Darling! [norenmin]

63 - You are so dumb

"I pray you do not fall in love
with me, For
Im falser than vows made in wine"

-As you like it (Shakespeare)

ဂျဲနိုက မျက်နှာမကောင်းပေ။ သူကဂျဲနိုအပေါ် တော်တော်ကိုရိုင်းစိုင်းပြီး အကျိုးကြောင်းမသင့်မှန်း ဂျယ်မင်လည်း သိသည်။ သို့ရာတွင် ထိုစကားလုံးများ ပြောပြီးသည့်တိုင် အဘယ်ကြောင့် ဂျဲနိုနဲ့ တစ်ခန်းထဲအိပ်ရမှန်း နားမလည်တော့ပေ။

အနည်းငယ်စိမ်းသက်ပြီး စိတ်ဆတ်နေပုံပေါ်သော လီဂျဲနိုကို မြင်တွေ့နေရတာ အောင့်သက်သက်နိုင်သည်။ ပုံမှန်အားဖြင့် သူကသာ အကဲဆတ်နေခဲ့ပြီး ဂျဲနိုဘက်က အများကြီး သည်းခံခဲ့တာနဲ့ ကျင့်သားရနေသည်။ ထို့ကြောင့် အေးတိအေးစက်နဲ့ အဖတ်မတန်သလို ပြုမူနေသော လီဂျဲနိုကိုကြည့်၍ ဖော်မပြတတ်သော ခံစားချက်များ ဖြစ်နေရသည်။

ဟာလာဟင်းလင်းကျန်ခဲ့သော အိပ်ရာတစ်ဝက်သည် ဂျယ်မင်ရဲ့ နှလုံးသားကို လစ်ဟာစေသည်။ ဂျဲနိုက အခန်းပြန်အပ်ကာ တောင်ကိုရီးယားသို့ ပြန်သွားနှင့်လေပြီ။ သူ့ကိုတောင် စကားတစ်ခွန်းမှ မချန်ခဲ့ပေ။

"ကောင်းတယ် အဲ့လိုဖြစ်သင့်တာပဲလေ"

ဤနေရာတွင် လီဂျဲနိုနဲ့ စတင်တွေ့ဆုံခဲ့ပြီး ထိုလူရဲ့ပုံရိပ်ကို မှတ်ဉာဏ်ထဲ စွဲမြဲခဲ့ရသည်။ ထိုစဉ်က အချင်းချင်းမည်မျှအထိ မျက်စိဆံပင်မွှေးစူးကာ ဆုတ်ဖြဲချင်ခဲ့ကြောင်း စဉ်းစားမိသောအခါ အသံထွက်ရယ်မိသည်။

ထိုစဉ်က ခြေလက်များ အချိုးခံရဆဲနီးနီးတွင် အခြားအတွေးမရှိ။ တစ်ဖက်လူရဲ့ တက်တူးမှ စာနှစ်ကြောင်းကိုဖတ်ရန် ကြိုးစားနေခဲ့မှန်း လီဂျဲနိုသိပါက မည်သို့တွေးမည်မသိ။ အမျိုးမျိုးသော ဆုံတွေ့မှုတိုင်းတွင် စိတ်လှုပ်ရှားဖွယ်၊ ရင်ဖိုဖွယ်ကောင်းခဲ့ကြောင်း ဝန်ခံရလိမ့်မည်။ လီဂျဲနိုဆိုသူကြောင့် ဘဝတစ်လျှောက်လုံး မကြုံတွေ့ခဲ့ဖူးသော ပျော်ရွှင်မှုများကို ရှာတွေ့ခဲ့သည်။ အသစ်အဆန်းတိုင်းကို စမ်းသပ်ခွင့် ရခဲ့သည်။

ဤဘဝအတွက် သူ့နေရာတွင် နောက်ထပ် အစားထိုးစရာလူ မရှိတော့ပေ။