مرت خمس سنوات على عائلتنا الجميلة .. الجميع مجتمع بمنزل نور وهدى فاليوم سبوع أنس - ابن نور وهدى وبسمة - ابنة محسن ولارا - .. قد كرم الله عائلتنا بالكثير من الاولاد فقد انجبت هدى "فارس" بعد سبعة اشهر فقط من زواجها بنور وبعدها بسنة واحدة انجبت "شذى" واليوم سبوع ابنها الثالث "أنس" العصامي .. انجبت لارا ايضاً بعد زواجها بتسعة اشهر اول اولادها, "شادي" الشناوي واليوم سبوع اميرتها الصغيرة "بسمة" ذات البسمة الساحرة .. انجبت مرام ولد واسمته هي واكرم "مروان" على اسم ذلك الولد الصغير الذي لم يُغادر عقل مرام منذ ان قابلته وكأن قلبها يخبرها انه كان اشارة الله لها بقُرب فرجه وبالفعل بعد مروان بسنة شاء الله ان يرزقها هي ومن ملكت قلبه بإبنة جميلة ورقيقة بعيون رمادية مثلها وأسموها "حياة" وأصبحت بالفعل حياة اكرم الذي تعلق بها جداً ولكن ليس هو وحده من تعلق بعينيها الساحرة .. انجبت لما "مريم" الصغيرة التي لا تُغادر احضان ابيها إلا على موعد النوم فقد تعلق كل منهم بالآخر بشدة مما يسبب غيرة قلب صغير تعلق بعينيها الزيتونية التي أسرت قلبه .. تجلس البنات او يُمكن القول الآن الامهات بالصالة المُطلة على الحديقة وهن يتكلمن ويضحكن بفرحة ويروا الاولاد امامهن يلعبوا في الحديقة .. تصدح ضحكات البنات على كلام هدى وما تحكيه .. فقد كانت تخبرهم ما حدث في صباح احد الايام السابقة
*فلاش باك*
يجلس نور وهدى على السفرة وبجانبهم فارس وشذى اللذان يتناولا الفطور بكل هدوء
فارس(وهو يمسح فمه بالمنديل): انا شبعت الحمد لله .. هقوم بقا اخلص الواجب بسرعة
قالها فارس وهو يجري ناحية غرفته لينظر نور في اثره باستغراب .. حول نور نظره لهدى التي كانت تبتسم بخفوت
نور: الواد دا ماله؟, بقا بيحب الواجب والمذاكرة كدا ليه؟
هدى(وهي تداري ابتسامتها): وانت تكرة يعني انه يذاكر!
نور(وهو ينظر مرة اخرى في اثر فارس): مش حكاية كره بس الوضع كدا يوغوش الصراحة
هدى(وهي تضحك بخفوت): اصل انا قولتله لو ماخلصش الواجب مش هنروح عند مراد وحنين
نور(وهو يعقد حاجبيه): مراد وحنين! مش فاهم برضو
نظرت شذى لوالدها بعينيها الصغيرة وهي تنطق بتلعثم طفولي
شذى(بتلعثم وبراءة): يا بابي دا فالث عايس يثوف ميان (يا بابي دا فارس عايز يشوف ميان)
نور(وهو يرفع حاجبيه باستغراب): ميان!
شذى(وهي تقطم من ساندويتش): اها .. فالث حب ميان تييير (فارس بيحب ميان كتير)
نور(بمزاح وهي يضرب على رأسه بخفة): احيه يابو سوسو احيه .. يا صغير عالموت يا نور, ابنك هيلبسك في الصاعقة ..(ثم نظر لشذى واردف بتهكم).. وانتي يا شبر ونص بتحبي مين .. احمد؟
شذى(وهي تشرب العصير): تؤ احمد اخو انا
نور(بابتسامة فخر): ربنا يكملك بعقلك يا بنتي
شذى(بتلعثم طفولي): بابي .. اتى ناس جوزو؟
نظر نور لهدى بعدم فهم لتترجم كلام ابنتها المتلعثم بطفولية
هدى(وهي تكتم ضحكاتها): بتقولك امتى الناس بيتجوزوا
نور(بذهول): يتجوزوا! بتسألي ليه يا شبر ونص؟
شذى(وهي ترفع كتفيها ببراءة): عاسة اعلف (عايزة اعرف)
نور(وهو يأكل مرة اخرى): لما بيخلصوا دراستهم
شذى(ببراءة): مدلسة؟ (مدرسة؟)
نور(وهو يشرب العصير): لا يا حبيبتي الجامعة اللي بعد المدرسة
شذى(بتذمر طفولي): جمة (جامعة) اووووف
نور(بصدمة وذهول ومزاح): اوف! خير يا شذى هانم هو حضرتك عايزة تتجوزي قبل الجامعة؟ مستعجلة يعني؟
شذى(بتلقائية): تؤ بث مكن بنت تخد ثادي (تؤ بس ممكن بنت تاخد شادي)
نور: شادي!
شذى(ببسمة محبة): اها .. هو قال هو جوز انا بد لاسة (هو قال هو هيتجوز انا بعد دراسة)
هدى(وهي تكتم ضحكاتها على ملامح نور المصدومة): بتقولك..
نور(مُقاطعاً بدرامية): واضحة ياختي من غير ترجمة .. اه يا دماغي .. عيالك هيموتوني
هدى(وهي تضع يدها على فمها وتدراي بسمتها): ...
نور(بغيظ ومزاح): بتضحكي! واحد هيخلي الصاعقة يدبحني والتانية رايحة تجيبلي عيل مستفز شبه حتة الجبنة النستو
شذى(بتذمر طفولي وغيظ): بابي لو سحت مش قول ثادي نستو (بابا لو سمحت مش تقول على شادي نستو) .. ثادي ميل (شادي جميل)
قالتها شذى وهي تقف وتنصرف لغرفتها لينظر نور في اثرها بصدمة وذهول وتنفجر هدى ضاحكة على منظره المصدوم
*عودة*
هدى(وهي تضحك بشدة): انتوا بتضحكوا! دا سبحان من خلى نور يرضى ان شادي يدخل البيت بعد اللي حصل
لارا(بضحك): يا سلام ياختي
هدى: يا بنتي اقسم بالله دا كان موقف مسخرة .. انا مسكت نفسي من الضحك بالعافية
لارا(بغمزة): شكلنا هنبقى نسايب يا دودو
هدى(بغمزة مماثلة): دا لو نور ماقتلش ابنك وجوزك
ضحكت البنات مرة اخرى لينتبهوا على دخول حياة التي يرتسم العبوس على وجهها
حنين(بلهفة): ايه دا مالك يا حبيبتي؟
تجلس حياة بأحضان حنين التي تعتبرها امها الثانية وتربت حنين على ظهر حياة برفق لتسألها بحنان
حنين(بحنان): مالك يا حياتي .. ايه مزعلك يا قلبي؟
حياة(وهي تمط شفتيها بحزن وتلعثم طفولي): احمد مخامصني (مخاصمني)
حنين(بابتسامة على تلعثمها): مخامصك ليه يا قلبي؟
تلمح حنين احمد الذي يقف على بُعد قليل وينظر ناحية حياة بعبوس .. تلاحظ حنين تجمع الدموع بعيون حياة لتُشير لأحمد ان يقترب
احمد(وهو يقف امامهن): ...
حنين: فيه ايه يا احمد ... مزعل حياة ليه؟
احمد: هي اللي مزعلاني
مرام: زعلتك في ايه؟
احمد(وهو ينظر لحياة بغيظ): مش بتسمع الكلام
حياة(بشهقات طفولية): والله انا اسمع كلام كله
احمد(بغيظ وغيرة): لا مش بتسمعي .. انا قولت مش تلبسي الفستان دا عشان قصير وانتي لبستيه
حياة(وهي تشير على مرام): والله مث ليا دعوة .. مامي لبسته ليا
احمد(بغيرة وهو ينظر لها): انا قولتلك مش بحبك تلبسي قصير .. شادي ومروان وفارس شافوكي كدا
حياة(ببراءة): مروان اخو انا
احمد(بعبوس وغيرة): مليش فيه انا قولت قصير لأ
حياة(بنظرة آسرة): انا اسفة
احمد(بابتسامة بسيطة وهو يمسك يدها): خلاص مش تعيطي .. مش حب شوفك كدا .. تعالي اجيبلك وردة من الجنينة
حياة(وهي تمسح عيونها بطفولية وتبتسم): يلا
تحرك احمد وحياة وهم متشابكي الايدي تاركين البنات على صدمتهم وبالأخص حنين التي هتفت بمزاح
حنين(وهي تنظر للبنات): هي الحلقة التانية هتنزل امتى؟
مرام: حلقة ايه؟
حنين(وهي تشير في اثر حياة واحمد): هو مش دا مسلسل العشق الممنوع برضو!
انفجرت البنات ضاحكين بشدة على ما حدث منذ دقائق
حنين(بضحك): ابقي طولي فساتين البنت شوية يا ميمي .. الواد بيغير
لما(بغمزة): زي ابوه
حنين(بابتسامة عاشقة): مفيش حد زي مراد
مراد(وهو يخرج للصالة ويجلس بجانب حنين): انا سمعت اسمي .. بتضحكوا على ايه؟
حنين(بضحك): ابنك
مراد: ماله؟
لما(وهي تضحك بشدة): شقط حياة
اكرم(وهو يخرج وينظر لهم): حياة مين؟!
مرام(بضحك): حياة بنتك ياخويا
اكرم(بصراخ): عااااااااري شرفااااااي
مصطفى(وهو يدفع اكرم من جانبه): ودني يا متخلف
اكرم(بغيظ وهو يكاد يندفع للخارج): هقتله
مراد(وهو يمسكه من ياقته(قفاه)): تقتل مين يلا
اكرم(بغيرة على ابنته): ابنك .. هرجعهولك ناجتس صغيرة
مراد(وهو يجذبه له): ولاااا
نور(وهو يقف بينهم): اهدوا بقا انتوا الاتنين
محسن(وهو يقف بجانب نور): خليكوا هاديين
نور(بغيظ وهو ينظر لمحسن): اه طبعاً ما انت ايدك في الماية .. تعالى هنا وديني لانفخك
محسن(مُدعياً البراءة): الله! وهو انا عملت ايه؟
نور(بغيرة على ابنته): ابنك بيرسم على بنتي يا بارد
محسن(بمزاح): ياعم هي لوحة
مصطفى(وهو يدفعه بعبوس على مزاحه السخيف): ايه يلا خفة الدم دي
نور(بعبوس وهو ينظر لمحسن): اهو انا مش هقبل ابنك علشان شبهك يلا .. شبه حتة الجبنة النستو
محسن(وهو يجلس بجانب لارا): انا شبة حتة الجبنة النستو يا حبيبتي؟
لارا(بضحك على مزاحهم): لا يا قلبي دا انت قمر
اخرج محسن لسانه بمزاح واستفزاز .. كاد نور بالاندفاع ناحيته بغيظ ليُمسك به مصطفى
مصطفى(وهو يمسك به): اهمد بقا يا اخي
نور(بغيظ): سيبني يا مصطفى دا مستفز وانت مش حاسس بالنار اللي جوايا
اكرم(بغيظ وهو يجلس بجانب مرام): سيبه يا مصطفى انا حاسس بيه سيبه
مراد(وهو ينظر لأكرم): ولا هقوملك تاني
مصطفى: اهمد يقا يا اكرم انت كمان انا مش...
قطع مصطفى جملته على دخول مريم وهي متشابكة الايدي مع مروان
مصطفى(بصراخ): شرفاااااااي
مريم(وهي تجري ناحية ابيها): بابي شوفت انا كسبت
مصطفى(بغيظ وهو ينقل بصره بينها وبين مروان): كسبتي ايه؟
مريم(ببراءة): مروان قاللي هنعمل مسابقة بالكوين (ملك وكتابة) .. لو ملك انا ابوسه ولو كتابة هو يبوسني
مصطفى(بصدمة وهتاف): نعممممم؟!!!!
مريم(بفرحة): انا كسبته 5-4
مروان(بابتسامة مستفزة): اخر مرتين هنعيدهم علشان الكوين ماكنش مظبوط
مصطفى(بغيظ وهو يندفع ناحيته): الكوين ماكنش مظبوط! ورحمة امي لأنفخك
جرى مصطفى وراء مروان الصغير الذي اخذ يجري بالحديقة بضحك ومن وارءهم يجري اكرم في محاولة لإنقاذ ابنه من براثن الغول الغيور على اميرته الصغيرة
تدخل ميان وتجلس على قدم مراد بهدوء ليتكلم مراد بخفة
مراد(بتهكم): وانتي يا حاجة مين شاقطك؟
ميان(ببراءة وهي تنظر لمراد): يعني ايه؟
مراد: يعني هتتجوزي مين في الليلة دي؟
ميان(وهي ترفع كتفيها): مش هتجوز
حنين(وهي تنظر لها): ليه يا قلبي؟
ميان(بابتسامة وهي تنظر لمراد): كدا .. انا مش هتجوز غير واحد زي بابي
حنين(بمزاح): يبقى هتعنسي يا روحي
مراد(وهو يرفع حاجبه وينظر لحنين): ليه بقا ان شاء الله؟
حنين(بابتسامة عاشقة): علشان مفيش زيك يا حبيبي
ابتسم مراد لجملتها لينتبه على تقدم فارس منه بابتسامة اوقعت قلب نور
فارس(وهو يقف امام مراد): عمو مراد .. انا عايز اطلب منك طلب
نور(بهمس لهدى): هو هيطلبها منه ولا ايه؟!!
هدى(وهي تكتم ضحكاتها): ...
مراد(بهدوء وحنان): اتفضل يا حبيبي
فارس: حضرتك عارف انا بحبك اوي اوي
مراد: وانا كمان يا حبيبي بحبك
فارس(بتلقائية): طب انا عايز اكون زيك
مراد(وهو يعقد حاجبيه باستغراب): زيي؟!!
فارس(بابتسامة): اها .. زيك بالظبط
قالها فارس وهو ينظر لميان التي احمرت وجنتاها بخجل .. نظر مراد له وهو يُضيق نظراته ليندفع نور ويجذب فارس ناحيته
نور(بابتسامة بلهاء محاولاً إنقاذ الموقف قبل ان يقتله الصاعقة): قصده ظابط زيك يا مراد .. انت قدوة للواد ما شاء الله
مراد(بهدوء): ان شاء الله لما تكبر وتدخل كلية الشرطة تبقى ظابط كبير زيي واحسن كمان
ميان(وهي تحتضن والدها): تؤ مفيش حد احسن من بابي
حنين(بغيرة وهي تنظر لمراد وميان): ...
ميان(وهي تلاحظ عبوس حنين): مامي .. انتي زعلتي تاني؟
حنين(بغيظ وغيرة): ولما انتي عارفة اني بتنيل بزعل بتلزقي في ابوكي ليه؟
ميان(وهي تحتضنها وتبتسم): علشان بحبه .. وبحبك انتي كمان اوي
ابتسمت حنين حين لم تستطع حصونها الصمود امام ضحكة ميان البريئة وعينيها البُنية المماثلة لعيون حنين ولكنها تظللها اهداب كثيفة مثل مراد .. احتضنت حنين ميان لتُخرج ميان شوكولاتة صغيرة من جيبها
ميان(بغمزة): دا عربون محبة يا باشا
حنين(بغمزة مماثلة): اشطا يا زميلي .. طيري بقا
نزلت ميان بخفة وجرت للحديقة مرة اخرى لتبتسم حنين وهي تنظر في اثرها وتأكل الشيكولاتة بابتسامة طفولية ليهمس مراد لها
مراد(بخبث): ما تدوقيني الشيكولاته
كادت حنين برفع يدها بالشيكولاته له ولكن بسمته الخبيثة جعلت ذكرى معينة تقفز بعقلها .. ذكرياتها مع مرادها والشيكولاته التي لونت وجنتا حنين بخجل واصابتها بالارتباك .. انتبهوا جميعاً على دخول مصطفى واكرم اللذان كانا يلهثان بقوة
هدى: ايه دا مالكم؟
اكرم(وهو يجلس بجانب مرام ويحاول إلتقاط انفاسه): مرام .. الواد ابنك دا احنا نقدمله في الالومبكيات .. الواد قطع نفسي
مصطفى(وهو يجلس بجانب لما ويتمتم بغيظ): وديني لو مسكته لأنفخه
محسن(بضحك على مظهرهم): ياعم اقعد دا انت خلصان
مصطفى(ببسمة خبيثة): طب بص جنبك وبعدين اتكلم
نظر محسن لجانبه ليجد انس الصغير يُمسك بيده الصغيرة يد بسمة وكأن القلوب إلتقت من اول ساعة لها .. يضحك الجميع على وجه محسن المصدوم وينظر له نور ببسمة خبيثة
نور(وهو يضع رجل فوق الاخرى): كدا خالصين
///////////////////////
تجمع جميع افراد العائلة الكبيرة ليجلسوا بالصالة حسب رغبة مراد بإلتقاط صورة عائلية لهم .. وضع مراد الكاميرا على وضع الاستعداد وجلس على الكرسي بهدوء .. كل بطل يحاوط من ملكته بحب ويجلس الاولاد امامهم متراصين بهدوء جميل وابتسامات ساحرة وقصص عشق تنبت بقلوبهم لبعضهم .. عائلة كبيرة ليس بها سوى الحب والود والحنان .. لا غدر ولا خيانة ولا كره .. لا قسوة ولا بُعد .. قلوب مترابطة ببعضهم ونابضة بالعشق .. يبتسم الجميع لتقترب حنين من اذن مراد وتهمس بهدوء وابتسامة
حنين(بابتسامة وفرحة): انا حامل
فلااااااااش
اُلتقطت الصورة مُسجلة ابتسامات ساحرة مرسومة على الوجوه وبالأخص على وجه الصاعقة والمجنونة اللذان كانا ينظران في أعين بعضهما بفرحة تدق بالقلوب كدق الساعة الكبيرة .. تلمع أعينهم وكأن النظرات تهمس فقط بما تقوله قلوبهم .. تهمس قائلة: أنت عشقي
كااااااااااات كفايا كدا النهاردة
********************************************
انا عارفة ان الفصل صغير بس دا يُعتبر تمهيد للخاتمة اللي هتكون كبيرة اوي علشان تكفي الاحداث النهائية للرواية .. انتظروني في الخاتمة مع الأولاد والأحفاد
أنت تقرأ
أنت عشقي 🖤🔥
Randomأنت عشقي 🖤🔥 بقلم حورية الإبداع/ حنين عماد 💜✨ هو هادئ وبارد كالثلج .. لم يكن كذلك ولكنه تألم في ماضيه، فَقَدَ احب الناس إليه فقرر اعتزال الحب، اغلق على قلبه ورمى المفتاح عازماً على اللا يُدخِل المزيد من الأشخاص في حياته حتى لا يُفجع مرة أخرى .. لم...
