Chapter ● 16● (Part 1)
ကျန်းယွီသော်က ဘာစကားမှမဆိုဘဲ စားပွဲကိုပတ်လျှောက်လာပြီး ချန်ခေါ့အနားတွင် ရပ်ကာ စားပွဲပေါ်တွင် ဆွဲထားသော သဲပန်းချီကို ကြည့်သည်။ ခေတ္တမျှကြည့်ပြီးနောက် အိပ်ခန်းထဲသို့ဝင်ကာ အိပ်ပျော်လျက်ရှိသောမြောင်ကို ပွေ့ချီလာသည်။
သူသည် မြောင်၏ခေါင်းကိုဖိပြီး စားပွဲကိုကြည့်ခိုင်းလိုက်သည်။
"မြောင် ... မင်းကြည့်စမ်း။ ဒါက ဟိုသူဌေးသားသခင်လေးက မင်းပုံကို ဆားနဲ့ဆွဲထားပေးတာ။ တကယ်လို့ မင်းနဲ့တူတယ်၊ ဆွဲထားတာကောင်းတယ်လို့ထင်ရင် မြောင်~ လို့ တစ်ချက် အော်လိုက်။ မင်းမအော်ရင် သူရှုံးတယ်လို့ သတ်မှတ်မယ်"
"မင်းမရှက်တတ်ဘူးလား"
ချန်ခေါ့က ကျန်းယွီသော်ကို ကြည့်လိုက်သည်။
ကျန်းယွီသော်က ငြိမ်သက်လျက်နှင့် မြောင်၏ခေါင်းကို ဆက်ဖိထားသည်။
"မြောင် ... မင်းကြည့်စမ်း။ ငါ ၅ အထိ ရေလိုက်မယ်။ တကယ်လို့ မင်းနဲ့တူတယ်ထင်ရင် အော်လိုက်။ တစ် နှစ် ... ..."
"မြောင် ~"
ချန်ခေါ့သည် ကျန်းယွီသော်၏နောက်မှ ရုတ်တရက် တစ်ချက်အော်လိုက်သည်။
ကျန်းယွီသော်မှာ တစ်ချက်ကြောင်သွားသည်။
အသံက ဆင်တူလှချည်လား...။ မြောင်၏ တကယ့်အော်သံဟုတောင် သူထင်သွားသည်။
လှည့်ကြည့်ရန်အလုပ်တွင် သူ့လက်ထဲ၌အချီခံထားရသော မြောင်က ချန်ခေါ့၏ အော်သံကို လိုက်ပြီး မြောင်ခနဲ တစ်ချက်ထအော်လိုက်သည်။
မြောင်~ ...
ကျန်းယွီသော်မှာ ခေတ္တမျှကြောင်သွားပြီးနောက် မြောင်ကို ငုံ့ကြည့်လိုက်သည်။
"လခွမ်း။ မင်းဘာစောက်ရူးထတာလဲ"
"သူအော်လိုက်ပြီ"
ကျန်းယွီသော်သည် မြောင်ကို ဆိုဖာပေါ်သို့ ပစ်ချလိုက်ပြီး ချန်ခေါ့ဘက်သို့လှည့်လာသည်။
"ကြောင်သံနဲ့တူအောင် တော်တော်ကျင့်ထားတာပဲ"
ချန်ခေါ့က စားပွဲကို မှီလိုက်သည်။
YOU ARE READING
《ဖြေဆေး》- ဘာသာပြန် 『Completed』
Ficción Generalဖြေဆေး - ကျယ်ယောက် (ဘာသာပြန်) မူရင်းစာရေးသူ - ဝူးကျယ် / Wu Zhe
