منهو ايلي ضربك على صوابعك غصبه عليك...كيف انت ماباغياهش ...علاه تڨولي لاهله يجوك ..."
تدخلت امها وهي ترز فيها فماش ماتقص الحكاية " ماتكلميش باباك هكا ،تحشمي...امشي من ڨدامه توا خلي غشه يبرد "
تحلف بوها بيدو وكشاكشو طالعة " باللازمة ما نصفرلها بروحها ... عايشة بية في زمانه ...تعلمتي السلاح وڨلنا ما داري حد على ساعة الحاجة، داخلة خارجة على حوش نساء الفرسان وڨلنا خيرة الرفڨة...لكن تخبلي العايلات في بعضاها هاذي ايلي مانسامحكش فيها "
واجهتو شادية وهي تقدم منو خطوة " مابغيتاش نا رزاڨ...ومن اول ما طلبني ڨلتلكم مانبغيش نخشله بيت ..."
" مالا اش باغية يا بنت اش باش ينطڨ لساني ...شباااغية ..."خزر لامها يعاتب فيها " هكا يارسول الله ...عارفة بنتك واش دنت ...راهي عملت الفضخ...عارضة رزاڨ وتڨوله مافماش المكتوب راني نبغي حد آوخر ..."
أكدتلو من غير خوف " ايه باغية حد آوخر...اسمعوها مني وماتسمعوهاش من الغير "
جبدها من شعرها طيحها قدام ساقو " اراحيلي لهني ...نا نوريك اش باغية "
سيبتها منو امها وبعدتها عليه " استهدى بالله ياراجل ...بنتك صبية معادش يخرج عليك تمد ايدك عليها "
بعدت شعرها على وجها " نا نحب راييس ولد سعدية ...هيه ...نا مانحبش رزاڨ متاعكم...نحب رئيس الدوار ونبغيه والڨلب بعده اصمى اعمى ...وايلي باش تعمله فيا هيا اعمله ابي...اعمله ...لكن بايلي تعمل ماتڨدرش تفسخ محبته من ڨلبي "
علامات الدهشة خضبت وجه امها " رئيس؟!...فارس لجبال؟! ..واش جيبك ليه...الراجل سنين متغرب وها البر نساه ..."
بوها من العصب معادش فيه " تڨعدي بباصة عندي ...حابة تڨعديلي في الرڨبة وقيلة ؟!...هذا واش تعلمتي عند اهلهم ...وايلي خلڨ الارض وسواها ...رئيس ماتخ..."
صاحت شادية " حبس آبي...حبس ماتزيدش تحلف...واذا حرمته عليا ...وايلي خلڨ الارض نرمي روحي في البير والا نفرغ رصاصة في راسي...وتحاسب بذنبي"
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Phiêu lưu⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
