أنت عشقي 🖤🔥

مشهد خاص ٣ ⁦♥️⁩

مشهد خاص ٣⁦❤️⁩
مشهدين مش واحد😉😍

بمنزل نور العصامي:-
تجلس هدى بالصالة وهي تستعد لحريقة كفيلة بإحراق المنزل كله .. ثواني وكان صوت نور يصدح بالمنزل كله
نور(بصراخ): هدااااااااااااااااااااااااا
هدى(وهي تكتم ضحكاتها وتستعد للمواجهة): ...
نور(بعيون تطلق شرار وهو يرفع قطعة قماش امام وجهها): ايه دا؟!!!
هدى(مدعية البراءة): بنطلونك يا حبيبي
نور(بغيظ): لا والله .. وهو دا بقا اسمه بنطلون .. ايه داااااا ها؟
قالها وهو يمرر يده من الفتحات الكثيرة الموجودة به
هدى(وهي تكتم ضحكاتها): فتحات للتهوية يا حبيبي
نور(وهو يرفع حاجبه): وحياة امك؟!
هدى(بتحذير): مش عايزين غلط
نور(بغيظ وهو يرمي ما كان يُسمى بنطلون ويرفع قطعة قماش اخرى): بلاش دا .. ايه داااا ها ايه داااا؟!!!
قالها وهو يرفع قميص او ما كان يُسمى بالقميص قبل قطع ياقته
هدى(وهي تبتسم بخبث): قميصك يا بيبي
نور(بعصبية من برودها): وهو قميصي من غير ياقة؟!!!
هدى(باستفزاز): ما انا قولت اشيلها ل احسن انت بتعفنهم الصراحة وانا مش حمل غسيل
نور(وهو يحدف الملابس بوجهها): انا بعفنهم يا جزمة
هدى(وهي تحدفهم مرة اخرى بوجهه): لم نفسك
نور(وهو يحدفهم مرة اخرى): وإن مالمتش يا هدى
هدى(وهي تلقي بجسدها ناحيته): هتلم يا نوووور عااااااااااااااا
تشابك نور وهدى سوياً ليتنهي بهم الأمر بعد فترة وهي مستلقاه أرضاً بجانبه وصوت ضحكاتهم يصدح بالمنزل كله
نور(وهو يحتضنها بحب): تعبتيني يا هدى
هدى(وهي تتمسك بأحضانه): اعمل ايه يا نور بحبك وبغير عليك وانت بتصمم تجيب لبس بيخليك قمر اكتر ما انت قمر اصلا
نور(وهو ينظر له): يا هدى دا مش حل .. لازم تكوني واثقة فيا
هدى(بعبوس وغيرة): انا واثقة فيك والله بس مش واثقة في البنات اللي بتشوفك
نور(بغزل وعبث): بس انا عيوني مش بتشوف غيرك انت يا غزال قلبي
ضحكت هدى بدلع ليغمز لها نور وهو يهمس امام وجهها
نور(بنبرة خبيثة): بقولك ايه .. ما تيجي احكيلك حدوتة
هدى(بخجل): ...
فارس(بنبرة انثوية وهو يستند على الباب): اه يا شقي
نور(بغيظ): انت هنا من امتى يا حيوان؟!
فارس(بغمزة عابثة): من وقت ما عيونك مش بتشوف إلا الغزال
تلون وجه هدى بخجل وخبأت وجهها بصدر نور
نور(بغيظ): غور يلا
فارس(بضحكة خبيثة): هغور يا عم .. الله يسهلك ماشية معاكك حلاوة
تحرك فارس تجاه غرفته ليهمس نور لهدى
نور(بعبث): مشي يا حلاوة
هدى(وهي تضربه بصدره بخجل): بس بقا يا نور .. عاجبك اللي حصل دا؟
نور: وهي اول مرة نتقفش .. دا احنا مسجلين خطر عند ولادك
ضحكت هدى بدلع مرة اخرى ليهمس نور
نور(بغمزة): طب مش هنحكي الحدوتة ولا ايه؟
//////////////////////
بمنزل أكرم الشاذلي:-
تستند مرام بأذنها على الباب وتستمع لما يدور بالخارج من حديث أكرم ومروان وحياة
اكرم: ها ايه الاخبار؟
حياة(مدعية التأثر): مقطعة نفسها من العياط يا بابا
مرام(بهمس وفخر): بنتي حبيبتي تربيتي
اكرم(بذهول): بجد؟ انا مش فاهم ايه اللي حصل ل دا كله!!
مروان(بنبرة عابثة): كل دا و مش فاهم .. يعني عايزها تتحزم وترقص وهي شايفاك واقف بتتكلم مع المزة الجامدة فحت من فوق لتحت
اكرم: وهو انا كنت واقف بحب فيها .. البنت عجلة عربيتها نامت
مروان(بدرامية ومزاح): لا مش قادر اكمل نطلع فاصل
اكرم(بغيظ): تصدق هديك بالقلم على وشك
حياة(وهي تكتم ضحكاتها): خليك معايا انا يا بابا .. دلوقتي ماما زعلانة هتصالحها ازاي؟
اكرم(بقلة حيلة): مش عارف
مروان(وهو يضع يده على كتف أكرم): تعالى انا اقولك .. انت جيت في ملعبي .. انت تديها حتة رومانسية .. بتعرف تقول شعر؟
اكرم: لأ
مروان(مدعياً العمق): بص انت تدخل تقولها "بحبك يا واحشني .. امسكني وكلبشني .. كسرني ودشدشني .. بس اوعى تطنشني .. علشان بتوحشني"
نظر اكرم وحياة بصدمة ناحية مروان الذي وقف بفخر وكأنه قال قصيدة تضاهي قصائد احمد شوقي ونزار قباني والابنودي .. تحرك اكرم بدون كلمة واحدة ناحية غرفة مرام التي كانت تمسك ضحكاتها بصعوبة بالغة .. جرت بسرعة مرام عندما استمعت لخطوات اكرم تقترب من الغرفة وجلست على الفراش مدعية الخصام والحزن .. فتح اكرم الباب ودخل بهدوء
اكرم: ميمي
مرام: ...
اكرم(وهو يجلس بجانبها): انا عايز اعرف انتي زعلانة دلوقتي ليه؟
مرام(بغيظ): اكرم ماتجننيش انت شايف انه عادي انك تقف تتكلم وتهزر مع واحدة
اكرم: يا حبيبتي انا كنت بغيرلها الكاوتش
مرام: قد ايه انت وسخ وحنين
اكرم(وهو يضربها بخفة على رأسها): هنغلط ونقل ادبنا
مرام(بشهقة): انا قليلة الادب!!
اكرم(وهو يبتعد برعب): انا قولت كدا؟!
مرام(وهي تتقدم منه مدعية الغضب): كلامك معناه كدا
اكرم(بضحكة خفيفة وهو يمسك يديها): خلاص يا ستي انا اسف
مرام(وهي تنظر له): يعني عايزني اسامحك؟
اكرم(بغمزة وهو يقترب منها): احنا عايزين ننول الرضا
مرام(وهي تتعلق برقبته): بس دا ليه تمن
اكرم(بعشق): عمري كله ليكي يا ميمي
كاد اكرم ان يقترب ليقبلها ليفتح عينيه بصدمة حين وجدها تقول
مرام: التيشرت الاسود الجديد
اكرم(وهو يرفع حاجبه): ماله؟
مرام(بابتسامة مستفزة): يلزمني
اكرم(بقلة حيلة): يا بنتي حرام عليكي انتي مش مهنياني على تيشيرت خالص
مرام(بمزاح): عليا النعمة يا اكرم لو ما جبت التيشرت يا اكرم ل هتبقى دم يا اكرم
اكرم(بضحك): خديه .. ربنا عالقوي
مرام(بدلع وهي تقترب منه مرة اخرى): احم .. كوكي
اكرم(وهو يحاوط خصرها بعبث): ايوا بقا كدا يا وديع
مرام: والسويت شيرت الابيض
اكرم(بصياح وهو يدفعها بخفة وغيظ): يا شيخة حسبنا الله ونعم الوكيل
مرام(وهي تشير عليه): فيك
اكرم(بصياح اكثر): حسبنا الله ونعم الوكيل
مرام(وهي تشير عليه مرة اخرى): فيك برضو
وهكذا انقضى اليوم عند ابطالنا بين ضحك ومزاح وحب وقلوب تنبض بالعشق

#أنت_عشقي #حورية_الابداع 💜✨

براڤو عليكم يا احلى فانز وكسبتوا التحدي يا ولاد الايه 😂😂 بحبكم اوي بجد يا احلى فانز😘 مستنية الريڤيوهات⁦♥️⁩