أنت عشقي 🖤🔥

حلقة خاصة ⁦❤️⁩😂

حلقة خاصة ⁦❤️⁩😂
رواية أنت عشقي 🖤🔥

بمناسبة العيد قولت اعيد عليكم😘😘

(ملحوظة: الحلقة دي قبل جواز الشباب 😉)

تتجمع العائلة بمنزل مراد الحديدي فاليوم اول ايام عيد الفطر المبارك وكالعادة تتجمع العائلة التي عشقناها بمنزل مراد ليتم الاحتفال بالعيد كما يجب .. ذهب رجال العائلة لصلاة العيد وبقت النساء بالمنزل ليصلوا به وينتهوا من تجهيز كل ما لذ وطاب لقضاء يوم لا يُنسى .. من يراهم هكذا يظن انهم لا يلتقون إلا في الاعياد والمناسبات انما الواقع انهم يتجمعون كل جمعة في هذا المنزل الكبير فقد حرص مراد على شراء ارض وراء البيت وتوسيعه ليساع كل افراد عائلته .. يصدح صوت حنين في الارجاء
حنين(بصياح): بسرررررعة .. زمانهم راجعين يا حميييير
حياة(بهمس ل ميان): امك نازلة شتيمة فينا من الصبح وانا ساكتة
حنين(بصياح وهي تشير ل حياة): سامعاكي يا بنت اكرم .. وحياة امك لو الكرتونة اللي معاكي اكتشفها الواد سيف ل اكون مفركشة ام الجوازة دي
حياة(بمزاح): الله! انا مالي يا لمبي .. انتي ابنك عليه مناخير بتعرف طريق الاكل انا مالي تفركشي جوازتي ليه
حنين(بتوعد ونبرة مزاح): ظلم وافترى ايه رأيك بقا .. واقسم بالله لو لاقيت بسكوتاية مكسورة ل اخليكي تقعدي تعملي صاج كامل لوحدك
ميان(وهي تحمل كرتونة): ماما انا قفلت الكرتونة كويس
حنين: دي كرتونة الكحك، صح؟
ميان(بتأكيد): ايوة هي
حنين: تمام .. روحي خبيها بسرعة ونفس الكلام اللي قولته لحياة هيمشي عليكي .. يعني لو الكرتونة اتقفشت او حاجة منها اتكسرت انسي جوازتك من ابو الفوراس وابوكي اصلا بيتلكك
هدى(بضحك وهي تغلف احدى الكراتين): بمناسبة مراد .. ماتقوليله يا حنون يخف على فارس شوية .. دا طاحنه بقاله ٣ سنين وكل دول قراية فاتحة بس خليه يوافق حتى نلبس دبل
حنين(بضحك): يا حبيبتي موري بيختبره بيشوفه هيستحمل ولا لأ .. وبعدين انتي المفروض تبقي ماسكة فيه بإيديكي وسنانك ايش حال شذى وانس اتجوزوا وسافروا
هدى(بعبوس): ماتفكرنيش دا انا كل ما بفتكر ان البت لارا خدتهم يقضوا العيد برة ببقى عايزة اولع فيها
مريم(بابتسامة بريئة): يا دودو اهدي بس كلها اسبوع وراجعين
سلمى(بفرحة): انا خبيت العلبة بتاعتي في مكان مايخطرش على بال حد
حنين(وهي تضيق عينيها بشك): مش مطمنالك يا بنت لما
سلمى(بابتسامة بلهاء): عيب عليكي يا حنون
مرام: انا خلصت تجهيز الترمس والحمص
لما: وانا العصاير تمام وطبق الكحك والبسكوت اللي هيطلع ظبطته
حنين(وهي تصفق بحماس): دي هتبقى مدبحة يا شقيق .. يلا بقا نخرج نرتاح سيكا
ما ان خرجوا من المطبخ حتى وجدوا الرجال يعودوا من الخارج لتنفجر البنات ضحكاً حين وجدوا مراد يرتدي حذاء فارس وفارس يمشي حافياً
حنين(بشهقة): ايه دا هما سرقوا جزمتك يا مراد؟!!
مراد(بغرور): هو حد يقدر .. جزمتي اهي
قالها وهو يخرج جزمته من شنطة بلاستيك تشبه شنطة الهدايا
حنين: اومال واخد جزمة الواد ليه؟!!
فارس(وهو يبتسم ويجز على اسنانه): علشان عمي حبيبي يعمل اللي هو عايزه ومحدش يقوله لأ
كتمت حنين ضحكتها وقد فهمت انها احدى اختبارات مراد لفارس .. اقترب مروان من مريم ليهمس لها
مروان(بنبرة غزل وغمزة): القالب غزال ولابس إسدال
جحظت عينا مريم بشدة واحتل الخجل وجهها لينظر مصطفى ناحيته وهو يردف بغيرة على ابنته
مصطفى: بتقولها ايه؟
مروان(ببراءة): بسألها عن درجة الحرارة النهاردة
مصطفى(وهو يرفع حاجبه): والله!
سيف(وهو يخرج من المطبخ دون ان يجد الكحك): فين الكحك؟
سلمى(وهي تجري ناحيته حاملة علبة كاملة): اهو يا سيفوووووو .. بالهنا والشفا
حنين(بغضب): اه يا كلبة الكلاب
سلمى(بابتسامة حب وهي تنظر لسيف): يعني يرضيكي يا حنون اسيب سوفي جعان ونفسه في الكحك
نظر سيف لسلمى بعيون لامعة ليهتف
سيف: الحب
اكرم(وهو يعقد حاجبيه): ماله؟
سيف(وهو يشير لسلمى): اهو
مراد(وهو يدفع الجميع من امامه ويتجه ناحية حنين): عن اذنكم بقا كدا
مصطفى: رايح فين؟
مراد(بغمزة): هعيد على مراتي
اكرم(بغمزة مماثلة): اه يا شقي
نور(بتصفيق وحماس): يا صاعقة يا جامد
احتل الخجل وجه حنين وخاصة حين ارتفعت الصافرات من حولهم وتهليلات الشباب للصاعقة
حياة(وهي تمسك طبق كحك): مش عايز تدوق الكحك
احمد(بغمزة): ندوق .. ماندوقش ليه
قضم احمد قطعة من الكحك ليردف
احمد(عاقداً حاجبيه): ايه دا .. دي من غير سكر
حياة(باستغراب): ازاي دا؟!!! ..(ثم قضمت منها لتردف).. يابني مسكرة اهي
احمد(مدعياً الصدمة): بجد؟! .. طب وريني كدا .. تصدقي بقت عسل .. ما تيجي نقزقز في الكحك دا على جنب كدا
حياة(بهمس وخجل): بابا واقف
احمد(بنبرة خبيثة): ابوكي مشغول بعمتي .. يلا بسرعة بقا
جذب احمد يد حياة واختفوا عن الانظار وكذلك فعل مروان لمريم بعدما استغل انشغال مصطفى ب لما واخذ سيف سلمى للمطبخ ليُكملوا اكل بالداخل وطبعاً لا يخلوا الاكل من بعض الغزل فسيف وإن كان يحب الأكل ذلك لا يمنع ان دماءه يجري بها عشق اولاد الحديدي لمن ملكت قلوبهم
فارس(وهو يستند على يد ميان): تعالي يا حجة احنا كمان نقعد في حتة سوا
ميان: فارس اتلم
فارس(وهو يلوي فمه بتذمر): ياختي اتنيلي هو انا قادر ادوس على رجلي .. ابوكي ممشيني من المسجد لهنا حافي في عز الحر
ميان(وهي ترفع حاجبيها بنبرة دلع): وايه اللي جابرك؟
فارس(بغمزة وغزل): قلبي اللي جابرني علشان اوصل لأميرة قلبي
ميان(بخجل): ...
فارس: تعالي بقا نقعد ل احسن انا شكل رجلي فقفقت من الحرارة
ميان(بضحك ومزاح): فظيع في الرومانسية
اخذ كل منهم اميرته ليُعيد عليها بطريقته الخاصة وينقضي اليوم بسعادة بين افراد اسرتنا الحبيبة .. اسرة سكنت قلوبنا واحببناهم بكل فرد منهم

#أنت_عشقي #حورية_الابداع 💜✨