(တောင်းပန်စကားများ)
နွေရာသီမနက်ခင်းလေး အစပြုလျက် နေ့ရက်သစ်ကို ရွှင်လန်းလန်းဆန်းစွာ ဖြတ်သန်းသင့်တာပေါ့။ မနေ့ညက လိုက်ကာပိတ်ဖို့ မေ့လျော့သွားခဲ့တာမို့ နေရောင်ခြည်စူးစူးက အိပ်ခန်းထဲဝင်ရောက်လာခဲ့သည်။ ယင်းနည်းတူ လူသားလေး အိပ်ပျော်နေသော ကုတင်ပေါ်ကျရောက်၏။
ဤသို့စူးရှလှသော သဘာဝနေရောင်ကြောင့်လော၊သို့မဟုတ် ပုံမှန်ဖြစ်နေတဲ့အချိန်ကြောင့်လော ။ Matthew နိုးထနေကျ ပုံမှန်ဖြစ်သလိုမျိုး နိုးထလာခဲ့သည်။ ညဉ့်နက်မှ အိပ်ပျော်သော်လည်း မနက်လင်းတော့ ဘာမှမဖြစ်သလို အိပ်ရာထတယ်။
သူ့နေ့စဉ်လုပ်နေကျ အစီအစဉ်အတိုင်း ခန္ဓာကိုယ်သန့်ရှင်းရေး လုပ်ပြီး၍ ဧည့်ခန်းထဲသို့ထွက်လာသည်။ ရေချိုးပြီးခါစမို့ သူ့ဆပ်ပြာရနံ့က အခန်းတွင်းပျံ့နှံ့နေသည်။ နွေရာသီဖြစ်တာမို့ Matthewပေါ့ပေါ့ပါးပါးအဝတ်စားသာဝတ်ထားတယ်။
အမှန်တော့ Matthewမရည်ရွယ်ခဲ့ဘူး။ ဒါပေမဲ့လည်း အစ်ကိုကြီးအလုပ်မသွားရသေးတာနဲ့ကြုံတော့ သူအခွင့်အရေးရခဲ့ပြီ။
Warenက ကုမ္ပဏီသွားဖို့ပြင်ဆင်နှင့်ပြီး မီးဖိုခန်းထဲမှာ ကော်ဖီဖျော်နေသည်။ Matthewလည်းပဲ ထိုသူရှိရာသို့ အမြန်သွား၍
" အစ်ကိုကြီး ကျွန်တော်မေးစရာလေးရှိလို့။ရလား "
" အင်းပြောလေ "
Warenက ဘာမှဂရုမစိုက်သည့်ပုံစံဖြင့် သူ့အား တစ်ချက်ကြည့်တယ်။ ထို့နောက် ကော်ဖီဖျော်စက်က ကော်ဖီရလာပြီမို့ ထိုထဲတွင်သာ စိတ်ရောက်နေမိသည်။
Matthewအတွက် ထုတ်ပြောရမှာ တွန့်ဆုတ်နေပေမယ့် သူဒါမှမပြောမိရင် နေရခက်ခဲနေမှာ။ ဒါ့ကြောင့် သူ့ကိုယ်သူအားယူမိပြီး အရှက်မဲ့စွာမေးလိုက်တယ်။
" အစ်ကိုကြီးက ကျွန်တော့်ကိုတကယ်ကြီးချစ်နေတာဆို... အဲ့တာမေမေပြောပြတာ "
တစ်စုံတစ်ယောက်ကို အဲ့လိုမျိုးကြီး သူတစ်ခါမှမပြောဖူးဘူး။ ဒါ့ပြင် သူလေးစားရတဲ့ အစ်ကိုကြိီးWarenရှေ့မှောက်တွင်ဆို ပိုဆိုးသည်။
ESTÁS LEYENDO
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...