Final (ဆောင်းတွင်းခရီးတို)🔞
သူတို့ကြားထဲမှာ တစ်ခါတစ်ရံအဆင်မပြေမှုတွေရှိပေမယ့် အဆုံးသတ်မှာအဆင်ပြေခဲ့တယ်။ ယခုဆို ရာသီဥတုက ပိုပြီးအေးလာပြီ။ တစ်နေကုန် အိမ်မှာချည်း အချိန်ကုန်မိကြရင်း Leonလည်း Matthewဘေးမှာအတူရှိနေပေးသည်။အရေးကြီးတဲ့အလုပ်တွေကလွဲရင် သိပ်ပြီးအပြင်မထွက်ဖြစ်။ ဒီနေ့ ဗုဒ္ဓဟူးနေ့ဖြစ်သော်လည်း Matthewတော့ ဘာဆိုဘာမှသတိမထားမိ။ အလုပ်နားကတည်းက ရက်တွေဘာတွေ တွက်မနေတော့ဘူး။ ဒါတွေဟာ အပျင်းချင်းအပျင်းထပ်သွားလို့နဲ့တူပါတယ်။
သို့ပေမယ့် Matthew အိမ်မှာနေရှိနေစဉ် သူလေ့လာသင့်တာတွေတော့ Leonဆီကသင်ယူဖြစ်သည်။ ဒီနေ့နဲ့ဆို ဆရာကြီးLeonဆီက ဟင်းချက်နည်းတွေသင်ယူတာ တစ်ပတ်ပြည့်ပြီ။
အမှန်ဆို Leonချက်ကျွေးတဲ့ထမင်း၊ဟင်းတွေကို ဇိမ်ကျကျထိုင်စားလည်းကိစ္စမရှိဘူး။ ဒါပေမဲ့ ဟိုတလောကဇာတ်ကားတစ်ခုကြည့်ပြီးနောက် အရင်က သူ့စိတ်ကူးတွေကိုအကောင်အထည်ဖော်မိတယ်။
Leonလည်းပဲ သူချက်ပေးတဲ့ အစားအသောက်တွေကိုစားချင်နေမှာ မဟုတ်လား။ အဲ့တော့ သူ့မှာချက်ပေးဖို့တာဝန်ရှိတာတယ်။ ကြီးကြီးမားမား မဟုတ်သော် Leonကြိုက်တဲ့ steakနဲ့ပန်းမုန်လာကြော် လုပ်တတ်ရင်ကိုပင်ကျေနပ်ပါပြီ။
သို့သော် လက်တွေ့၌ကား အခုထိသူ့မှာ ဟင်းကြော်တိုင်း တစ်ခုပြီးတစ်ခုတူးနေရတာပဲ။ တစ်ခုမဟုတ်တစ်ခုလိုအပ်နေတော့တယ်။ ဟင်းကြော်တာ ပြည့်စုံပေမယ့် ဆားနဲ့ပါဝင်ပစ္စည်းတွေကျန်ခဲ့တာမျိုး။ ဒီနေရာမှာ သင်ပေးသူဟာ Leonသာမဟုတ်ခဲ့ရင် Matthewအကြိမ်များစွာ အဆူခံထိလောက်တယ်။
YOU ARE READING
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...