"ဘေဘီ"
ဟမ်!
ကြားရတဲ့အခိုက်မှာ ရန်ကျွင် နားကြားမှားသည်ဟု ထင်မိသည်။ သို့မဟုတ် နှစ်ယောက်ထဲရှိတဲ့အခန်းထဲတွင် လီဂျဲနိုက သူမဟုတ်သော အခြားတစ်ယောက်ကို ခေါ်နေသည်ဟုထင်သည်။ သူ ကြောင်ငေးနေတုန်းမှာပဲ လီဂျဲနိုကထပ်ခေါ်သည်။
"ဘေဘီ ဒီကိုကြည့်လေ"
ဘာတွေက ဘာတွေဖြစ်ပျက်နေလဲ ရန်ကျွင်မသိတော့ပေ။ ဘဝတစ်ခုစာခန့် ကြာညောင်းသော အိပ်စက်ခြင်းအဆုံးတွင် မျက်လုံးဖွင့်ဖွင့်ချင်း လီဂျဲနိုကိုတွေ့ရသည်။ မိမိတို့နှစ်ယောက်က တစ်ညတာအတူနေပြီးဖြစ်၍ လက်ထပ်မည်ဟုဆိုသည်။ သူက ရန်ကျွင်ကို လက်ထပ်ယူမည်တဲ့။ ရန်ကျွင်၏နားထဲတွင် ဟာသဆန်သည်။ ဖြူစင်မှုညစ်နွမ်းသွားရင် တစ်သက်တာလုံး မျက်နှာမပြဝံ့တော့တဲ့ ခေတ်လည်းမဟုတ်ဘူး။ ပြီးတော့ ယောက်ျားလေးဖြစ်တဲ့အလျောက် 'ကိုယ်ဝန်'လိုမျိုး နောက်ဆက်တွဲကိစ္စတွေ စိတ်ပူစရာလည်းမလို။ ဘောင်းဘီဝတ်ပြီးတာနဲ့ ဘာမှမဖြစ်ခဲ့သလို သဘောထားနိုင်သည်။ ထိုတစ်ညအား မတော်တဆမှုတစ်ခုသဖွယ် သဘောထားကာ နှစ်ယောက်လုံးရဲ့ စိတ်ထဲကနေ မေ့ပစ်လိုက်သင့်သည်။ ထို့ကြောင့် လပ်ထပ်ပွဲကို သူငြင်းပစ်ခဲ့သည်။ သို့သော်-
"သခင်လေးက ကျွန်တော့်ကိုခေါ်နေတာလား"
လီဂျဲနိုနဲ့ ညီအစ်ကိုရင်းသဖွယ် ရင်းရင်းနှီးနှီး ပြောဆိုနိုင်သူများမှာ သူယုံကြည်တဲ့လူတွေပဲ ဖြစ်သည်။ ရန်ကျွင်နဲ့က ယုံကြည်ဖို့နေနေသာသာ 'ရင်းနှီးတယ်'လို့တောင် မခေါ်ဆိုနိုင်ပေ။ သူတို့နေ့စဥ်ဘဝမှာ တစ်ယောက်မျက်နှာ တစ်ယောက်တောင် သေချာမမြင်ဖူးကြတော့ပဲ ခပ်လှမ်းလှမ်းကနေ ဖြတ်သွားရုံမျှသာ။
သူငယ်စဥ်က လီဂျဲနိုကို မနာလိုဝန်တိုစိတ်ဖြင့် မုန်းတီးခဲ့ဖူးသည်။ အရွယ်ရောက်တော့ ကြောက်ရွံ့စိတ်ဖြင့် အလိုလိုရှောင်ကျဥ်သည်။ ယခုလို နှစ်ယောက်ထဲရှိနေဖို့ အခြေအနေပေးခံရသောအခါ မနေထိုင်တတ်တော့ပေ။
"အင်း ဟုတ်တယ်! ဘယ်လိုပြောရမလဲ မင်းကလေ.... တစ်ခါတလေဆို ဘာလုပ်ရမှန်းမသိဘဲ အကူအညီလိုအပ်နေတဲ့ပုံစံမျိုးနဲ့ ကိုယ့်ကိုကြည့်တယ်။ ကိုယ်က မင်းကိုစောင့်ရှောက်ပေးရမယ်လို့ ခံစားရတယ်။ အဲ့လိုဆိုတော့ အရမ်းအသည်းယားပြီး အလိုလိုခေါ်ချင်မိတယ်"
YOU ARE READING
Darling! [norenmin]
Fiksi Penggemar"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)