"I've no regret of being twisted and
you've no right to interrupt me"
လွန်ခဲ့သောနာရီပိုင်းက တောင်ကိုရီးယား နိုင်ငံတွင်။
အညိုရောင်ဆံနွယ်များ ဖြန့်ချထားသော ဆယ်ကျော်သက်အရွယ် မိန်းကလေးသည် အိပ်ယာထက်တွင် မှီထိုင်လျက် ဖုန်းကြည့်နေသည်။ သူတို့နာမည်ကို အင်တာနက်တွင် ထပ်ခါထပ်ခါ ရိုက်ရှာခြင်းက အနုပညာရှင်များရဲ့ နေ့စဥ်အလုပ်ဖြစ်သည်။ သူမရဲ့ဘေးတွင် စောင်ထဲခေါင်းနှစ်ကာ အိပ်ပျော်ရန် ကြိုးစားနေသော အခြားမိန်းကလေး တစ်ယောက်လည်း ရှိနေသည်။
ချောမောလှပသော မိန်းမငယ်လေးနှစ်ယောက် ပူးကပ်စွာ လဲလျောင်းနေခြင်းက မျက်စိပဒဿဖြစ်ဖွယ် မြင်ကွင်းတစ်ရပ်ပင်။ သို့သော် ထိုမြင်ကွင်းကို ရုတ်တရက်မြည်သော ဖုန်းဝင်သံက နှောင့်ယှက်လိုက်သည်။
ဖြောင့်စင်းသော အနက်ရောင်ဆံပင်များနဲ့ မိန်းကလေးက အိပ်နေရာမှ လူးလဲထကာ ညည်းတွားသည်။
"ယာရာလေး အစ်မရဲ့ ဖုန်းယူပေးပါဦး"
ယာရာက သူမရဲ့ခါးတွင် ချိတ်တွယ်ထားသောလက်ကို မဖြုတ်စေဘဲ လက်ဆန့်တန်း၍ လှမ်းယူလိုက်သည်။ ထို့နောက် ဝမ်အာရဲ့ အိပ်ချင်မူးတူး ဖုန်းဖြေသံ ထွက်ပေါ်လာသည်။
"အစ်ကိုလား အစ်ကို နင့်ကိုဖုန်းဆက်မရလို့ ဒီထိလိုက်လာတာ နင်ဘယ်မှာလဲ"
'အစ်ကို'ဟူသော နာမ်စားသုံးချိန်တွင် ယာရာက သိချင်စိတ်ဖြင့် နားစွင့်လိုက်သည်။
"အမ်း ဟုတ်တယ် နည်းနည်းအအေးမိနေလို့ အသံပြောင်းနေတာ ဘာရယ်? ဘယ်လိုလုပ် တခြားရောက်နေတာလဲ ကြိုလည်းမပြောဘူး"
ထို့နောက် တစ်ဖက်လူက ဘာမေးသည်မသိရ။ ဝမ်အာထံမှ ဆက်တိုက်ဆိုသလို 'အင်း အဲ' ပြန်ဖြေသံများသာ ကြားရတော့သည်။ သိပ်မကြာလိုက်သော ခေါ်ဆိုမှုအပြီးတွင် ဝမ်အာက ဖုန်းမျက်နှာပြင်ကို တွေဝေစွာကြည့်သည်။
"အစ်ကိုရန်ကျွင်လား"
"အင်း"
အလောတကြီးဖြင့် ပြောချင်ရာပြောပြီး ဖုန်းချသွားသူမှာ လနဲ့ချီ အဆက်သွယ်ပြတ်နေသော ရန်ကျွင်ဖြစ်သည်။
YOU ARE READING
Darling! [norenmin]
Fanfic"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)