Oops! This image does not follow our content guidelines. To continue publishing, please remove it or upload a different image.
(အလိမ်ခံလိုက်ရတယ်)⚠️
အဆင့်အတန်းမြင့်ပုံရတဲ့ ဟိုတယ်အဝင်ဝမှာတင် ကားစက်ကိုရပ်လိုက်သည်။ ကြီးကျယ်ပြီး ခေတ်မီသောပုံစံတည်ဆောက်ထားသည့် အဆောက်အအုံကြီးက တကယ့်ကိုMatthew အကြိုက်။ သူ ဖျတ်ခနဲ နာရီကြည့်မိတော့ ညနေသုံးနာရီပဲရှိသေးတယ်။
" ညစာက စောမနေဘူးလား "
သူဒီလိုပြောတော့ Leonက " အစ်ကို အနားယူဖို့လိုတယ် " လို့ပြောလာသည်။ တကယ်ပဲ ဒီကောင် ဘာတွေကြံနေတာလဲ။ သူ စိတ်မချမ်းမြေ့ဖြစ်လာရတယ်။
နောက်ဆုံးမှာ Leonငှားလာတဲ့ပြိုင်ကားထဲက ထွက်လာတယ်။ ဟိုတယ်ဝန်ထမ်းက ကားကိုယူမောင်းပြီး ပါကင်မှာသွားထားသလို သူတို့လည်း ဟိုတယ်ထဲ ဝင်ခဲ့ကြတယ်။
ဒီဟိုတယ်ပုံစံနှင့် အပြင်အဆင်တွေကို Matthew သေချာကြည့်နေခဲ့တာမို့ ဧည့်ကြိုကောင်တာမှာ Leonဘာတွေပြောမှန်းမသိလိုက်ဘူး။ သူ Leonအနားရောက်လာတော့ ဟိုက စကားပြောခြင်းပြီးစီးလို့ လက်ထဲမှာ သော့တစ်ခုကို ကိုင်ထားသည်။
" ဘယ်သွားမလို့လဲ "
" အစ်ကို ကောင်းကောင်းအနားယူဖို့လိုတယ်လေ။ တစ်နေကုန်ဈေးပဲဝယ်နေတော့ ပင်ပန်းမှာပေါ့။ ပြီးမှပဲ ညစာစားရအောင် "
" ငါက... လိုလို့လား "
လှလွန်းတဲ့ မျက်လုံးတွေက Leonကို အံ့ဩစွာကြည့်နေပြီး သူ့ကိုယ်သူ လက်ညိုးထိုးနေသေးတယ်။ Matthew နားမလည်ဘူး။ ဘာလို့ ဒီကောင်လေး ထူးထူးဆန်းဆန်းတွေလုပ်နေတာလဲ။ သူစိမ်းအတွက် ပိုက်ဆံဖြုန်းလွန်းတာ တစ်ခုခုတော့ တစ်ခုခုပဲ။
" ဒါပေါ့ လိုအပ်တယ် "
သူပြန်လည် ငြင်းဆန်မလို့ကြံပေမယ့် Leonက သူ့လက်ကိုကိုင်ကာ အရှေ့က ဦးဆောင်သွားတယ်။ ဒါ့အပြင် ဝယ်ယူထားတဲ့ အိတ်များကို သယ်ကူပေးသေးတယ်။
YOU ARE READING
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...
![Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]](https://img.wattpad.com/cover/281738654-64-k443152.jpg)