(နားမလည်နိုင်သော နှလုံးသားလေး)⚠️
Adamနှင့်Jinnoဟာ အဆောင်ထဲမှာ ဂိမ်းအကြောင်းဆွေးနွေးနေပြီး Benကတော့ဖုန်းဖြင့် သရဲရုပ်ရှင်ကို ကြည့်နေတယ်။ အဆောင်ဧည့်ခန်းထဲမှာ လူစုံနေခြင်းဟာ မကြာခင်မှာ မန်နေဂျာ၂ မုန့်ဝယ်ပြီးပြန်လာတော့မှာမို့လေ။အဲ့လိုအချိန်ဆို ဧည့်ခန်းထဲမှာပြောစရာမလိုအောင် ထွက်လာကြပြီ။ သို့သော်လည်း အခန်းထဲကနေ ခရီးဆောင်အိတ်ကြီးကိုကိုင်လျက် Matthew ထွက်လာခဲ့သည်။
ထိုအခါ ဆွေးနွေးနေကြသော Adamတို့စကားဝိုင်းပျက်စီးသွား၍ အငယ်နှစ်ယောက်က သူ့ကိုအံ့ဩစွာကြည့်လာတယ်။ Benမူကား သတိတောင်မထားမိ။ Adamမှာ သူ့ကိုသေချာကြည့်ပြီး
" အစ်ကို အဝတ်ထုတ်တွေနဲ့ ဘယ်သွားမလို့လဲ "
" အော် သိပြီ အမှိုက်ပစ်မလို့မလား "
Jinnoက ယောင်ဝါးဝါးလျှောက်ပြောသော် Adamရဲ့ရိုက်ခြင်းကိုခံလိုက်ရသည်။ အငယ်ဆုံးJinnoသည် မျက်နှာလေးမဲ့လို့ ပါးစပ်ကတစ်တွတ်တွတ်ရွတ်နေသေးတယ်။
" အော် ဒါလား။ အိမ်ပြန်မလို့လေ "
" ဘာ အိမ်ပြန်မယ်ဟုတ်လား "
ထိုစကားဟာ သရဲကားကြည့်နေပါတယ်ဆိုသော Benမဟုတ်ပဲ တံခါးဖွင့်လျက်ဝင်လာသော မန်နေဂျာ၂ဆီမှဖြစ်တယ်။ သူ့နောက်မှာ U.Doလည်းပါသေးသည်။ သူတို့လက်ထဲမှာ စားစရာများကိုယ်စီကိုင်ထားလျက်။ သို့သော် U.doက ဂရုစိုက်မစိုက်၊ သူ့ဘာသာ အိမ်ထဲဝင်လာသည်။
မန်နေဂျာ၂က Matthewကို သက်ပြင်းချ၍ ကြည့်မိပြီးနောက်
" အိမ်ပြန်တာက ကိစ္စမဟုတ်ပါဘူး။ ဒါပေမဲ့ Music Videoက သဘက်ခါရိုက်ရမှာနော်။ မနက်ဖြန်အဝတ်စမ်းဝတ်ရမယ်။ အချိန်မှီလာရင်တော့ ကောင်းတာပေါ့ "
VOCÊ ESTÁ LENDO
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...