Darling! [norenmin]

62 - Right person

Tears,
please dun overflow.
I break out quietly.

-Lily (Bungo stray dogs)

အပြည်ပြည်ဆိုင်ရာ လေဆိပ်တွင် အနက်ရောင် ကုတ်အင်္ကျီရှည် ဝတ်ဆင်ထားသော လူတစ်ယောက်သည် သူ့နံဘေးမှလူရဲ့ မျက်နှာပေါ်သို့ နေကာမျက်မှန်ကြီးကြီး တပ်ပေးသည်။ ထို့နောက် ထိုလူရဲ့ မိုးပြာရောင် ဆွယ်တာအောက်မှ လက်နှစ်ဖက်ကို ဆုပ်ကိုင်လိုက်သည်။ တစ်ဖက်လူကတော့ အလိုက်သင့် မျက်လေးမော့ကာ လုပ်သမျှ ငြိမ်ခံနေလေသည်။

ဂျယ်မင်က အပြန်ခရီးတွင် ဖုံးကွယ်ထားရန် မကြိုးစားတော့ပေ။ ရန်ကျွင်နဲ့ အတူတူပြန်၍ ရောက်သောအခါ ဂျဲနိုလက်ထဲသို့ အကောင်းအတိုင်း ပြန်အပ်မည်။ သူကိုယ်တိုင်အတွက်တော့ ဂရုစိုက်စရာမရှိ၊ စိုးရိမ်စရာမရှိသလို ထည့်စဥ်းစားစရာလည်း မလိုပေ။ တစ်စုံတစ်ယောက်ကို ချစ်ခဲ့ဖူးပြီး တစ်စုံတစ်ယောက်ထံမှ အချစ်လည်း ခံခဲ့ရဖူးသည်။ တစ်ယောက်ကို ဆုံးရှုံးရပြီး တစ်ယောက်ကို ပိုင်ဆိုင်ခွင့်ရခဲ့သည်။  ဒီလောက်ဆို လက်လွှတ်ပေးဖို့ လုံလောက်ပြီ၊ ဘာမှထပ်မလိုတော့။

လေဆိပ်တွင်းရှိ ဦးတည်ချက်မျိုးစုံ သွားလာနေကြသော လူတစ်ယောက်စီတိုင်းက နာဂျယ်မင်ကို အာရုံနောက်စေသည်။ ခြေဖျားလက်ဖျားကို ချွေးစေးပျံစေလျက် မသက်မသာ ခံစားရစေသည်။ ထို့ကြောင့် သန့်စင်ခန်းထဲတွင် လက်နှစ်ဖက်ကို အကြိမ်ကြိမ်ဆေး၍ စိတ်တည်ငြိမ်အောင် ထိန်းဖို့ကြိုးစားသည်။ သို့သော် သက်ရောက်မှုမရှိ၊ ရင်းတွင်းမှ မနှစ်မြို့စိတ်ကို မြိုသိပ်မထားနိုင်၊ လူတိုင်းရဲ့ဆူညံသံနဲ့ စကားပြောသံတိုင်းက စိတ်အနှောင့်ယှက် ပေးလွန်းသည်။

ရန်ကျွင်က ထောင့်တစ်နေရာတွင် ထိုင်စောင့်လျက် ကျန်နေခဲ့သည်။ နှစ်ယောက်သား ပြေပြေလည်လည် ပြောဆိုပြီးသောကြောင့် ဂျယ်မင်အနေနဲ့ ရန်ကျွင်ထွက်သွားမှာ စိတ်ပူစရာမရှိ၊ စိုးရိမ်စရာလည်း မရှိပေ။ ထို့ကြောင့် စိတ်ချလက်ချထားခဲ့၍ ဂျဲနိုရဲ့ဖုန်းကို လက်ခံပြောဆိုနေခဲ့သည်။

မထင်မှတ်ထားသော အရာတိုင်းသည် မထင်မှတ်ထားသော အချိန်တွင် ဖြစ်ပျက်လေ့ရှိသည်။ ဂျယ်မင်က စကားတပြောပြောနဲ့ မူလနေရာသို့ လျှောက်လာခဲ့သည်။ ​သို့သော် မထင်ထားစွာဖြင့် သူထားခဲ့တဲ့နေရာတွင် ရန်ကျွင်မရှိတော့ပေ။