ومية ورجعلهم يجري وفي يدو زوز ڨوبليات مليانين حليب ،حطهم قدام حذامي وطاهر وتلفت لنصر غمزو وهو يحكي " باش تلقو طعمتو خايبة شوية بحكم قلت للطباخ بحطلكم فيه زعفران ...اما هايل بارشا للتعب والبرد ايلي كلالنا عظامنا "
مافماش مااخيب من كسران ااخاطر ...وهي ليوم خاطرها تكسر كيف شافت ابراهيم مع وحدة اخرى ...مدت يدها للكاس وشربت منو " اخ اخ ...شنوة هذا ...شبيه مطعمو هكا "
اسماعيل " فوااالا ...انا شقتلك...طعمة خايبة ...هيا اشربوه للاخير وتو تشوفو الا ما تتبننوه ...شبيك راهو زعفران "
مد راييس يدو لكاس طاهر " نحبه الزعفران وطعمته موش خايبة هات نشرب شوية "
ضربو نصر على صوابعو " هذاكا حليب الصغيرات موش متاعك "
عضت على قلبها وشربتو للاخير ،حرقة في ڨراجمها خلاتها تتأوه " انت بعمرك لا باش تعمل حاجة تصلح يا اسماعيل حتى الحليب جبتو فاسد...انت ونصر ماتعملوش حاجة خير "
نصر " يا والله حال ...الحق في اسماعيل مخمم فيكم ...تعرفوش كيفاش معادش يدور بيكم جملة "
بدى بدنها يترخف وبدات تحس بسخانة تفور خارجة منها ،عينيها ولو رزان وموش منجمة تحلهم ،راسها يسطر اما من غير وجيعة ، دورت عينيها بين الوجوه ايلي اتبع فيها ،ضحكت لين مال راسها لتالي " تقول ناكر ونكير يخزرولي " مالت لقدام و حطت صبعها على جبهة نصر " انت ناكر " وخزرت لاسماعيل " وهو نكير "
عقد راييس حواجبو و قال بلوم " ياخا سكرتوهم ؟!...علاش هكا اسماعيل "
همزو نصر وهو يضحك " تفرج واسكت ...الليلة نشيخو ضحك على ها الزويز ..."
وقف راييس موش موافق "لا هذا مايجيش ..." شد حذامي من كتفها " هيا حاتم نطلعك لبيتك "
مدت شفايفها لقدام وخزرتلو " انت ولد الدشرة موش هكا !؟..."حلت عينيها مليح " انت هو ...متاع الطناجر و الفاليجات ..."ضحكت وجبدتو لوطة باش يقعد " وين ماشي...حتى محمود ماهوش موجود الليلة ...هيا نعملو فيها شاطح باااطح ..."مرة تميل يمين ومرة يسار "شااااطح ...باطح ..."
نصر يتبربس بالضحك واسماعيل لين ولى بالدموع عليها ، ضربت الطاولة باش تسكتهم "اوووهووو...شبيكم تضحكو ..." حطت كفها على صدرها " عليا انا !؟..." ضيقت عينها " ناكر ونكييير ...الا ماتشوفو شنوة نعمللكم " على اول ماوقفت ترهوجت وحست راسها يدور " شبيها الدنيا مقلوبة ...وموش راكحة ...!؟"
على دخلتو ...شافها تتمايل ونصر واسماعيل يضحكو عليها ...بما انو ولد كاس فموش صعيب عليه يعرف السكران من الصاحي , جرى ناحيتها واول ما وصل حذاهم ضرب كرسي نصر من وراه خلاه ياقف مفجوع ...تفجعت هي معاه ورمت روحها ع الكرسي ايلي كانت قاعدة فيه ...خزرلها من فوق للوطة وعدى عينيه لطاهر ايلي راسو مصلوب ع الطاولة وفي سابع نومة ...شدها من ذراعها بقوة ورجها وعينين باش تاكل نصر ماكلة "قوووم "
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Phiêu lưu⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...