Darling! [norenmin]

57 - Ignorance is bliss

Since Im risking my life,
giving up my life.
Shouldn't you give me
your time back?

-Mephisto (Oshi no ko)

မနက်စောစောတွင် မျက်နှာသစ်နေသော ဂျဲနိုသည် လက်ခုပ်နှစ်ဖက်ဖြင့် မျက်နှာပေါ်မှ ဆပ်ပြာမြုပ်များကို သန့်စင်လိုက်သည်။ သူ့ဘေးတွင် နာဂျယ်မင်ရှိနေပြီး နှစ်ယောက်စလုံး ခြေဗလာဖြင့် ကြမ်းခင်းပေါ် ရပ်နေကြသည်။ ဂျယ်မင်က မှန်ထဲသို့ကြည့်ကာ ဂျဲနိုနဲ့ဘေးချင်းယှဥ်၍ ကပ်ရပ်လိုက်သည်။

"ကြည့်မနေနဲ့ ငါ့ပခုံးကပိုမြင့်တယ်"

ဂျဲနိုက မတ်မတ်ရပ်၍ ပခုံးချင်းယှဥ်လိုက်သည်။ ကွာခြားမှုက သိပ်မသိသာသော်လည်း နှိုင်းယှဥ်ကြည့်လို့ ရနေဆဲဖြစ်သည်။

"သိပ်မကွာပါဘူး အတူတူပဲကို" ဂျယ်မင်က ခါးကိုဆန့်၍ ငြင်းဆိုသည်။

ထို့နောက်ဂျဲနိုက ဂျယ်မင်ရဲ့ပခုံးကို ပခုံးချင်းတိုက်လိုက်ပြီး ဂျယ်မင်က ခြေသလုံးကို ပြန်ကန်သည်။

"ရန်ကျွင်ကအခု ကျိလင်မှာ နေနေတယ်တဲ့"

ဂျယ်မင်က ခေါင်းငုံ့ထားပြီး ရုတ်တရက်ကြီး မည်သို့တုံ့ပြန်ရမယ်မသိ ဖြစ်သွားခဲ့သည်။

ထိုနေ့က တစ်စုံတစ်ယောက်ကို ရန်ကျွင်ရဲ့ အထောက်အထားများသုံးကာ ဤခရိုင်မှ ထွက်သွားခိုင်းခဲ့သည်။ ထို့နောက် ကျိလင်တွင် ရန်ကျွင်ရဲ့အမည်နဲ့ တိုက်ခန်းငှားကာ ထိုသတင်းကို ဂျဲနိုရဲ့နားထဲသို့ အရောက်ပို့ပေးခဲ့သည်။

ကိစ္စတိုင်းကို သူတစ်ယောက်ထဲနဲ့ ချောချောမွေ့မွေ့ဖြစ်အောင် မလုပ်ဆောင်နိုင်ပေ။ တစ်စုံတစ်ယောက်သော ဦးလေးရဲ့ အကူအညီဖြင့် ဖြစ်မြောက်ခဲ့ရသည်။ အကယ်၍ ရှီဒိုနေရာတွင် အခြားတစ်ယောက်ဖြစ်ပါက ဂျယ်မင်ရဲ့လုပ်ရပ်ကို သေချာပေါက် တားလိမ့်မည်။ သို့သော် အခြားလူများ ပျက်လိုပျက်စီးဖြစ်နေတာ မြင်ရခြင်းကို အထူးနှစ်သက်သော ထိုတစ်ယောက်ကတော့ လိုလိုလားလား ကူညီခဲ့သည်။

ဂျယ်မင်က ခေါင်းငုံ့ထားဆဲဖြစ်ပြီး တိတ်တိတ်ဆိတ်ဆိတ် ဟန်ဆောင်နေလိုက်တာ ပိုကောင်းမလား တွေးတောမိသည်။ နောက်ဆုံးတော့ တည်ငြိမ်မှု ပျောက်ဆုံးနေခြင်းက သူ့ပုံစံမဟုတ်ပေ။