(အတိတ်ဆိုး)
ညနေခင်းလေအေးတွေက တိုက်ခတ်နေပေမယ့် ထင်သလောက်မအေးသေး။ ထို့ပြင် မိုးမချုပ်သေးခင် တစ်မြို့လုံးနီးပါးလျှပ်စစ်မီးတွေထွန်းထားသည်။ သူကတော့ လူသွားစင်္ကြံပေါ်မှာ လမ်းလျှောက်နေသည်။
မြူးမြူးကြွကြွသီချင်းကို ကိုယ်လွတ်လက်လွတ် နားထောင်နေခိုက် တစ်စုံတစ်ယောက်က သူ့ကိုဝင်တိုက်သွားတာကို ခံစားမိတယ်။ ပျော်ရွှင်နေတဲ့ အပျော်ဟာ ခဏချင်းပျောက်ကွယ်သွား၍ သူ ချက်ချင်းပဲ မျက်မှောင်ကုတ်မိသည်။
ဘယ်လဲ မျက်စိမပါဘူးလား။စိတ်တိုစွာ အနှီလူကိုစေ့စေ့ကြည့်မိသည့်အခါ လူငယ်လေးတစ်ယောက်ဖြစ်ကြောင်း မြင်ရသည်။ ထိုလူငယ်က သူ့ထက် အရပ်ရှည်အနည်းငယ်တာမို့ မော့ကြည့်မိတယ်။
ချောမောသော မျက်နှာသွင်ပြင်၊ မျက်ခုံးထူထူ၊ နှာတံဖြောင့်ဖြောင့်၊ ရွှေဝါရောင် အသားအရေရှိတယ်။ ဒါပေမဲ့ အတော်ကြည့်ကောင်းတာတော့အမှန်။ထင်ရှားဆုံးကတော့ ညာဘက်ပါးပြင်မှာ မှဲ့လေးတစ်ခု။ မြင်မြင်ချင်းမှာပင် ဩဇာအာဏာဟိတ်ဟန်တွေကို ခံစားရသည်။
Hoodie အနက်ရောင်နဲ့ အားကစားဘောင်းဘီဝတ်ထားတဲ့ သူတောင် သတိမကပ်၊ ခပ်ကြာကြာငေးကြည့်နေခဲ့မိတယ်။ သို့သော် ဦးနှောက်ဟာ ဒီလူရဲ့မျက်နှာကိုသေချာစူးစိုက်ကြည့်ကာမှ တစ်ခုခုကို သတိရစွာ။
" မင်း မင်း Leon "
maskအနက်ရောင်တပ်ထားတဲ့ သူ့နှုတ်ဖျားက တုန်ရီစွာ ထိုနာမည်နာမထွက်သွားတယ်။ ဘာကြောင့်မှန်းရယ်မသိ တစ်ကိုယ်လုံးတုန်ရီနေပြီး တုန်လှုပ်နေသည်။ ဒေါသထွက်မိသလို မကျေနပ်တာတော့အမှန်။
ချောမောသည့်လူငယ်လေးကို ငေးစိုက်ကြည့်ရာမှ အကြည့်လွဲပစ်တယ်။
သူပင် သတိမထားမိလိုက် Leonဆိုသည့် အမျိုးသားက ပခုံးကိုထိကိုင်သည်။" ဘာဖြစ်လို့လဲ။ သရဲတစေတွေကိုမြင်သလို ဖြူဖပ်နေတာပဲ နေမကောင်းဘူးလား "
ပြောရင်းဆိုရင်းပဲ Leonရဲ့လက်များဟာ သူ့မျက်နှာပေါ်က maskကိုဖယ်ရှားပစ်တယ်။ နားထဲမှာ အစဉ်လိုက်လာနေတဲ့ သီချင်းသံကိုကြားနေရပေမယ့် မျက်နှာချင်းဆိုင်က ဤလူသားရဲ့မာထန်သည့် စကားသံကို ကြားယောင်မိသည်။
VOCÊ ESTÁ LENDO
Tʜᴇ Dᴀʀᴋ [𝗰𝗼𝗺𝗽𝗹𝗲𝘁𝗲𝗱 ]
Romanceသူနဲ့သာ မတွေ့ဆုံဖြစ်ကြရင် ချစ်မိမှာမဟုတ်သလို "အမှောင်"ထဲမှာစမ်းတစ်ဝါးဝါးလမ်းလျှောက်နေမိခဲ့မှာမဟုတ်ဘူး။ [ Note:ဇာတ်အိမ်နှင့် ဇာတ်ကောင်များအားလုံးက စိတ်ကူးယဉ်သက်သက်ဖြစ်ပြီး မည်သူ့ကိုမှထိခိုက်လိုခြင်းမရှိပါ။ ကြမ်းတမ်းသည့်စကားလုံးများနှင့်ဇာတ်ဝင်ခန်းမ...