(ဆေးလိပ်သောက်တာကိုမုန်းတယ်)
နောက်ဆုံးသော ဖျော်ဖြေပွဲကို ထိုင်ဝမ်မှာ အဆုံးသတ်လိုက်ပြီးနောက် မွေးရပ်မြေကိုပြန်လာခဲ့ကြတယ်။ အချိန်ဇယားတွေ ကုန်ဆုံးသွားတဲ့အတွက် သူတို့အတွက် အားလပ်ရက်တွေ ရလာခဲ့ပြီ။
သို့သော် လက်ရှိမှာကိုယ့်အိမ်ကိုယ်မပြန်ရသေးဘူး။ ခရီးမှပြန်ရောက်တာမကြာသေးတာမို့ သူတို့အားလုံးအဆောင်မှာပဲရှိနေသေးတယ်။ ပစ္စည်းတွေထုတ်ပိုး၊သန့်ရှင်းရေးလုပ်ပြီးကာမှ ပြန်ဖြစ်ကြပါလိမ့်မယ်။
ညနေအချိန်ရောက်နေပြီဖြစ်သလို ဧည့်ခန်းထဲမှာစုဝေးကာရှိနေသည်။ Benနှင့် Adamက စားပွဲပေါ်မှာစကားလုံးဆက်တမ်း ကစားနေ၍ အားနေတဲ့ Jinnoလည်းဝင်လာတော့တယ်။
" မင်းမပါနဲ့စမ်း "
" အစ်ကိုကလည်း ကျွန်တော်လည်းကစားချင်လို့ပါ "
Jinnoကမျက်နှာငယ်လေးနှင့် မည်မျှပင် တောင်းပန်ပြောဆိုပါစေ Adamက ဂရုပင်မစိုက်။ ဒီတော့Benဝင်ပါမှဖြစ်တော့မယ်။ သူ ဒီကလေးနှစ်ယောက်ကိုကြည့်ကာ သက်ပြင်းချမိသည်။
" ရော့ ရော့ မင်းတို့ပဲကစားလိုက် "
" ဒါဆို အစ်ကိုကရော "
Ben Adam၏အမေးကို မဖြေရသေးခင် အခန်းထဲကနေ ဖရိုဖရဲထွက်လာတဲ့ Matthew ။ ဖရိုဖရဲ ဆံပင်ကပင့်ကူအိမ်တောင်ကပ်နေသေးသည်။ ထို့အပြင် အိမ်နေဝတ် အဝတ်အစားနှင့် တံမြတ်စည်းကိုကိုင်ထားတယ်။
" Ben ငါ့ကိုကူညီပေးဦး။ ဒါတွေမရှင်းတတ်တော့ဘူး "
" မင်းဖာသာ ဖင်ယားပြီးဖွထားတာမလား "
Ben အဲ့လိုမေးလိုက်တော့ Matthew မျက်နှာကမဲ့၍ မကျေနပ်စွာကြည့်သည်။
" ဟုတ်မနေဘူး။ ငါ့အခန်းထဲမှာပင့်ကူအကြီးကြီးတွေ့လို့ လိုက်သတ်ရင်း ဖွမိသွားတာ။ ငါ့အပြစ်မှမဟုတ်ပဲ "
" မသိပါဘူး။ ကျွန်တော်က အစ်ကိုမနက်ဖြန်အိမ်ပြန်မှာမို့ သန့်ရှင်းလုပ်တယ်ထင်နေတာ "
" အဲ့ကောင်လား သန့်ရှင်းရေးလုပ်မှာ။ သုံးလနေမှတစ်ခါ သန့်ရှင်းလုပ်တဲ့လူက၊ သူ့အခန်းထဲမှာ မြွေတွေကင်းတွေရှိချင်ရှိမှာပေါ့ "
VOCÊ ESTÁ LENDO
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...