أنت عشقي 🖤🔥

الفصل الحادي والعشرون 💥💔😭😂⁦❤️⁩

سكت أكرم لثوانٍ وهو ينظر ل مرام التي تغرق الدموع وجهها لينطق بثبات وجمود
اكرم(بألم يداريه بقسوة وجمود): انتي طا..
مراد: أكرررررم
قالها مراد الذي وصل هو وحنين منذ دقائق واستمعوا لحوار اكرم ومرام الذي صدم ووجع مراد .. ألتلك الدرجة لم يستطع احتواء اخته, ألم يستطع الاقتراب منها بما يكفي لتحكي له, أكانت تحمل كل ذلك الوجع بداخلها, أكانت تتعذب بمفردها, أحدث كل ذلك لصغيرته وهو في غفلة عنها .. أما حنين فكانت دموعها تنزل بغزارة على وجهها مما استمعت له .. لا تعلم على من تحزن اكثر .. على فتاة هي عنوان للطيبة والعفوية قاست وتحملت وحدها هم ووجع كالجبال .. أم على ذلك الشاب الذي تألم من البعاد ليتألم اكثر عندما علم سببه
اكرم(بهستيريا وحدة): تعالى يا مراد .. تعالى شوف اختك .. شوف السر اللي مخبياه عننا كلنا .. تعالى شوف الهانم اللي فاكرة انها تقدر على كل حاجة لوحدها
اقترب مراد من اكرم وهو يمسك ذراعه ويجذبه لخارج الغرفة
مراد(وهو يحاول التحكم به): تعالى يا اكرم
اكرم(بانفعال وحدة): اوعي يا مراد .. سيبني .. سيبني لما اشوف جنانها دا .. سيبني اوريها الجنان دا وصلنا لفين .. سيبناااااي
كان اكرم يتكلم بانفعال وغضب وألم ليجذبه مراد بالقوة للخارج بينما اندفعت حنين للداخل واحتضنت مرام التي كانت تنظر امامها بصدمة وشرود .. أكان سيطلقها؟, أكان سيبتعد عنها؟, تتحجر الدموع بعينيها وتتجمد انفاسها بصدرها .. تُزيد حنين من احتضانها ببكاء على حالتها وهي تحاول تهدئتها
///////////
بالخارج يحاول مراد السيطرة على اكرم الذي يتحرك بانفعال شديد فقد كان يرفض التحرك معه ليضطر مراد لتقييده بيديه ليجبره على الهدوء والتحرك معه
اكرم(بهستيريا وانفعال): سيبني يا مراااااد سيبناااااااي
مراد(وهو يحاول التحكم به): اهدى يا بني ادم
اخذ اكرم يتحرك بعنف حتى استطاع التحرر من مراد ليلف وجهه له بغضب ويضربه بقبضة يده بقوة مفرغاً غضبه فيه .. كاد بضربه مرة اخرى ليصد مراد ضربته ويضربه هو ليُفيقه مما يفعله ويقوله .. كان ذلك وقت دخول مصطفى ولما ليُصدموا حين وجدوهم يتعاركوا .. يجري مصطفى ناحيتهم ليحجز بينهم وتجري لما ناحية اخيها الذي وقع من ضربة مراد .. ينظر اكرم له بألم ووجع ليقف ويسرع بالخروج من المنزل بأكلمه
لما(وهي تحاول اللحاق به): اكرم .. يا اكرم
مصطفى(بذهول وعدم فهم): في ايه؟!!! ايه اللي حصل؟!!
نظر مراد لمصطفى بألم ليعلم مصطفى من نظرته ان الموضوع ليس بسيطاً .. عادت لما من الخارج عندما لم تستطع اللحاق بأخيها حين اخذ سيارته مندفعاً بها بعيداً دون ان يجيب نداءها
لما(بخوف وعدم فهم): فيه ايه يا مراد؟!!! ايه اللي حصل وليه كنتوا بتضربوا بعض؟!
مصطفى(بهدوء): اطلعي يا لما لمرام
لما: ايوة بس..
مصطفى(وهو ينظر لها): لما .. اطلعي دلوقتي بعد اذنك
لاحظت مرام صمت مراد ونبرة مصطفى التي تقول الكثير لتتحرك ناحية غرفة مرام
//////////////
تجلس حنين على السرير وهي تحتضن مرام التي تبكي بانهيار وتشاركها حنين البكاء .. كانت تستمع لانفعال اكرم وتزيد شهقاتها وكلما تفعل تزيد حنين من احتضانها محاولة تهدئتها
حنين(بدموع وهي تحاول تهدئتها): شششش بس يا حبيبتي .. بس علشان خاطري
مرام(بأنفاس متقطعة من البكاء): ك .. كان .. هيطلقني .. س.. سابني و.. مشي
حنين(وهي تربت على ظهرها بهدوء): معلش يا حبيبتي هيرجع .. اهدي بس علشان خاطري
فُتح الباب لتطل لما من وراءه وتتفاجئ حين وجدت البنات يبكون بانهيار وحنين تحتضن مرام التي تدفس رأسها بصدر حنين لتندفع للداخل بلهفة
لما(بلهفة وخوف): فيه ايه؟!! ايه اللي حصل؟!! مالك يا ميمي
قالتها وهي تجلس بجانب مرام لترتمي بحضنها وهي تبكي بانهيار وتربت حنين على ظهرها بحزن ودموع تغرق وجهها
/////////////
يجلس مراد وهو يضع رأسه بين كفيه ويغلق عينيه بوجع وألم وبجانبه مصطفى الذي يرتسم الحزن على ملامحه مما عرفه وفهم الآن سبب ثورة اكرم وسبب ما فعله مراد
مصطفى(بلوم): انت اتصرفت غلط يا مراد .. مكنش ينفع تضربه
مراد(بانفاس محتدة): كنت عايزه يفوق انت ماشوفتش هو كان منفعل ازاي ولا سمعت كان بيقول ايه
مصطفى: وانت شايف انه ماكنش معاه حق
مراد(بشرود): انا مبقتش شايف ولا عارف حاجة غير اني فشلت اني احتوي اختي .. فشلت اني احميها .. فشلت اني اخفف ألمها
مصطفى: لا يا مراد انت مافشلتش .. دا كان مكتوب انه يحصل .. مرام خبته علشان ماكنتش عايزة تشيل حد همها
مراد(بألم): انا مش حد .. انا اخوها
مصطفى: وهي خبت عليك علشان متشيلكش الهم زيادة .. انت ناسي كنت عامل ازاي بعد موت عمي وطنط .. كلنا بعد الحادثة اتبدل حالنا وكل واحد كان شايل هم شكل
مراد: ...
مصطفى: هون على نفسك شوية يا مراد .. انا هقوم اشوف اكرم فين
مراد(بندم وخوف): ابقى طمني عليه
مصطفى: حاضر
تحرك مصطفى مغادراً ليترك مراد بألم يعتصر قلبه على رفيقة دربه وتوأم روحه واخته الوحيدة وعلى ما حدث لها
//////////////
تشاركهم لما البكاء على ما حدث وهي تحتضن مرام بدموع وألم لا تعلم على من أكثر .. تحاول حنين تهدأتهم وهي تبكي هي الاخرى بشدة
لما(بدموع وهي تربت على ظهرها): انتي شايلة كل دا يا حبيبتي في قلبك .. ليه متكلمتيش؟
مرام(بدموع وألم): مكنش ينفع .. مكنتش عايزة اشيلهم الهم معايا
حنين: يا حبيبتي انتي كنتي لازم تحكي وتتكلمي .. انتي كنتي محتاجاهم جنبك
مرام(بوجع): مكنتش عايزاهم يتعبوا كل ما يشوفوني .. مكنتش عايزاهم يشفقوا عليا
لما: يشفقوا ايه بس يا حبيبتي .. بقا مراد ولا اكرم هيشفقوا عليكي دول بيحبوكي
مرام: وعلشان بيحبوني ماكنش ينفع يعرفوا .. كفايا انا كنت بتعذب لوحدي .. قررت اخبي السر عنهم وادفنه جوايا بس اديه بعد كل دا اتعرف وخسرت كل حاجة
حنين(وهي تربت على ظهرها بهدوء): مخسرتيش حاجة يا حبيبتي اهدي بس كدا وكل حاجة هتتصلح
مرام(بدموع وشرود): كل حاجة ضاعت .. اكرم عايز يطلقني ومراد عمره ما هيسامحني
لما: مراد! مراد ميسامحكيش .. هو مراد بيعرف يزعل منك
حنين: واكرم كمان بيحبك هو بس كان مصدوم سيبيه شوية وهتلاقيه راجع تاني
قطع كلامهم دق على الباب ليجدوا مراد يطل من خلفه
////////////
يقف بجانب سيارته بألم يغذو قلبه وأنفاس محتدة .. تتسارع انفاسه اكثر وهو يتذكر كلامه معها وتتجمع الدموع بعينيه الحمراء من شدة الغضب .. يعلو صوت راديو السيارة ليزيد من سوء حالته وكأن الكون يتآمر ليضغط بكل قوته على جرحه بكلمات تلك الاغنية:
محتار انا .. اداوي جرحك ولا جرحي
قال ايه وانا .. فاكرك راجعلي وجاي بفرحي
محتار انا .. اداوي جرحك ولا جرحي
قال ايه وانا .. فاكرك راجعلي وجاي بفرحي
كان في مليون طريقة .. تقول بيها الحقيقة
لما انت عينيك بريئة .. كدبت عليا ليه
كدبت عليا ليه
كدبت عليا ليه