《ဖြေဆေး》- ဘာသာပြန် 『Completed』

အခန်း - ၈၃

Chapter ● 83 ●

ရေပန်းခလုတ်ကို ဘယ်သူထိလိုက်မိမှန်းမသိပေ။ ရေပန်းဆီမှ ရေစက်ရေပေါက်များ ဝုန်းကနဲ ဖြာကျပန်းထွက်လာသည်။

ချန်ခေါ့က နံရံကို မှီရပ်နေပြီး ကျန်းယွီသော်က သူ့ကိုယ်ပေါ်တွင် မှီထားကာ နဖူးကို နံရံပေါ်တွင် မှီတင်ထားသည်။

နှစ်ယောက်သား၏လှုပ်ရှားမှုများက ရပ်တန့်သွားခဲ့ပြီဖြစ်သည်။ သို့သော် အသက်ရှူသံကမူ နားထဲတွင် ဝုန်းဒိုင်းကြဲပြီး ပရမ်းပတာဖြစ်နေဆဲပင်။ ရေပန်းထဲမှ ပန်းထွက်လာသောရေပေါက်များကတောင် ခပ်သိမ်းသော ပူလောင်ပြင်းပြမှုတို့ကို အေးစက်ငြိမ်ကျမသွားစေနိုင်ပေ။

ရေအပူချိန်မြင့်တက်လာသော် ချန်ခေါ့သည် လက်မြှောက်ပြီး ရေပန်းခေါင်းကို တစ်ချက်လှမ်းရိုက်လိုက်သည်။ ရေပန်းခေါင်းက တစ်ဖက်သို့လည်သွားပြီး ဘိုထိုင်အိမ်သာဘက်သို့ ဆက်လက်ဖြန်းပေးနေသည်။

ကျန်းယွီသော်၏ ပင့်သက်ရှိုက်သံက အနည်းငယ် တိုးလျသွားပြီးနောက် ပြောလာသည်။

"ခင်ဗျားကို ကူညီ... ..."

"ဘာကို ... ..."

ချန်ခေါ့သည် ထိုကဲ့သို့သောစကားပြောဝါကျပုံစံအပေါ် ယခုအချိန်တွင် အထိမခံဖြစ်နေသည်။ သူတို့နှစ်ယောက်က စောစောကမှ ကိစ္စဝိစ္စပြီးဆုံးသွားကြသော်လည်း သူ့စိတ်ထဲတွင် ပထမဆုံးဖြစ်လာသော တုံ့ပြန်ချက်မှာ လူမြင်မကောင်းသောအတွေးဖြစ်နေဆဲဖြစ်သည်။ ကံအားလျော်စွာ ကျန်းယွီသော်က ထိုစကားကိုပြောထုတ်လာသည့်တစ်ချိန်တည်းတွင် လက်ကလည်း ရေပန်းခေါင်းဆီသို့ ဆန့်တန်းထုတ်လိုက်သည်။ ချန်ခေါ့က ကျန်းယွီသော်၏လက်ကို ကမန်းကတန်း ဖမ်းကိုင်လိုက်ပြီး -

"ရတယ်၊ မလိုတော့ဘူး။ ငါ့ဘာသာငါပဲ ဖြစ်သလိုချိုးလိုက်မယ်။ လက်တစ်ဖက်တည်းဆို လောက်ပြီ။ မင်းက ... ... မင်းက ငါ့ကို ဒီအင်္ကျီလက်တစ်ဖက် ဆွဲချွတ်ပေး"

"အင်း"

ကျန်းယွီသော်က အသံပြုလိုက်ပြီးနောက် ချန်ခေါ့၏ သိုးမွေးဆွယ်တာအင်္ကျီလက်ကို ဆွဲချွတ်ပေးလိုက်သည်။ ထို့နောက် ချန်ခေါ့၏မျက်လုံးထောင့်နားတွင် တစ်ချက်နမ်းလိုက်ပြီး တစ်ကိုယ်လုံးရေစက်လက် စိုရွှဲနေလျက်ဖြင့် ရေချိုးခန်းထဲမှ လှည့်ထွက်သွားသည်။