من فوق الحجر يخزر للكماين وهي تتهادى وراء بعضها في طريق واعر دوب ماظاهر تحت الهضبة ايلي واقف فوقها ...خزر للسماء وتفقدها يشوفش طيارة تحوم والا حتى اشارة تثبت انو الدعم وصل... لكن ...ماشاف شي ...السماء زرقاء وماتحوم فيها كان العصافر ايلي بدات تطير بعيد وكاينها حاسة بريحة البارود باش تفوح فم ...خزر للجنود الفرنسيس ايلي وراه وضيق عينيه بشر وبكل كره صاح لعل يزيد من حماسهم(لغة فرنسية)
" ها الحيوانات ...ها العبيد...ها الجواعة ايلي كلو من خيرنا ...خانو فرانسا وخانو اسيادهم ...قتلو خواتنا واصحابنا ...واحنا مالازمش نسكتو ...مالازمش نخلوهم يفلتو منا من غير مايتحاسبو على عمايلهم...احنا اقوى منهم ... و سلاحنا ادق ملي عندهم...لذا مافمة حتى مانع يمنعنا من انا نمحوهم من على وجه الارض ...اذا قعدنا نستنو في التعزيز ...باش يهربو منا...هاكي علاه ...لازم نهجمو وتو ..." هز سلاحو لفوق " لازم نخلوهم يعرفو شكون فرانسا ..هياااا تحركووو "
وزع الجنود على صفوف متتالية وخلط هو وراهم في الصف الاخير بالنسبة ليه القايد روحو اغلى ولازم يكون محمي قبلهم الكل ...اختارلهم زرزيحة يهبطو منها باش يقصو الطريق على الكماين ويلقاو رواحهم قدامهم ...جندي وراء جندي هبطو وجراو بسلاحتهم وهوما يضربو في الرصاص كيف ماجاء في نية واضحة باش مايخلو شي حي ...لكن...وايلي خلاهم يدخلو بعضهم ومعادش ينجمو يفهمو رواحهم ويقعدو يتخبطو على اجنابهم ...هو ااكماين الحابسة وايلي ما خرجت حتى صوت وماجاش حتى رد منها ...كل شي ساكت فيها ...الكميون الاول ...والثاني .
وخر قايدهم خطوات لتالي وبدى يستوعب شوية ملي حصلو فيه ...غلطة كارثية عملها ...خزر على يمينو ويسارو كيف المجنون يلوج في عديانو المتخبين ... دار على جرتو هارب وهو يصيح (لغة فرنسية )" كمييين...هذا كميييين ...ابعدو ع ااكماين "
فات الفوت وقبل ماينجمو يهربو تفجرت الكماين ولهبت فيها النار وتطايرت الشظايا منها ...مات ايلي مات ومانجمو يمنعو منهم كان الشطر ...جراو بحرارة الروح ولهثو وهوما يخزرو للنار لاهبة وراهم ...هاذي ماكانتش ع البال وماتخيلوش باش يتعمللهم كمين في هاك الوقت ...الظاهر ايلي مخطط لها التمرد انسان ذكي وقاري حساب التفاصيل الكل ...كح قايدهم وهو يضغط على صدرو من ريحة الغبرة وريحة الحديد الذايب
" ها الحيوانات ...غلطونا ...وحطولنا ها الكماين طعم باش يضيعو الجرة ...من الاكيد جابو الطريق الاخر..."صاح لين قريب تبح ڨرجومتو " ليوم ...يا هوما يموتو ...يا احنا...تحركو نخلطو عليهم حتى لجهنم "
عاودو طلعو الزرزيحة قاصدين هضبة الحجر ومنها هي باش يعاودو يخلطو على الضباط قبل ما يضيعو عليهم ...اربعة عينين تبعتهم من بعيد ومن وراء لسانات النار وغيم الدخان ...خزرات شاعلة شعلان نابضة من جاش مشوي ومكوي ...كبس صوابعو على سلاحو ايلي معلق في كتفو وتمتم بعصب
أنت تقرأ
🌺أكاديمية الباي العسكرية 💚🌺💚Bey Military Academy🌺(كرونيك باللهجة التونسية )
Adventure⭐الاسم " أكاديمية الباي العسكرية " ⭐الكاتبة" n🅾D🅰" ⭐النوع " اجتماعي، تاريخي ، حربي ، عائلي ، رومنسي ... ⭐الابطال " حذامي ...يوسف ...ابراهيم ...محمود... أسينات ...زينة ...محمد...راييس...نصر ...اسماعيل ...بية ..برندات ...طاهر ... ⭐تاريخ اول تنزيل "...
