A twisted fate
လမ်းမထက်တွင် မရေမတွက်နိုင်တဲ့ အကြိမ်မြောက်အဖြစ် အိမ်မှထွက်ပြေးခဲ့သော ငါးနှစ်အရွယ် ဂျဲနိုလေးရှိသည်။ ဂျဲနိုလေးက ရှုးဖိနပ်ကို အသေချာကြိုးချည်ကာ အိတ်ကပ်ထဲက ငွေစက္ကူအလိပ်လိုက်ကို ကျစ်ကျစ်ပါအောင် ဆုပ်ထားသည်။ အရေးအကြောင်းဆို ငွေစက္ကူက အသုံးအဝင်ဆုံးဟု အိမ်ဖော်တွေပြောတာ ကြားဖူးထားသည်။
ပထမတစ်ကြိမ် ထွက်ပြေးတုန်းက လမ်းဘေးမှလူကြီးကို အမှန်အတိုင်း ပြောပြခဲ့သည်။ ထို့နောက် ထိုလူကြီးက လက်ဆွဲခေါ်ကာ ရဲစခန်းပို့ထားခဲ့သည်။ ဒုတိယတစ်ကြိမ်၊ တတိယတစ်ကြိမ် စသည်ဖြင့် အတွေ့အကြုံများသော် ထွက်ပြေးခြင်းဖြစ်စဥ်က သိသိသာသာကြီး တိုးတက်နေပြီဖြစ်သည်။
ပထမဆုံးအနေနဲ့ ကိုယ်တစ်ယောက်ထဲ ထင်းထွက်မနေအောင် ကိုယ်ယောင်ဖျောက် ရောနှောရမည်။ ကလေးတစ်ယောက် အနေနဲ့ ကလေးအများစု ရှိသောနေရာမှာ ပန်းခြံဖြစ်သည်။ ထို့ကြောင့် အလွတ်ကျက်ထားတဲ့ မြေပုံအရ ကစားကွင်းအနီး ယောင်လည်လည် လျှောက်လာသည်။
ဒုတိယတစ်ချက်- အခြားသာမန် ကလေးတစ်ယောက်နဲ့ ဆော့ကစားသလိုလို ပူးကပ်နေရမည်။
ပစ်မှတ်ရှာနေတဲ့ ဂျဲနိုလေးက ပန်းခြံထဲရှိ သစ်ပင်ကြီးအောက်မှ ကောင်လေးတစ်ယောက်ကို ရှာတွေ့သွားသည်။ တွေ့ပြီလေ။
"တွေ့ရတာဝမ်းသာပါတယ် ငါ့နာမည်က လီဂျဲနိုပါ"
ပထမဆုံးတွေ့တဲ့သူကို ယဥ်ကျေးရမယ်။ ယဥ်ယဥ်ကျေးကျေးပြောဖို့ သင်ပေးထားတယ်။
သစ်ပင်အောက်မှ ကောင်လေးက ဂျဲနိုနဲ့ရွယ်တူသာ ရှိလိမ့်ဦးမည်။ မှိုပွင့်အလုံးလို ဆံပင်ပုံစံ၊ မျက်ဝန်းတောက်တောက်၊ ပါးဖောင်းဖောင်းလေးနဲ့ ဆူဆူပုပ်ပုပ် လုပ်နေတဲ့ရုပ်လေးက ကြွေရုပ်လေးနဲ့ တူလွန်းသည်။
ထို့နောက် အနည်းငယ်မပီသသော အသံသေးသေးလေး ထွက်ပေါ်လာသည်။
"ဖေဖေကပြောတယ် သူစိမ်းတွေကို နာမည်မပြောရဘူးတဲ့"
အခုလေးတင် နာမည်ထုတ်ပြောလိုက်တဲ့ လီဂျဲနို:
YOU ARE READING
Darling! [norenmin]
Fanfiction"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)